Asebter amenzawi

Tessadef-d RC ɣilizan 10 n yimariren imaynuten

ɣILIZAN – 10 n yimariren imaynuten ay d-tessadef RC ɣilizan seg melmi kan, ɣef wakken ay aɣ-d-tenna ass n lḥedd SSPA.

Aselway n teɣlamt-a, Hakim Bouhenni, yenna-d dakken imariren imaynuten stenyan leɛqudat n sin n yiseggasen d RC ɣilizan.

Imariren-a d Merouane Amane (CS Qsenṭina), Imad Brahmia (MC Lɛelma), Walid Hellal (MC Wehṛan), Ishak Guebli d Fouad Alleug (NAHD), Salim Mehsas d Alaeddine Merzougui (RC Laṛebɛa), Oussama Tebbi (JS Skikda), Mohamed Khelfaoui (USM Lezzayer, issirmen) d Samir Chaouchi (Muludeyya n Lezzayer).

Tenna-d daɣ tmehla (mudiriyya) n RC ɣilizan dakken tessadef-d imenṭagen Mohamed Amine Belmokhtar, Hocine Mazouni, Karim Meddahi d sin n yiɛessasen, Mustapha Zaidi d Abdennour Merzougui.

I wesmekti, RC ɣilizan tessaweḍ ad teqqim deg Temɣunt 1ut tasadurant (muḥtarifa) deg wass aneggaru n telɣuɣa yezrin.