Asebter amenzawi

Tifekkiwin n Yifalesṭiniyen ay nɣan yiɣallen isṛayiliyen ur tent-ttarran i twaculin-nsen

LQUDS yettwaḍḍfen– ɣetsen (qarrara) yiduba isṛayiliyen ur ttarran tifekkiwin n Yifalesṭiniyen ay nɣan yiɣallen isṛayiliyen n tuḍḍfa i twaculin-nsen, ɣef wakken ay d-nnan ttawilat n yisalan.

Nnan-d yiduba isṛayiliyen dakken ad bnun timeqbert tuzzigt (xaṣṣa) i Yifalesṭiniyen ay neɣɣen yiserdasen. Yeffeɣ-d ṛṛay-a ass n ssebt, ɣef leḥsab n ttawilat n yisalan.

Wten-d Yifalesṭiniyen d tuddsiwin n yizerfan n wemdan s teqseḥ mgal waya, am wakken ay d-wekkden dakken aya d arkaḍ i wezref n twaculin akken ad meḍlent iqriben-nsent.

Nɣan yiɣallen n tuḍḍfa tisṛayilit, ma ulac, 211 n Yifalesṭiniyen seg tlemmast n Ctembeṛ yezrin ar ass-a.

Ma d tamsafga (ṭayaran) tisṛayilit temmeɣ, ass n ssebt, ɣef 4 n yeswan deg tesfift n ɣezza, maca ur yegli waya s teɣtas (ḍaḥaya).