Asebter amenzawi

Snat n teɣsar timeqranin n tumast deg Ccraga d Rrɣaya (amasay)

LEZZAYER TAMANEɣT – Snat n teɣsar (maḥaṭṭat) timeqranin n tumast ay la bennun deg tmaneɣt ɣef webrid amazzal yellan gar Ccraga (ataram) d Rrɣaya (agmuḍ). D Taṛmist Taɣelnawt n Ussenzi d Wefraq n Yifarisen Ipitṛuliyen (Naftal) ay d-yelhan yes-sent i lmend n weḍman n wefraq n tumast d ussenqes n lḥeṛs ɣef teɣsar niḍen, ɣef wakken ay d-yenna uselway-anemhal amatu n Naftal, Hocine Rizou.

« Seg gar 30 n teɣsar n tumast (binzin) ay yellan deg Lezzayer Tamaneɣt, 20 la ttwaṣeggament akken ad d-myezgent d tegna (maɛayir) tigraɣlanin yernu ad uɣalent d tiɣsar ay d-yettakfen imeẓla n tɣara i yemsudren », ɣef wakken ay d-yenna umasay-a n Naftal deg yijifeṛ n wezwur n temsetlelt ay d-yellan deg wesbiṭar n Bni Messus.

Deg wayen yerzan aserɣu (waqud) d lgaz n tqerɛunt deg wussan n lɛid tameẓyant, yenna-d Mass Rizou dakken ur d-yettili lexṣaṣ deg waya, yernu ad ttwaferqen yifarisen-a am leɛwayed.

Tettwajmeɛ lɛula d tameqrant i wass n lɛid, yernu afraq n yifarisen-a (mantuǧat) ɣef teɣsar la d-yettili s webrid anuman.

Nnig waya, ur d-yettili lexṣaṣ deg wefraq n yifarisen-a ula deg temnaḍin niḍen n tmurt, ɣef wakken ay d-yenna umasay-a.