Asebter amenzawi

Tamacint: ad d-ilint tmacinin tuzzigin i lmend n unebdu

LEZZAYER TAMANEɣT– Tenna-d Teṛmist Taɣelnawt n Umesni s Webrid n Wuzzal, ass n letniyen deg yiwen n welɣu (bayan), dakken ad d-teg timacinin tuzzigin ara yessawaḍen medden seg temdinin n daxel tmurt ɣer tid n yiri n yilel.

Timacinin-a umi semman « timacinin n uɛumu deg yilel », ad bdunt axeddim seg wass n lexmis, ɣef leḥsab n teṛmist-a (carika).

S waya, tamacint n Ldzayer-Bgayet ad tqelleɛ yal ass ɣef tis 6:10 n tṣebḥit seg teɣsert n Ldzayer yernu ad tettaweḍ ɣef tis 9:05 ɣer Bgayet. Tamacint n wuɣal seg Bgayet ad d-teqleɛ ɣef tis 2:20 n tmeddit yernu ad d-taweḍ ɣef tis 6:31 n tmeddit ɣer Ldzayer.

Tamacint niḍen n yal ass d tin n Sḍif-Bgayet, yernu ad teddu deg unebdu. Aqlaɛ seg Sḍif ad yili ɣef tis 6:05 n tṣebḥit (awwaḍ ɣef tis 9:44 n tṣebḥit ɣer Bgayet). Aqlaɛ seg Bgayet ad yili ɣef tis 6:00 n tmeddit, ma d awwaḍ ɣer Sḍif ad yili ɣef tis 9:45 n yiḍ.

Izirig wis 3 ara yetteddun yal ass d win n Qsenṭina d Skikda. Aqlaɛ seg Qsenṭina ad yili ɣef 6:05 n tṣebḥit, awwaḍ ɣef tis 7:39 ɣer Skikda. Uɣal seg Skikda ad d-yili ɣef tis 6:20 n tmeddit, ma d awwaḍ ɣer Qsenṭina ad yili ɣef tis 8:06 n tmeddit.

Tamacint n Ldzayer-Wehṛan ad tḥebbes daɣ deg Lmuḥemmadeyya d Meṛsa Lḥaǧ. Aqlaɛ seg Lmuḥemmadeyya ad yili ɣef tis 12 n wass, ma d awwaḍ ɣer Meṛsa Lḥaǧ ad yili ɣef 1ut16 n tmeddit. Aqlaɛ seg Meṛsa Lḥaǧ ad d-yili ɣef tis 7:00 n tmeddit, ma d awwaḍ ɣer Lmuḥemmadeyya ad yili ɣef tis 8:16 n yiḍ.

3 n yirigen (xuṭuṭ) niḍen ara yetteddun yal ass deg Ɛennaba. Tamacint n Ɛennaba d Cihani (Ṭṭaref) ad tetteddu 3 n tikkal deg wass. Aqlaɛ seg Ɛennaba ad yili ɣef tis 5:50, 1ut n tmeddut d tis 6:20 n tmeddit. Awwaḍ ɣer Cihani ad d-yili ɣef tis 6:31 n tṣebḥit, 1ut41 n tmeddit d tis 7:01 n tmeddit.

Aql-aɛ seg Cihani ad d-yili ɣef tis 6:50 n tṣebḥit, 1ut50 n tmeddit d tis 7:10 n tmeddit. Awwaḍ ɣer Ɛennaba ad d-yili ɣef tis 7:30 n tṣebḥit, tis 2:30 n tmeddit d tis 7:50 n tmeddit.

Ad yili daɣ yizirig niḍen ara yetteddun ussan n ssebt, ttlata d lexmis gar Tbeskert, Qsenṭina d Skikda deg unebdu.

Aqlaɛ seg Tbeskert ad yili ɣef tis 3:30 (awwaḍ ɣef tis 8:45 ɣer Skikda). Aqlaɛ seg Skikda ad d-yili ɣef tis 5:20 n tmeddit (awwaḍ ɣer Tbeskert ɣef tis 10:34 n tmeddit).