ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵎⴳⴰⵔⵓ ⵏ ⵡⴻⵙⵍⴻⵍⵍⵉ ⵏ ⵍⴻⵣⵣⴰⵢⴻⵔ « ⴷ ⴰⵎⴻⴷⵢⴰ-ⵏⵏⴻⵖ ⴷⴻⴳ ⵡⴻⵙⵍⴻⵍⵍⵉ ⵏ ⴼⴰⵍⴻⵙⵟⵉⵏ »
ⵍⴻⴱⵍⵉⴷⴰ – ⵢⴻⵏⵏⴰ-ⴷ ⵡⴻⵏⵎⴰⵀⴰⵍ (ⵙⴰⴼⵉⵔ) ⵏ ⴼⴰⵍⴻⵙⵟⵉⵏ ⴷⴻⴳ ⵍⴻⵣⵣⴰⵢⴻⵔ, ⵍⵧⵓⴰⵉ ⴰⵉⵙⵙⴰ, ⵎⵉ ⵢⴻⵔⵣⴰ ⵖⴻⴼ ⵜⴻⵎⴷⵉⵏⵜ ⵏ ⵍⴻⴱⵍⵉⴷⴰ, ⴷⴰⴽⴽⴻⵏ ⵉⴼⴰⵍⴻⵙⵟⵉⵏⵉⵢⴻⵏ ⵍⴻⵎⴷⴻⵏ-ⴷ ⴰⵟⴰⵙ ⵙⴻⴳ ⵡⴻⵎⴳⴰⵔⵓ (ⵃⴰⵔⴱ) ⵏ ⵡⴻⵙⵍⴻⵍⵍⵉ ⵏ ⵍⴻⵣⵣⴰⵢⴻⵔ ⵢⴻⵔⵏⵓ ⴰⵎⴳⴰⵔⵓ-ⴰ ⴷ ⴰⵎⴻⴷⵢⴰ ⴰⵔⴰ ⴹⴻⴼⵔⴻⵏ ⵉ ⵡⴻⵙⵍⴻⵍⵍⵉ ⵏ ⵜⵎⵓⵔⵜ-ⵏⵙⴻⵏ ⵙⴻⴳ ⵜⵓⴹⴹⴼⴰ ⵜⵉⵙⵕⴰⵢⵉⵍⵉⵜ.
« ⴰⵖⵔⴻⴼ ⵏ ⴼⴰⵍⴻⵙⵟⵉⵏ ⵢⴻⵔⴼⴻⴷ ⵜⴰⴽⴱⴰⴱⵜ ⵏ ⵍⴻⵣⵣⴰⵢⴻⵔ, ⴰⵛⴽⵓ (ⵍⴻⵣⵣⴰⵢⴻⵔ) ⵜⴻⵍⵍⴰ-ⴰⵙ ⴷ ⴰⵎⴻⴷⵢⴰ ⵉ ⵏⴻⵜⵜⴰ ⴷ ⵡⴰⴽⴽ ⵉⵖⴻⵔⴼⴰⵏ ⵢⴻⵜⵜⵡⴰⴹⴻⵍⵎⴻⵏ ⴷⴻⴳ ⵓⵎⴰⴹⴰⵍ. ⵏⴻⵍⵎⴻⴷ-ⴷ ⴰⵟⴰⵙ ⵙⴻⴳ ⵜⴻⴳⵔⴰⵡⵍⴰ-ⵏⵏⴻⵙ ⴰⵢ ⵢⴻⵜⵜⵡⴰⵔⵓⵏ ⵙ ⵢⵉⵙⴻⴽⴽⵉⵍⴻⵏ ⵏ ⵡⵓⵔⴻⵖ ⴷⴻⴳ ⵢⵉⵙⴻⴱⵜⴰⵔ ⵏ ⵓⵎⴻⵣⵔⵓⵢ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵎⴰⵙⵙ ⴰⵉⵙⵙⴰ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⴷⴻⴳ ⵢⵉⵊⵉⴼⴻⵕ ⵏ ⵜⴼⵓⴳⵍⴰ (ⵃⴰⴼⵎ) ⴷⴻⴳ ⵜⵙⴻⵀⵕⴰ ⵏ ⵙⵙⴻⴱⵜ ⴷ ⵍⵃⴻⴷⴷ ⵉ ⵍⵎⴻⵏⴷ ⵏ ⵡⴻⵙⴼⵓⴳⴻⵍ ⵏ ⵢⵉⴹ ⵏ 27 ⴷ ⵜⵎⴻⵖⵔⴰ ⵏ ⵓⵣⴰⵔⵓⴳ ⴷ ⵢⵉⵍⴻⵎⵥⵉⵢⴻⵏ.
ⵖⴻⴼ ⵍⴻⵃⵙⴰⴱ ⵏ ⵓⴷⵉⵒⵍⵓⵎⴰⵜⵉ-ⴰ ⴰⴼⴰⵍⴻⵙⵟⵉⵏⵉ, ⵍⴻⵣⵣⴰⵢⴻⵔ « ⴷ ⵜⴰⵙⴰⵍⴻⵍⵜ ⵢⴻⵙⵄⴰⵏ ⴰⵣⴰⵍ ⵉ ⵓⵡⴰⵏⴰⴽ (ⴷⴰⵡⵍⴰ) ⴰⴼⴰⵍⴻⵙⵟⵉⵏⵉ ⵎⵉ ⴰⵔⴰ ⵏⵡⴰⵍⵉ ⴰⴷⴷⵓⴷⴻⵏ-ⵏⵙⴻⵏ ⵢⴻⵙⵙⴻⵎⵖⴰⵔⴻⵏ ⴰⵣⴰⵍ (ⴰⵙⴻⵍⵡⴰⵢ ⴷ ⵡⴻⵖⵔⴻⴼ) ⵖⴻⵔ ⵢⵉⴷⵉⵙ ⵏ ⵢⵉⵎⴻⵏⵖⵉ ⴰⴼⴰⵍⴻⵙⵟⵉⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵢⵉⴽⴰⵜⴰⵔⴻⵏ ⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵢⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ ⵜⵜⵡⴰⵙⵙⴰⵍⵖⴻⵏ-ⴷ ⴷⴻⴳ ⵍⴻⵣⵣⴰⵢⴻⵔ, ⵢⴻⵔⵏⵓ « ⴰⵢⴰ ⴷ ⵉⵙⴻⵖ ⵉ ⵡⴰⴽⴽ ⵉⴼⴰⵍⴻⵙⵟⵉⵏⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵢⴻⵛⴽⴻⵕ-ⴷ ⴷⴰⵖ ⵡⴻⵏⵎⴰⵀⴰⵍ « ⴰⵃⴷⴰⵕ ⵏ ⴼⴰⵍⴻⵙⵟⵉⵏ ⴷⴻⴳ ⵍⴻⵣⵣⴰⵢⴻⵔ ⴷⴻⴳ ⵡⴰⴽⴽ ⵉⵏⵓⵔⴰⵔ (ⵜⴰⵖⴻⵎⵙⴰ, ⵉⴷⵍⴻⵙ, ⵜⴰⵙⴻⵔⵜⵉⵜ ⴷ ⴷⴷⵉⵏ) », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴰⵢⴰ ⴷ ⴰⵢⴻⵏ ⴰⵢ ⵢⴻⵜⵜⴻⴽⴽⵙⴻⵏ ⴰⵖⴱⴻⵍ, ⵍⴰⴷⵖⴰ ⵎⵉ ⴰⵔⴰ ⵏⵡⴰⵍⵉ ⵜⴰⴳⵏⵉⵜ ⴰⵢⴷⴻⴳ ⵍⵍⴰⵏⵜ ⵉⵎⵉⵔ-ⴰ ⵜⵎⵓⵔⴰ ⵜⴰⵄⵕⴰⴱⵉⵏ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⴼⵓⴳⴻⵍ ⵏ ⵡⴰⵙⵙ ⴰⵏⵎⴰⴹⴰⵍ ⵏ ⵍⵇⵓⴷⵙ ⴰⵢ ⴷ-ⵢⴻⵜⵜⵉⵍⵉⵏ ⴷⴻⴳ ⵡⴰⵙⵙ ⵏ ⵍⵊⴻⵎⵄⴰ ⵜⴰⵏⴻⴳⴳⴰⵔⵓⵜ ⵏ ⵡⴰⵢⵢⵓⵔ ⵏ ⵔⴻⵎⴹⴰⵏ, ⵢⴻⵏⵏⴰ-ⴷ ⵡⴻⵏⵎⴰⵀⴰⵍ ⴰⴼⴰⵍⴻⵙⵟⵉⵏⵉ ⴷⴻⴳ ⵍⴻⵣⵣⴰⵢⴻⵔ ⴷⴰⴽⴽⴻⵏ « ⵢⴰⵍ ⴰⵙⵙ, ⵖⴻⵔ-ⵏⴻⵖ, ⴷ ⴰⵙⵙ ⵏ ⵍⵇⵓⴷⵙ ⵢⴻⵔⵏⵓ ⴷ ⴰⵙⵙ ⵏ ⵡⴻⵣⴱⵓ (ⵎⵓⵇⴰⵡⴰⵎⴰ) ⵎⴳⴰⵍ ⵜⵓⴹⴹⴼⴰ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴷ ⵍⵡⴰⵊⴻⴱ ⵖⴻⴼ ⵡⴰⴽⴽ ⵜⵉⵎⵓⵔⴰ « ⴰⴷ ⴰⴽⵉⵏⵜ ⵉ ⵓⵎⵉⵀⵉ (ⵅⵓⵟⵓⵔⴰ) ⵏ ⵜⴻⴳⵏⵉⵜ ⴷ ⵜⵓⴼⴼⵍⵉⵡⵉⵏ ⴰⵢ ⵍⴰ ⵜⴻⵜⵜⴻⴳ ⵉⵙⵕⴰⵢⵉⵍ ⵢⴻⴹⴹⴼⴻⵏ ⴰⴽⴰⵍ », ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ ⵓⵇⴰⴱⴻⵍ ⵏ ⵜⴰⵍⵓⴼⵜ-ⴰ ⴷ ⵓⴼⴻⵔⵔⵓ ⵏ ⵡⵓⴳⵓⵔⴻⵏ ⵏ ⴷⴰⵅⴻⵍ.
ⵢⴻⵙⵎⴻⴽⵜⵉ-ⴷ ⴷⴰⵖ ⵓⴷⵉⵒⵍⵓⵎⴰⵜⵉ-ⴰ ⴰⴼⴰⵍⴻⵙⵟⵉⵏⵉ, ⵉ ⵍⵎⴻⵏⴷ ⵏ ⵡⴰⵢⴰ, ⴷⴰⴽⴽⴻⵏ ⵜⵉⴷⵢⴰⵏⵉⵏ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⵊⴻⵎⵄⴰ ⵢⴻⵣⵔⵉⵏ ⴷⴻⴳ ⵍⵇⵓⴷⵙ ⵎⵉ ⴷ-ⵢⴻⵍⵍⴰ ⵡⴻⵙⴼⵓⴳⴻⵍ ⵏ ⵢⵉⴹ ⵏ 27, ⴰⵢⴷⴻⴳ 400 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⵢⴻⵏⵏⵓⵖⴻⵏ ⴷ ⵢⵉⵖⴰⵍⵍⴻⵏ ⵉⵚⴻⵀⵢⵓⵏⵉⵢⴻⵏ ⵢⴻⵔⵏⵓ ⵓⵍⵉⵏ ⵉⵖⴻⵔⴱⴰⵏ ⴷ ⵢⵉⵍⴻⵥⵡⵉ ⴱⵓ ⵜⵓⵛⵛⴰⵔ « ⴷ ⵜⴰⴱⵕⴰⵜ ⵉⴱⴰⵏⴻⵏ ⵉ ⵓⵎⴰⴹⴰⵍ ⴰⵄⵕⴰⴱ ⴰⴽⴽⴻⵏ ⴰⴷ ⴷ-ⵢⴻⵎⵎⴻⴽⵜⵉ ⵉⵎⴻⵏⵖⵉ-ⴰ ⵓⵖⴷⵉⵎ ».
