Asebter amenzawi

Yesselwi Gaïd Salah yiwet n tfugla n tikci n yisellunen akked tzalɣiwin

LEZZAYER TAMANEɣT – Ajiniral n tfekka n Tredsa Ahmed Gaïd Salah, anmazul n uɣlif n Temḥaddit taɣelnawt, aɣella n yifesyanen n Tredsa taɣelnawt taɣerfant (ANP), yesselwi ass n letniyen deg temdint n Lezzayer, s yisem n uselway n Tegduda, aɣella anafella n Yiɣallen n Tredsiwin, aneɣlaf n Temḥaddit taɣelnawt, yiwet n tfugla n tikci n yisellunen akked tzalɣiwin i yifesyanen inafellayen akked yikataren n uɣlif n Temḥaddit taɣelnawt.

Deg tfugla-a, i d-yeḍran deg tesɣimt n uɣlif n Temḥaddit taɣelnawt, semlen ijiniralen ɣer usellun n ujiniral-ameqran akked yikulunalen ɣer usellun n ujiniral, akked tikci n tzalɣiwin i yikataren iserdasanen akked wid yellan d iɣarimen.

Almend n tegnit-a, ajiniral n tfekka n Tredsa yenna-d yiwen n yinaw, ideg d-itbet dakken ismalen-a ‘’d ansay yeẓẓan, ideg ikataren n Tredsa taɣelnawt taɣerfant (ANP) ad awin ayen klalen deg wayen yerzan asmal deg yisellunen akked tzalɣiwin, almend n yimuhal-nsen gan akked tikci n uzal i lmeǧhud-nsen i lfayda n tredsa akked tferfant.