ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴼⴻⵜⵔⴰⵡ ⵏ ⵜⴻⵊⵎⵉⵍⵜ ⵉ ⵜⵎⴻⵙⴽⴰⵔⵜ ⴷⵊⵧⵀⴻⵔ ⴰⵎⵀⵉⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ- ⵉⵄⴻⴷⴷⴰ-ⴷ, ⴰⵙⵙ ⵏ ⵍⵃⴻⴷⴷ ⵜⴰⵎⴻⴷⴷⵉⵜ, ⵉ ⵜⵉⴽⴽⴻⵍⵜ ⵓⵇⴱⴻⵍ ⵏ ⵜⵎⴻⵣⵡⴰⵔⵓⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵓⵙⴰⵔⵓ ⴰⴼⴻⵜⵔⴰⵡ ⵏ « ⴷⵊⵧⵀⴻⵔ ⴰⵎⵀⵉⵙ » ⴰⵢ ⴷ-ⵢⴻⵙⵙⴻⴹⵔⴰ ⵎⵀⴰⵎⴻⴷ ⴰⵎⵔⵧⵓⵛⵀⴻ ⴷ ⵜⴰⵊⵎⵉⵍⵜ ⵉ ⵜⵙⴻⵏⵙⴻⴳⵎⵉⵜ-ⴰ ⵜⴰⵎⴻⵙⴽⴰⵔⵜ ⵜⴰⴷⵣⴰⵢⵔⵉⵜ.

ⴰⴼⴻⵜⵔⴰⵡ-ⴰ (ⵡⴰⵜⴰ’ⵉⵇⵉ) ⵏ 52 ⵏ ⵜⴻⴷⵇⵉⵇⵉⵏ ⵢⵓⵔⴰ-ⵜ ⴰⵎⵔⵧⵓⵛⵀⴻ ⵎⴰⵍⴻⴽ ⵢⴻⵔⵏⵓ ⵢⴻⵙⵙⴽⴰⵏⴰⵢ-ⴷ ⴰⵎⴻⵛⵡⴰⵕ ⵏ ⵜⵎⴻⵟⵟⵓⵜ-ⴰ ⵏ ⵜⵙⴻⴽⵍⴰ ⵢⴻⵙⵄⴰⵏ, ⴰⵙⵙ-ⴰ, 87 ⵏ ⵢⵉⵙⴻⴳⴳⴰⵙⴻⵏ, ⵢⴻⵔⵏⵓ ⵜⴻⵜⵜⵡⴰⵙⵙⴻⵏ ⵙ ⵡⴰⵟⴰⵙ ⵏ ⵢⴻⴷⵍⵉⵙⴻⵏ ⵏ ⵓⵙⵙⵓⵏⵏⴻⵎ ⴷ ⴽⵔⴰ ⵏ ⵢⴻⴷⵍⵉⵙⴻⵏ ⵢⴻⵙⵄⴰⵏ ⴰⵣⴰⵍ ⴷ ⴰⵎⴻⵇⵔⴰⵏ ⴷⴻⴳ ⵜⵙⴻⴽⵍⴰ ⵜⴰⴷⵣⴰⵢⵔⵉⵜ.

ⴷⴻⴳ ⵓⵙⴰⵔⵓ-ⴰ, ⵍⵍⴰⵏ-ⴷ ⵢⴻⵃⵔⵉⵛⴻⵏ ⵏ ⵜⴷⵉⵡⴻⵏⵏⵉⵢⵉⵏ ⴷ ⴷⵊⵧⵀⴻⵔ ⴰⵎⵀⵉⵙ-ⵧⵓⴽⵙⴻⵍ, ⵜⴰⴳⴳⵉⵡⵉⵏ (ⵛⴰⵀⴰⴷⴰⵜ) ⵏ ⵢⴻⵙⴷⴰⵡⴰⵏⴻⵏ, ⵉⵎⵓⵔⴰ, ⵉⵎⴻⴷⴷⵓⴽⴻⵍ ⴷ ⵢⵉⵄⴻⵢⵢⴰⵍⴻⵏ ⵏ ⵜⵡⴰⵛⵓⵍⵜ-ⵏⵏⴻⵙ. ⵉⵡⴻⴽⴽⴻⴷ-ⴷ ⴷⴰⵖ ⵓⴼⴻⵜⵔⴰⵡ-ⴰ ⵖⴻⴼ ⵜⵓⴳⵏⴰ ⵜⴰⵡⵉⵣⵉⵜ ⵏ ⵜⵎⴻⵟⵟⵓⵜ-ⴰ ⴷ ⵓⵄⴻⵡⵡⴻⵍ-ⵏⵏⴻⵙ ⴰⴽⴽⴻⵏ ⴰⴷ ⵜⴻⵙⵄⴻⴷⴷⵉ ⵉⴷⵍⴻⵙ ⴰⴷⵣⴰⵢⵔⵉ ⵉ ⵜⵙⵓⵜⵡⵉⵏ ⵜⵉⵎⴻⵥⵢⴰⵏⵉⵏ.

ⵉⵄⴻⴷⴷⴰ-ⴷ ⵓⴼⴻⵜⵔⴰⵡ-ⴰ ⴷⴻⴳ ⵜⵙⵉⵏⵉⵎⴰⵜⵉⴽⵜ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵢⴻⵔⵏⵓ ⵏⴻⵣⵣⵀⴻⵏ-ⴰⵙ ⴰⵟⴰⵙ ⵏ ⵎⴻⴷⴷⴻⵏ. ⵢⴻⵃⴽⴰ-ⴷ ⴷⴰⵖ ⵓⵙⴰⵔⵓ-ⴰ ⵖⴻⴼ ⵜⴳⴻⵔⴷⴰ ⴷ ⵓⵎⴻⵛⵡⴰⵕ ⴰⵡⵃⵉⴷ ⵏ ⵜⴻⵇⵛⵉⵛⵜ-ⴰ ⵢⴻⵙⵄⴰⵏ ⴱⴰⴱⴰ-ⵙ ⴷ ⴰⵙⴻⵍⵎⴰⴷ ⴷⴻⴳ ⵜⴰⵍⵍⵉⵜ ⵏ ⵓⵙⵙⴻⵀⵔⴻⵙ (ⵉⵙⵜⵉⵄⵎⴰⵔ) ⴰⴼⵕⴻⵏⵙⵉⵙ. ⵜⵓⴷⴻⴼ ⵎⴰⵙⵙⴰ ⴰⵎⵀⵉⵙ ⵖⴻⵔ ⵓⵖⴻⵔⴱⴰⵣ ⵏ ⵢⵉⵙⴻⵍⵎⴰⴷⴻⵏ ⴷⴻⴳ 1945, ⵜⵓⵖⴰⵍ ⴷ ⵜⴰⵙⴻⵍⵎⴰⴷⵜ, ⵙⴰⴽⴽⵉⵏ ⵜⵓⵖⴰⵍ ⴷ ⵜⵉⵎⵙⵉⵍⴻⵖⵜ (ⵎⵓⴽⴰⵡⵡⵉⵏⴰ) ⵏ ⵢⵉⵙⴻⵍⵎⴰⴷⴻⵏ ⵎⵉ ⵜⴻⵡⵡⵉ ⵍⴷⵣⴰⵢⴻⵔ ⴰⵣⴰⵔⵓⴳ.

« ⵏⵏⴰ ⵍⴵⵓⵀⴻⵕ », ⴰⴽⴽⴻⵏ ⴰⵢ ⵃⴻⵎⵎⵍⴻⵏ ⴰⴷ ⴰⵙ-ⵖⵔⴻⵏ ⵢⵉⵎⴻⴷⴷⵓⴽⴰⵍ-ⵏⵏⴻⵙ, ⵜⴻⴼⴽⴰ-ⴷ, ⴷⴻⴳ ⵓⴼⴻⵔⵜⴰⵡ-ⴰ, ⴽⵔⴰ ⵏ ⵜⴻⵍⵖⴰ (ⵎⴰⵄⵍⵓⵎⴰⵜ) ⵖⴻⴼ ⵜⵓⴷⴻⵔⵜ-ⵏⵏⴻⵙ ⵜⵓⴷⵎⴰⵡⴰⵏⵜ, ⴰⵎ ⵡⴰⴽⴽⴻⵏ ⴰⵢ ⵜⴻⵔⵔⴰ ⵜⴰⵊⵎⵉⵍⵜ ⵉ ⵓⵎⴻⵕⵃⵓⵎ ⵏ ⵡⴻⵔⴳⴰⵣ-ⵏⵏⴻⵙ, ⴱⴻⵍⴽⵀⵉⵔ ⵧⵓⴽⵙⴻⵍ, ⴰⵢ ⵉⵅⴻⴷⵎⴻⵏ, ⵓⵍⴰ ⴷ ⵏⴻⵜⵜⴰ, ⴷⴻⴳ ⵡⴻⵃⵔⵉⵛ ⵏ ⵓⵙⵙⴻⴳⵎⵉ.

ⴰⵃⵔⵉⵛ ⵡⵉⵙ ⵙⵉⵏ ⵏ ⵓⴼⴻⵜⵔⴰⵡ-ⴰ ⴷ ⵡⵉⵏ ⴰⵢ ⴷ-ⵢⴻⵍⵀⴰⵏ ⵙ ⵓⵅⴻⴷⴷⵉⵎ ⵏ « ⵡⴻⵙⵄⴻⴷⴷⵉ » ⵏ ⵢⴻⴷⵍⴻⵙ ⵙ ⵜⵉⵔⴰⵡⵜ, ⴷ ⴰⵎⴻⵛⵡⴰⵕ ⴰⵢ ⵜⴻⴱⴷⴰ ⵜⵙⴻⵍⵎⴰⴷⵜ-ⴰ ⴰⵙⵎⵉ ⴰⵢ ⵜⴻⵡⵡⵉ ⵜⴰⵙⵜⴰⵖⵜ (ⵜⴰⵇⴰⵄⵓⴷ) ⴷⴻⴳ 1983.