ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⴳⴰⵔ ⵏ 600 ⵏ ⵢⴻⵅⵅⴰⵎⴻⵏ ⴰⵢ ⵢⴻⵜⵜⵡⴰⵇⵇⵏⴻⵏ ⵖⴻⵔ ⵍⴳⴰⵣ ⴷⴻⴳ ⵍⴱⵓⵕⵊ ⴱⵓⵄⵕⵉⵕⵉⵊ

ⵍⴱⵓⵕⵊ ⴱⵓⵄⵕⵉⵕⵉⵊ – ⵙ ⵓⵊⴻⵎⵎⴰⵍ, 602 ⵏ ⵢⴻⵅⵅⴰⵎⴻⵏ ⴰⵢ ⵢⴻⵜⵜⵡⴰⵇⵇⵏⴻⵏ ⵖⴻⵔ ⵍⴳⴰⵣ ⴰⴳⴰⵎⴰⵏ ⴷⴻⴳ ⵜⵖⵉⵡⴰⵏⵉⵏ ⵏ ⵍⵄⴻⵛⵛ ⴷ ⵙⵉⴷⵉ ⵎⴱⴰⵕⴻⴽ (ⵍⴱⵓⵕⵊ ⴱⵓⵄⵕⵉⵕⵉⵊ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵜⴻⵎⴽⴻⵍⵍⴻⴼⵜ ⵙ ⵜⴻⵖⵡⴰⵍⵜ (ⵉⵜⵜⵉⵚⴰⵍ) ⴷⴻⴳ ⵜⵎⴻⵀⵍⴰ ⵏ ⵡⴻⴼⵔⴰⵇ ⵏ ⵜⵡⵉⵍⴰⵢⵜ, ⵎⴰⵙⵙⴰ ⵏⴰⵔⵉⵎⴻⵏⴻ ⵍⵧⵓⵏⴻⴽⴻⵍ.

ⴷⴻⴳ ⵜⵖⵉⵡⴰⵏⵜ ⵏ ⵍⵄⴻⵛⵛ, 364 ⵏ ⵢⴻⵅⵅⴰⵎⴻⵏ ⴷⴻⴳ ⵢⵉⵖⴻⵔⵎⴰⵏ ⵏ ⵡⵍⴰⴷ ⵃⵎⴻⴷ ⵍⵎⴻⵃⴱⴻⵙ ⴷ ⵡⵍⴰⴷ ⵍⵃⴰⵎⵎⴰ ⴰⵢ ⵢⴻⵜⵜⵡⴰⵇⵇⵏⴻⵏ ⵖⴻⵔ ⵍⴳⴰⵣ ⵙ ⵓⵥⴻⴹⴹⴰ ⵏ 44 ⵏ ⵢⵉⴽⵉⵍⵓⵎⵉⵜⵔⴻⵏ ⵢⴻⵔⵏⵓ ⵢⴻⵙⵇⴰⵎ-ⴷ ⵡⴰⵢⴰ 61 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵎⴰⵙⵙⴰ ⵍⵧⵓⵏⴻⴽⴻⵍ.

ⵙⵙⴻⵔⵙⴻⵏ ⴷⴰⵖ ⴰⵥⴻⴹⴹⴰ ⵏ 15 ⵏ ⵢⵉⴽⵉⵍⵓⵎⵉⵜⵔⴻⵏ ⵏ ⵢⵉⵊⴻⵄⴱⵓⴱⴻⵏ (ⵙ 36 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ) ⵉ ⵓⵙⵙⵉⵡⴻⴹ ⵏ ⵍⴳⴰⵣ ⵉ 238 ⵏ ⵢⴻⵅⵅⴰⵎⴻⵏ ⴷⴻⴳ ⵢⴻⵖⵔⴻⴱ ⵏ ⴱⵧⵓⵍⴻⵀⴰⴼ, ⴷⴻⴳ ⵜⵖⵉⵡⴰⵏⵜ ⵏ ⵙⵉⴷⵉ ⵎⴱⴰⵕⴻⴽ, ⵢⴻⵔⵏⵓ, ⵖⴻⴼ ⵍⴻⵃⵙⴰⴱ ⵏ ⵎⴰⵙⵙⴰ ⵍⵧⵓⵏⴻⴽⴻⵍ, ⴰⵙⵙⵉⵡⴻⴹ-ⴰ ⵏ ⵍⴳⴰⵣ ⴷ ⴰⵃⵔⵉⵛ ⵙⴻⴳ ⵡⴰⵀⵉⵍ ⵓⵣⵣⵉⴳ (ⵅⴰⵚⵚ) ⵏ ⵢⴻⴳⵏⴰⵏ ⵓⵏⵏⵉⴳⴻⵏ.