Asebter amenzawi

61% seg yemfeṛṛǧen idzayriyen ttwalin tiregwa tidzayriyin n tliẓri (tazrawt)

LezZAYER TAMANEɣT– Tiregwa tidzayriyen tinagdudin d tusligin ḍḍfent-d lwelha n 61% seg yemfeṛṛǧen idzayriyen, deg wakud aydeg 39% ttwalin tiregwa tiwerdaniyin, ɣef leḥsab n yiwet n tezrawt (dirasa) ay d-tga IMMAR gar 3 d 9 seg wayyur n Remḍan.

Afmiḍi n yemfeṛṛǧen idzayriyen ay yettwalin tiregwa tidzayriyen yewweḍ ɣer 61%, yernu 48% seg yemfeṛṛǧen ttwalin tiregwa tusligin (yewwḍen ɣer 15), ma d 12% ttwalin tiregwa n Teṛmist Tanagdudt n Tliẓri Tadzayrit.

Tiregwa n tegrawt n MBC ḍḍfent amkan wis 3 deg usettef yernu wwin-t 14% seg yemfeṛṛǧen idzayriyen, ma d tiregwa taɛṛabwalin niḍen wwint 11%.

Igensaten (aqmar ṣinaɛiyya) ay sseqdacen Yidzayriyen akken ad d-ḍḍfen tiregwa n tliẓri d Nilesat (80%), Astra (26%), Arabsat (8%) d Hotbird (7%).

Deg wayen yerzan ahilen n tliẓri ay ttwalin aṭas akk n yemfeṛṛǧen deg tallit-a, d tisgilin n tkamra tuffirt d yimazraren n taḍsa ay d-yusan d imezwura.

Seg yidis atwilan, 99% seg Yidzayriyen ay yesɛan, ma ulac, yiwet n tliẓri deg wexxam, 92% sɛan, ma ulac, yiwen n unermas umḍin (ǧihaz istiqbal raqmi), 29% sɛan, ma ulac, yiwen n unermas umḍin s unezmak, 23% sɛan anermas s Internet.

Tekcef-d tezrawt-a dakken 56% seg Yidzayriyen sɛan aselkim yernu 54% seg-sen tteqqnen ɣer Internet.

Tazrawt-a tḥuza-d tagrawt n 2.480 n yemdanen (51% n yergazen, 49% n tsednan) n wugar n 15 n yiseggasen yernu zedɣen deg temdinin (81%) d tmurt (19%).