Asebter amenzawi

Yessefk ad yili uɣawas n uxeddim deg tudert tanmettit d tdamsant (aneɣlaf)

LEZZAYER TAMANEɣT – Yenna-d uneɣlaf n teɣbula n waman d twennaḍt, Abdelkader Ouali, ass n lḥedd deg Lezzayer, dakken yessefk ad d-yettwaheyyi uɣawas n uxeddim ara yeǧǧen aḥric n twennaḍt ad d-iban deg tudert tanmettit d tdamsan n tmurt.

Aḥric n twennaḍt d win aydeg ur d-yelli aṭas n lateṛ d yeḥricen niḍen yernu ur yessefk ad kemmlent tɣawsiwin am wakka, ɣef wakken ay d-iwekked uneɣlaf deg yiwet n temlilit d yinemhalen n twennaḍt n 48 n twilayin, am wakken ay d-yerna dakken yessefk ad d-yewjed uɣawas ɣef zik lḥal akken ad d-tbn twennaḍt deg tudert n tmetti d tdamsa, am wakken ara d-ilin lecɣal am wesḥulfu, assefrek n tursaḍ d wesmekti s unewweɛ n twennaḍt d wazal n tallunin tizegzawin.

Yenna-d uneɣlaf dakken aɣawas-a iḥaren ad yeǧǧ aḥric n twennaḍt « ad d-yerr amkan-nnes ɣer teṛmisin (carikat), ikaramen idamsanen d ussefti », yernu uqbel ma yebda-d waya, yessuter uneɣlaf seg yikataren (iṭarat) n twennaḍt ad semren tagertilt n uxeddim ay la yettwasseqdacen ar ass-a d uheyyi n tezrawt iwatan.

Yenna-d daɣ uneɣlaf dakken ad ttwaddmen yiḥjezziben i wesnulfu n « yixeddamen iwatan », am wakken ay yessefk ad tettwakkes « telxex » ay d-yellan deg weḥric-a akken ad d-yedduqqes weḥric n twennaḍt deg wakk timnaḍin n tmurt, yernu ad d-yili waya s lecɣal ara yeǧǧen aɣerman (muwaṭin) yettḥulfu dakken imasayen (mas’ulin) fkan azal i twennaḍt. Iger-d daɣ uneɣlaf tiɣri i uɛawed n tmuɣli deg taluft n usenduq n twennaḍt, yernu yenna-d: « D acu-ten lecɣal n usenduq-a yernu ɣer wanda ara ten-nwehhi seg-a ɣer sdat ». Yetter-d daɣ uneɣlaf ɣef dduṛ n « yexxamen n twennaḍt », ladɣa imi ay ttwabnan kra seg-sen, maca werɛad ur bdin axeddim ar ass-a.