ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴱⵕⴰⵜ ⵏ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵉ ⵡⴻⵎⵜⵉⵍ-ⵏⵏⴻⵙ ⴰⴼⵕⴻⵏⵙⵉⵙ ⵖⴻⴼ ⵜⵎⴻⵜⵜⴰⵏⵜ ⵏ ⵎⵉⵛⵀⴻⵍ ⵔⵧⵛⴰⵔⴷ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⵓⵣⴻⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵜⴰⴱⵕⴰⵜ ⵏ ⵓⵄⴻⵣⵣⵉ ⵉ ⵡⴻⵎⵜⵉⵍ-ⵏⵏⴻⵙ ⴰⴼⵕⴻⵏⵙⵉⵙ, ⴼⵔⴰⵏçⵧⵉⵙ ⵀⵧⵍⵍⴰⵏⴷⴻ, ⴷⴻⴼⴼⵉⵔ ⵜⵎⴻⵜⵜⴰⵏⵜ ⵏ ⵓⵏⴻⵖⵍⴰⴼ ⴰⵎⴻⵏⵣⵓ ⴰⵇⴱⵓⵔ ⵎⵉⵛⵀⴻⵍ ⵔⵧⵛⴰⵔⴷ, ⴷ ⴰⵎⴷⴰⵏ ⵓⵎⵉ ⵉⵙⴻⵎⵎⴰ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴷ « ⴰⵎⴻⴷⴷⴰⴽⴻⵍ ⵉⵎⴻⴽⴷⵉ (ⵡⴰⴼⵉ) » ⵏ ⵍⴻⵣⵣⴰⵢⴻⵔ, ⴷ ⵡⵉⵏ ⵢⴻⵜⵜⴻⴽⴽⴰⵏ ⴷⴻⴳ ⵍⴻⴱⵏⵉ ⵏ ⵡⴰⵙⵙⴰⵖⴻⵏ ⵉⵙⵉⵏⴷⵉⵙⴻⵏ « ⵢⴻⵙⵄⴰⵏ ⵜⵉⵛⵔⴰⴹ ⵏ ⵡⴻⵎⵇⴰⴷⴻⵔ ».
« ⵙ ⵍⴻⵃⵣⴻⵏ ⴷ ⴰⵎⴻⵇⵔⴰⵏ ⴰⵢ ⵉⵢⵉ-ⴷ-ⵢⴻⵡⵡⴻⴹ ⵢⵉⵙⴰⵍⵉ ⵏ ⵜⵎⴻⵜⵜⴰⵏⵜ ⵏ ⵎⵉⵛⵀⴻⵍ ⵔⵧⵛⴰⵔⴷ, ⴰⵏⴻⵖⵍⴰⴼ ⴰⵎⴻⵏⵣⵓ ⴰⵇⴱⵓⵔ ⴷ ⵡⴻⵔⴳⴰⵣ ⵏ ⵓⵡⴰⵏⴰⴽ ⴰⴼⵕⴻⵏⵙⵉⵙ, ⴷ ⵡⵉⵏ ⴰⵢ ⴷ-ⵢⴻⴵⴵⴰⵏ ⵍⴰⵜⴻⵕ ⵓⵔ ⵉⵙⴻⴼⴼⴹⴻⵏ ⴷⴻⴳ ⵜⴰⵍⵍⵉⵜ-ⵏⵏⴻⵙ ⵢⴻⵔⵏⵓ ⴷ ⵡⵉⵏ ⵓⵎⵉ ⴰⵔⴰ ⵏⴻⵛⴼⵓ ⵙ ⵍⵇⴰⵏⴰⵄⴰⵜ ⴷ ⵍⴻⵛⵖⴰⵍ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⵓⵔⴰ ⵢⵉⵖⴻⴼ ⵏ ⵜⵎⵓⵔⵜ ⴷⴻⴳ ⵢⵉⵣⴻⵏ-ⵏⵏⴻⵙ.
« ⵙ ⵕⵕⵓⵃ-ⵏⵏⴻⵙ ⵏ ⵜⵀⴰⴽⴽⵉ ⴷ ⵜⵎⵓⵖⵍⵉ-ⵏⵏⴻⵙ ⵜⴰⵎⴻⵖⵔⴰⴷⴰⵏⵜ, ⵢⴻⵙⵙⴰⵡⴻⴹ ⵎⵉⵛⵀⴻⵍ ⵔⵧⵛⴰⵔⴷ ⴰⴷ ⵢⵉⵍⵉ ⴷ ⴰⵔⴳⴰⵣ ⵢⴻⵣⵡⴰⵔⴻⵏ ⵍⵡⴻⵇⵜ-ⵏⵏⴻⵙ. ⵢⴻⴽⵙⴻⴱ-ⴷ ⴰⵎⴽⴰⵏ ⵙ ⵡⴰⵣⴰⵍ-ⵏⵏⴻⵙ ⴷⴻⴳ ⵓⵎⴻⵣⵔⵓⵢ ⵏ ⴼⵕⴰⵏⵙⴰ ⴷ ⵡⵉⵏ ⵏ ⵜⵎⵓⵔⴰ ⵏⵉⴹⴻⵏ ⴰⵎ ⵜⵎⵓⵔⵜ-ⵉⵏⵓ, ⴷ ⵜⵉⵏ ⴰⵢ ⵢⴻⴼⵀⴻⵎ ⴷⴰⴽⴽⴻⵏ ⵜⴻⵜⵜⵏⴰⵖ ⵖⴻⴼ ⵜⵍⴻⵍⵍⵉ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵙⴻⵍⵡⴰⵢ.
« ⵡⴰ ⴷ ⴰⵔⴳⴰⵣ ⵉⴼⴻⵕⵕⵣⴻⵏ ⵜⵉⵖⴰⵡⵙⵉⵡⵉⵏ, ⵢⴻⵙⵄⴰ ⵜⴰⴱⵖⴻⵙⵜ ⴷ ⵓⵄⴻⵡⵡⴻⵍ, ⵢⴻⵔⵏⵓ ⵢⴻⵍⵍⴰ-ⴷ ⵙⴻⴳ ⴳⴰⵔ ⵡⵉⴷ ⴰⵢ ⵉⴼⴻⵀⵎⴻⵏ ⴷⴰⴽⴽⴻⵏ ⵜⴻⵎⵖⴻⵔ ⵏ ⴼⵕⴰⵏⵙⴰ ⴰⴷ ⴷ-ⵜⵉⵍⵉ ⵙ ⵜⴻⵣⵎⴻⵔⵜ ⵏ ⵢⴻⵎⴹⴻⴱⴱⵔⴻⵏ-ⵏⵏⴻⵙ ⴰⴽⴽⴻⵏ ⴰⴷ ⴷⴷⵓⵏ ⴷ ⵡⴻⴹⵔⵓ ⵏ ⵓⵎⴻⵣⵔⵓⵢ ⵙ ⵓⵎⵎⴰⴳⴻⵔ ⵏ ⵓⵣⴰⵔⵓⴳ (ⵉⵙⵜⵉⵇⵍⴰⵍ) ⵏ ⵍⴻⵣⵣⴰⵢⴻⵔ ⴰⵢ ⴷ-ⵜⴻⴽⴽⴻⵙ ⵙ ⵢⵉⵎⴻⵏⵖⵉ ⴷ ⴰⵇⴻⵙⵃⴰⵏ, ⵙⴰⴽⴽⵉⵏ, ⵢⴻⵜⵜⴻⴽⴽⴰ ⴷⴻⴳ ⵍⴻⴱⵏⵉ ⵏ ⵡⴰⵙⵙⴰⵖⴻⵏ ⵉⵙⵉⵏⴷⵉⵙⴻⵏ ⵢⴻⵙⵄⴰⵏ ⵜⵉⵛⵔⴰⴹ ⵏ ⵡⴻⵎⵇⴰⴷⴻⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵖⴻⴼ ⵏ ⵜⵎⵓⵔⵜ.
« ⵎⵉⵛⵀⴻⵍ ⵔⵧⵛⴰⵔⴷ ⵢⴻⵍⵍⴰ ⴷ ⴰⵔⴳⴰⵣ ⴰⵒⵕⴰⴳⵎⴰⵜⵉ ⴰⵢ ⵢⴻⵍⵍⴰⵏ ⵉⵅⴻⴷⴷⴻⵎ ⵙ ⵜⵃⴻⵕⵛⵉ ⴷ ⵓⵄⴻⵡⵡⴻⵍ ⴰⴽⴽⴻⵏ ⴰⴷ ⵢⴻⵔⵥⴻⵎ ⵉⴱⵔⵉⴷⴻⵏ ⵉ ⵜⴷⵉⵏⴰⵎⵉⵢⵉⵏ ⵜⵉⵏⵎⴻⵜⵜⵉⵢⵉⵏ ⴷ ⵡⴻⴳⵔⴰⵔⵎⵓⴷ ⴰⵍⵙⴰⵏ. ⴰⴱⵔⵉⴷ ⴰⵢ ⵢⴻⴹⴼⴻⵔ ⴷ ⵡⵉⵏ ⵢⵓⴽⵍⴰⵍⴻⵏ ⵍⴻⵇⴷⴻⵔ ⵢⴻⵔⵏⵓ ⵢⴻⵜⵜⵖⵉⵎⵉ-ⴷ ⴷ ⴰⵎⴻⴷⵢⴰ, ⴷ ⵡⵉⵏ ⴰⵢⴷⴻⴳ ⵉⵅⴻⵎⵎⴻⵎ ⵖⴻⴼ ⵜⴻⴳⵏⴰⵜⵉⵏ ⵙ ⵜⴻⵖⵣⴻⴼ ⵢⴻⵔⵏⵓ ⵢⴻⵇⴱⴻⵍ ⴰⴷ ⵉⵍⵉⵏⵜ ⵜⴻⴼⵔⴰⵜⵉⵏ ⵉⵡⴻⵄⵕⴻⵏ ⵎⴰ ⵡⴻⵄⵕⴻⵏ ⵡⵓⴳⵓⵔⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ.
« ⵉ ⵍⵎⴻⵏⴷ ⵏ ⵜⴻⴳⵏⵉⵜ-ⴰ ⵜⵓⵃⵣⵉⵏⵜ, ⵙⵙⴰⵡⴰⴹⴻⵖ-ⴰⵡⴻⵏ-ⴷ ⴰⵄⴻⵣⵣⵉ-ⵉⵏⵓ ⵙⴻⴳ ⵡⵓⵍ ⵍⵇⴰⵢⴻⵏ, ⵙ ⵢⵉⵙⴻⵎ-ⵉⵏⵓ ⵓⴷⵎⴰⵡⴰⵏ ⴷ ⵡⵉⵏ ⵏ ⵡⴻⵖⵔⴻⴼ ⴷ ⵓⵏⴰⴱⴰⴹ ⵉⴷⵣⴰⵢⵔⵉⵢⴻⵏ, ⴰⵎⴰ ⵉ ⴽⴻⵏⵡⵉ, ⴰⵎⴰ ⵉ ⵜⵡⴰⵛⵓⵍⵜ ⴷ ⵢⴻⵇⵔⵉⴱⴻⵏ ⵏ ⵓⵎⴻⵕⵃⵓⵎ », ⵖⴻⴼ ⵡⴰⴽⴽⴻⵏ ⴰⵢ ⵜⵜ-ⵉⴷ-ⵢⴻⵅⵜⴻⵎ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ.
