ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵙⵙⴻⴼⴽ ⴰⴷ ⵢⵉⵍⵉ ⵓⵖⴰⵡⴰⵙ ⵏ ⵓⵅⴻⴷⴷⵉⵎ ⴷⴻⴳ ⵜⵓⴷⴻⵔⵜ ⵜⴰⵏⵎⴻⵜⵜⵉⵜ ⴷ ⵜⴷⴰⵎⵙⴰⵏⵜ (ⴰⵏⴻⵖⵍⴰⴼ)
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴻⵖⴱⵓⵍⴰ ⵏ ⵡⴰⵎⴰⵏ ⴷ ⵜⵡⴻⵏⵏⴰⴹⵜ, ⴰⴱⴷⴻⵍⴽⴰⴷⴻⵔ ⵧⵓⴰⵍⵉ, ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴻⵣⵣⴰⵢⴻⵔ, ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⴻⵜⵜⵡⴰⵀⴻⵢⵢⵉ ⵓⵖⴰⵡⴰⵙ ⵏ ⵓⵅⴻⴷⴷⵉⵎ ⴰⵔⴰ ⵢⴻⴵⴵⴻⵏ ⴰⵃⵔⵉⵛ ⵏ ⵜⵡⴻⵏⵏⴰⴹⵜ ⴰⴷ ⴷ-ⵉⴱⴰⵏ ⴷⴻⴳ ⵜⵓⴷⴻⵔⵜ ⵜⴰⵏⵎⴻⵜⵜⵉⵜ ⴷ ⵜⴷⴰⵎⵙⴰⵏ ⵏ ⵜⵎⵓⵔⵜ.
ⴰⵃⵔⵉⵛ ⵏ ⵜⵡⴻⵏⵏⴰⴹⵜ ⴷ ⵡⵉⵏ ⴰⵢⴷⴻⴳ ⵓⵔ ⴷ-ⵢⴻⵍⵍⵉ ⴰⵟⴰⵙ ⵏ ⵍⴰⵜⴻⵕ ⴷ ⵢⴻⵃⵔⵉⵛⴻⵏ ⵏⵉⴹⴻⵏ ⵢⴻⵔⵏⵓ ⵓⵔ ⵢⴻⵙⵙⴻⴼⴽ ⴰⴷ ⴽⴻⵎⵎⵍⴻⵏⵜ ⵜⵖⴰⵡⵙⵉⵡⵉⵏ ⴰⵎ ⵡⴰⴽⴽⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵏⴻⵖⵍⴰⴼ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴷ ⵢⵉⵏⴻⵎⵀⴰⵍⴻⵏ ⵏ ⵜⵡⴻⵏⵏⴰⴹⵜ ⵏ 48 ⵏ ⵜⵡⵉⵍⴰⵢⵉⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⴻⵡⵊⴻⴷ ⵓⵖⴰⵡⴰⵙ ⵖⴻⴼ ⵣⵉⴽ ⵍⵃⴰⵍ ⴰⴽⴽⴻⵏ ⴰⴷ ⴷ-ⵜⴱⵏ ⵜⵡⴻⵏⵏⴰⴹⵜ ⴷⴻⴳ ⵜⵓⴷⴻⵔⵜ ⵏ ⵜⵎⴻⵜⵜⵉ ⴷ ⵜⴷⴰⵎⵙⴰ, ⴰⵎ ⵡⴰⴽⴽⴻⵏ ⴰⵔⴰ ⴷ-ⵉⵍⵉⵏ ⵍⴻⵛⵖⴰⵍ ⴰⵎ ⵡⴻⵙⵃⵓⵍⴼⵓ, ⴰⵙⵙⴻⴼⵔⴻⴽ ⵏ ⵜⵓⵔⵙⴰⴹ ⴷ ⵡⴻⵙⵎⴻⴽⵜⵉ ⵙ ⵓⵏⴻⵡⵡⴻⵄ ⵏ ⵜⵡⴻⵏⵏⴰⴹⵜ ⴷ ⵡⴰⵣⴰⵍ ⵏ ⵜⴰⵍⵍⵓⵏⵉⵏ ⵜⵉⵣⴻⴳⵣⴰⵡⵉⵏ.
ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴰⵖⴰⵡⴰⵙ-ⴰ ⵉⵃⴰⵔⴻⵏ ⴰⴷ ⵢⴻⴵⴵ ⴰⵃⵔⵉⵛ ⵏ ⵜⵡⴻⵏⵏⴰⴹⵜ « ⴰⴷ ⴷ-ⵢⴻⵔⵔ ⴰⵎⴽⴰⵏ-ⵏⵏⴻⵙ ⵖⴻⵔ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ), ⵉⴽⴰⵔⴰⵎⴻⵏ ⵉⴷⴰⵎⵙⴰⵏⴻⵏ ⴷ ⵓⵙⵙⴻⴼⵜⵉ », ⵢⴻⵔⵏⵓ ⵓⵇⴱⴻⵍ ⵎⴰ ⵢⴻⴱⴷⴰ-ⴷ ⵡⴰⵢⴰ, ⵢⴻⵙⵙⵓⵜⴻⵔ ⵓⵏⴻⵖⵍⴰⴼ ⵙⴻⴳ ⵢⵉⴽⴰⵜⴰⵔⴻⵏ (ⵉⵟⴰⵔⴰⵜ) ⵏ ⵜⵡⴻⵏⵏⴰⴹⵜ ⴰⴷ ⵙⴻⵎⵔⴻⵏ ⵜⴰⴳⴻⵔⵜⵉⵍⵜ ⵏ ⵓⵅⴻⴷⴷⵉⵎ ⴰⵢ ⵍⴰ ⵢⴻⵜⵜⵡⴰⵙⵙⴻⵇⴷⴰⵛⴻⵏ ⴰⵔ ⴰⵙⵙ-ⴰ ⴷ ⵓⵀⴻⵢⵢⵉ ⵏ ⵜⴻⵣⵔⴰⵡⵜ ⵉⵡⴰⵜⴰⵏ.
ⵢⴻⵏⵏⴰ-ⴷ ⴷⴰⵖ ⵓⵏⴻⵖⵍⴰⴼ ⴷⴰⴽⴽⴻⵏ ⴰⴷ ⵜⵜⵡⴰⴷⴷⵎⴻⵏ ⵢⵉⵃⵊⴻⵣⵣⵉⴱⴻⵏ ⵉ ⵡⴻⵙⵏⵓⵍⴼⵓ ⵏ « ⵢⵉⵅⴻⴷⴷⴰⵎⴻⵏ ⵉⵡⴰⵜⴰⵏ », ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⵜⴻⵜⵜⵡⴰⴽⴽⴻⵙ « ⵜⴻⵍⵅⴻⵅ » ⴰⵢ ⴷ-ⵢⴻⵍⵍⴰⵏ ⴷⴻⴳ ⵡⴻⵃⵔⵉⵛ-ⴰ ⴰⴽⴽⴻⵏ ⴰⴷ ⴷ-ⵢⴻⴷⴷⵓⵇⵇⴻⵙ ⵡⴻⵃⵔⵉⵛ ⵏ ⵜⵡⴻⵏⵏⴰⴹⵜ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ, ⵢⴻⵔⵏⵓ ⴰⴷ ⴷ-ⵢⵉⵍⵉ ⵡⴰⵢⴰ ⵙ ⵍⴻⵛⵖⴰⵍ ⴰⵔⴰ ⵢⴻⴵⴵⴻⵏ ⴰⵖⴻⵔⵎⴰⵏ (ⵎⵓⵡⴰⵟⵉⵏ) ⵢⴻⵜⵜⵃⵓⵍⴼⵓ ⴷⴰⴽⴽⴻⵏ ⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⴼⴽⴰⵏ ⴰⵣⴰⵍ ⵉ ⵜⵡⴻⵏⵏⴰⴹⵜ. ⵉⴳⴻⵔ-ⴷ ⴷⴰⵖ ⵓⵏⴻⵖⵍⴰⴼ ⵜⵉⵖⵔⵉ ⵉ ⵓⵄⴰⵡⴻⴷ ⵏ ⵜⵎⵓⵖⵍⵉ ⴷⴻⴳ ⵜⴰⵍⵓⴼⵜ ⵏ ⵓⵙⴻⵏⴷⵓⵇ ⵏ ⵜⵡⴻⵏⵏⴰⴹⵜ, ⵢⴻⵔⵏⵓ ⵢⴻⵏⵏⴰ-ⴷ: « ⴷ ⴰⵛⵓ-ⵜⴻⵏ ⵍⴻⵛⵖⴰⵍ ⵏ ⵓⵙⴻⵏⴷⵓⵇ-ⴰ ⵢⴻⵔⵏⵓ ⵖⴻⵔ ⵡⴰⵏⴷⴰ ⴰⵔⴰ ⵜⴻⵏ-ⵏⵡⴻⵀⵀⵉ ⵙⴻⴳ-ⴰ ⵖⴻⵔ ⵙⴷⴰⵜ ». ⵢⴻⵜⵜⴻⵔ-ⴷ ⴷⴰⵖ ⵓⵏⴻⵖⵍⴰⴼ ⵖⴻⴼ ⴷⴷⵓⵕ ⵏ « ⵢⴻⵅⵅⴰⵎⴻⵏ ⵏ ⵜⵡⴻⵏⵏⴰⴹⵜ », ⵍⴰⴷⵖⴰ ⵉⵎⵉ ⴰⵢ ⵜⵜⵡⴰⴱⵏⴰⵏ ⴽⵔⴰ ⵙⴻⴳ-ⵙⴻⵏ, ⵎⴰⵛⴰ ⵡⴻⵔⵄⴰⴷ ⵓⵔ ⴱⴷⵉⵏ ⴰⵅⴻⴷⴷⵉⵎ ⴰⵔ ⴰⵙⵙ-ⴰ.
