ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

61% ⵙⴻⴳ ⵢⴻⵎⴼⴻⵕⵕⴵⴻⵏ ⵉⴷⵣⴰⵢⵔⵉⵢⴻⵏ ⵜⵜⵡⴰⵍⵉⵏ ⵜⵉⵔⴻⴳⵡⴰ ⵜⵉⴷⵣⴰⵢⵔⵉⵢⵉⵏ ⵏ ⵜⵍⵉⵥⵔⵉ (ⵜⴰⵣⵔⴰⵡⵜ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵜⵉⵔⴻⴳⵡⴰ ⵜⵉⴷⵣⴰⵢⵔⵉⵢⴻⵏ ⵜⵉⵏⴰⴳⴷⵓⴷⵉⵏ ⴷ ⵜⵓⵙⵍⵉⴳⵉⵏ ⴹⴹⴼⴻⵏⵜ-ⴷ ⵍⵡⴻⵍⵀⴰ ⵏ 61% ⵙⴻⴳ ⵢⴻⵎⴼⴻⵕⵕⴵⴻⵏ ⵉⴷⵣⴰⵢⵔⵉⵢⴻⵏ, ⴷⴻⴳ ⵡⴰⴽⵓⴷ ⴰⵢⴷⴻⴳ 39% ⵜⵜⵡⴰⵍⵉⵏ ⵜⵉⵔⴻⴳⵡⴰ ⵜⵉⵡⴻⵔⴷⴰⵏⵉⵢⵉⵏ, ⵖⴻⴼ ⵍⴻⵃⵙⴰⴱ ⵏ ⵢⵉⵡⴻⵜ ⵏ ⵜⴻⵣⵔⴰⵡⵜ (ⴷⵉⵔⴰⵙⴰ) ⴰⵢ ⴷ-ⵜⴳⴰ ⵉⵎⵎⴰⵔ ⴳⴰⵔ 3 ⴷ 9 ⵙⴻⴳ ⵡⴰⵢⵢⵓⵔ ⵏ ⵔⴻⵎⴹⴰⵏ.

ⴰⴼⵎⵉⴹⵉ ⵏ ⵢⴻⵎⴼⴻⵕⵕⴵⴻⵏ ⵉⴷⵣⴰⵢⵔⵉⵢⴻⵏ ⴰⵢ ⵢⴻⵜⵜⵡⴰⵍⵉⵏ ⵜⵉⵔⴻⴳⵡⴰ ⵜⵉⴷⵣⴰⵢⵔⵉⵢⴻⵏ ⵢⴻⵡⵡⴻⴹ ⵖⴻⵔ 61%, ⵢⴻⵔⵏⵓ 48% ⵙⴻⴳ ⵢⴻⵎⴼⴻⵕⵕⴵⴻⵏ ⵜⵜⵡⴰⵍⵉⵏ ⵜⵉⵔⴻⴳⵡⴰ ⵜⵓⵙⵍⵉⴳⵉⵏ (ⵢⴻⵡⵡⴹⴻⵏ ⵖⴻⵔ 15), ⵎⴰ ⴷ 12% ⵜⵜⵡⴰⵍⵉⵏ ⵜⵉⵔⴻⴳⵡⴰ ⵏ ⵜⴻⵕⵎⵉⵙⵜ ⵜⴰⵏⴰⴳⴷⵓⴷⵜ ⵏ ⵜⵍⵉⵥⵔⵉ ⵜⴰⴷⵣⴰⵢⵔⵉⵜ.

ⵜⵉⵔⴻⴳⵡⴰ ⵏ ⵜⴻⴳⵔⴰⵡⵜ ⵏ ⵎⴱⵛ ⴹⴹⴼⴻⵏⵜ ⴰⵎⴽⴰⵏ ⵡⵉⵙ 3 ⴷⴻⴳ ⵓⵙⴻⵜⵜⴻⴼ ⵢⴻⵔⵏⵓ ⵡⵡⵉⵏ-ⵜ 14% ⵙⴻⴳ ⵢⴻⵎⴼⴻⵕⵕⴵⴻⵏ ⵉⴷⵣⴰⵢⵔⵉⵢⴻⵏ, ⵎⴰ ⴷ ⵜⵉⵔⴻⴳⵡⴰ ⵜⴰⵄⵕⴰⴱⵡⴰⵍⵉⵏ ⵏⵉⴹⴻⵏ ⵡⵡⵉⵏⵜ 11%.

ⵉⴳⴻⵏⵙⴰⵜⴻⵏ (ⴰⵇⵎⴰⵔ ⵚⵉⵏⴰⵄⵉⵢⵢⴰ) ⴰⵢ ⵙⵙⴻⵇⴷⴰⵛⴻⵏ ⵢⵉⴷⵣⴰⵢⵔⵉⵢⴻⵏ ⴰⴽⴽⴻⵏ ⴰⴷ ⴷ-ⴹⴹⴼⴻⵏ ⵜⵉⵔⴻⴳⵡⴰ ⵏ ⵜⵍⵉⵥⵔⵉ ⴷ ⵏⵉⵍⴻⵙⴰⵜ (80%), ⴰⵙⵜⵔⴰ (26%), ⴰⵔⴰⴱⵙⴰⵜ (8%) ⴷ ⵀⵧⵜⴱⵉⵔⴷ (7%).

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵀⵉⵍⴻⵏ ⵏ ⵜⵍⵉⵥⵔⵉ ⴰⵢ ⵜⵜⵡⴰⵍⵉⵏ ⴰⵟⴰⵙ ⴰⴽⴽ ⵏ ⵢⴻⵎⴼⴻⵕⵕⴵⴻⵏ ⴷⴻⴳ ⵜⴰⵍⵍⵉⵜ-ⴰ, ⴷ ⵜⵉⵙⴳⵉⵍⵉⵏ ⵏ ⵜⴽⴰⵎⵔⴰ ⵜⵓⴼⴼⵉⵔⵜ ⴷ ⵢⵉⵎⴰⵣⵔⴰⵔⴻⵏ ⵏ ⵜⴰⴹⵙⴰ ⴰⵢ ⴷ-ⵢⵓⵙⴰⵏ ⴷ ⵉⵎⴻⵣⵡⵓⵔⴰ.

ⵙⴻⴳ ⵢⵉⴷⵉⵙ ⴰⵜⵡⵉⵍⴰⵏ, 99% ⵙⴻⴳ ⵢⵉⴷⵣⴰⵢⵔⵉⵢⴻⵏ ⴰⵢ ⵢⴻⵙⵄⴰⵏ, ⵎⴰ ⵓⵍⴰⵛ, ⵢⵉⵡⴻⵜ ⵏ ⵜⵍⵉⵥⵔⵉ ⴷⴻⴳ ⵡⴻⵅⵅⴰⵎ, 92% ⵙⵄⴰⵏ, ⵎⴰ ⵓⵍⴰⵛ, ⵢⵉⵡⴻⵏ ⵏ ⵓⵏⴻⵔⵎⴰⵙ ⵓⵎⴹⵉⵏ (ⴵⵉⵀⴰⵣ ⵉⵙⵜⵉⵇⴱⴰⵍ ⵔⴰⵇⵎⵉ), 29% ⵙⵄⴰⵏ, ⵎⴰ ⵓⵍⴰⵛ, ⵢⵉⵡⴻⵏ ⵏ ⵓⵏⴻⵔⵎⴰⵙ ⵓⵎⴹⵉⵏ ⵙ ⵓⵏⴻⵣⵎⴰⴽ, 23% ⵙⵄⴰⵏ ⴰⵏⴻⵔⵎⴰⵙ ⵙ ⵉⵏⵜⴻⵔⵏⴻⵜ.

ⵜⴻⴽⵛⴻⴼ-ⴷ ⵜⴻⵣⵔⴰⵡⵜ-ⴰ ⴷⴰⴽⴽⴻⵏ 56% ⵙⴻⴳ ⵢⵉⴷⵣⴰⵢⵔⵉⵢⴻⵏ ⵙⵄⴰⵏ ⴰⵙⴻⵍⴽⵉⵎ ⵢⴻⵔⵏⵓ 54% ⵙⴻⴳ-ⵙⴻⵏ ⵜⵜⴻⵇⵇⵏⴻⵏ ⵖⴻⵔ ⵉⵏⵜⴻⵔⵏⴻⵜ.

ⵜⴰⵣⵔⴰⵡⵜ-ⴰ ⵜⵃⵓⵣⴰ-ⴷ ⵜⴰⴳⵔⴰⵡⵜ ⵏ 2.480 ⵏ ⵢⴻⵎⴷⴰⵏⴻⵏ (51% ⵏ ⵢⴻⵔⴳⴰⵣⴻⵏ, 49% ⵏ ⵜⵙⴻⴷⵏⴰⵏ) ⵏ ⵡⵓⴳⴰⵔ ⵏ 15 ⵏ ⵢⵉⵙⴻⴳⴳⴰⵙⴻⵏ ⵢⴻⵔⵏⵓ ⵣⴻⴷⵖⴻⵏ ⴷⴻⴳ ⵜⴻⵎⴷⵉⵏⵉⵏ (81%) ⴷ ⵜⵎⵓⵔⵜ (19%).