ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⴼⴻⴽⴽⵉⵡⵉⵏ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⵏⵖⴰⵏ ⵢⵉⵖⴰⵍⵍⴻⵏ ⵉⵙⵕⴰⵢⵉⵍⵉⵢⴻⵏ ⵓⵔ ⵜⴻⵏⵜ-ⵜⵜⴰⵔⵔⴰⵏ ⵉ ⵜⵡⴰⵛⵓⵍⵉⵏ-ⵏⵙⴻⵏ

ⵍⵇⵓⴷⵙ ⵢⴻⵜⵜⵡⴰⴹⴹⴼⴻⵏ– ⵖⴻⵜⵙⴻⵏ (ⵇⴰⵔⵔⴰⵔⴰ) ⵢⵉⴷⵓⴱⴰ ⵉⵙⵕⴰⵢⵉⵍⵉⵢⴻⵏ ⵓⵔ ⵜⵜⴰⵔⵔⴰⵏ ⵜⵉⴼⴻⴽⴽⵉⵡⵉⵏ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⵏⵖⴰⵏ ⵢⵉⵖⴰⵍⵍⴻⵏ ⵉⵙⵕⴰⵢⵉⵍⵉⵢⴻⵏ ⵏ ⵜⵓⴹⴹⴼⴰ ⵉ ⵜⵡⴰⵛⵓⵍⵉⵏ-ⵏⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ.

ⵏⵏⴰⵏ-ⴷ ⵢⵉⴷⵓⴱⴰ ⵉⵙⵕⴰⵢⵉⵍⵉⵢⴻⵏ ⴷⴰⴽⴽⴻⵏ ⴰⴷ ⴱⵏⵓⵏ ⵜⵉⵎⴻⵇⴱⴻⵔⵜ ⵜⵓⵣⵣⵉⴳⵜ (ⵅⴰⵚⵚⴰ) ⵉ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⵏⴻⵖⵖⴻⵏ ⵢⵉⵙⴻⵔⴷⴰⵙⴻⵏ. ⵢⴻⴼⴼⴻⵖ-ⴷ ⵕⵕⴰⵢ-ⴰ ⴰⵙⵙ ⵏ ⵙⵙⴻⴱⵜ, ⵖⴻⴼ ⵍⴻⵃⵙⴰⴱ ⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ.

ⵡⵜⴻⵏ-ⴷ ⵢⵉⴼⴰⵍⴻⵙⵟⵉⵏⵉⵢⴻⵏ ⴷ ⵜⵓⴷⴷⵙⵉⵡⵉⵏ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ ⵙ ⵜⴻⵇⵙⴻⵃ ⵎⴳⴰⵍ ⵡⴰⵢⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵡⴻⴽⴽⴷⴻⵏ ⴷⴰⴽⴽⴻⵏ ⴰⵢⴰ ⴷ ⴰⵔⴽⴰⴹ ⵉ ⵡⴻⵣⵔⴻⴼ ⵏ ⵜⵡⴰⵛⵓⵍⵉⵏ ⴰⴽⴽⴻⵏ ⴰⴷ ⵎⴻⴹⵍⴻⵏⵜ ⵉⵇⵔⵉⴱⴻⵏ-ⵏⵙⴻⵏⵜ.

ⵏⵖⴰⵏ ⵢⵉⵖⴰⵍⵍⴻⵏ ⵏ ⵜⵓⴹⴹⴼⴰ ⵜⵉⵙⵕⴰⵢⵉⵍⵉⵜ, ⵎⴰ ⵓⵍⴰⵛ, 211 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⵙⴻⴳ ⵜⵍⴻⵎⵎⴰⵙⵜ ⵏ ⵛⵜⴻⵎⴱⴻⵕ ⵢⴻⵣⵔⵉⵏ ⴰⵔ ⴰⵙⵙ-ⴰ.

ⵎⴰ ⴷ ⵜⴰⵎⵙⴰⴼⴳⴰ (ⵟⴰⵢⴰⵔⴰⵏ) ⵜⵉⵙⵕⴰⵢⵉⵍⵉⵜ ⵜⴻⵎⵎⴻⵖ, ⴰⵙⵙ ⵏ ⵙⵙⴻⴱⵜ, ⵖⴻⴼ 4 ⵏ ⵢⴻⵙⵡⴰⵏ ⴷⴻⴳ ⵜⴻⵙⴼⵉⴼⵜ ⵏ Ɣⴻⵣⵣⴰ, ⵎⴰⵛⴰ ⵓⵔ ⵢⴻⴳⵍⵉ ⵡⴰⵢⴰ ⵙ ⵜⴻⵖⵜⴰⵙ (ⴹⴰⵃⴰⵢⴰ).