ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⵉⴷⵉⵔ ⴷ ⵙⵉⴷⵉ ⴱⴻⵎⵧⵍ ⴷⴻⴳ ⵜⴼⴰⵙⴽⴰ ⵜⵉⵙ 13 ⵏ ⵜⵎⵉⵜⴰⵔ ⴷⴻⴳ ⵓⴳⴰⴷⵉⵔ (ⵎⴻⵕⵕⵓⴽ)

ⴰⴳⴰⴷⵉⵔ– ⴰⴷ ⵜⵜⴻⴽⴽⵉⵏ ⵢⵉⵛⴻⵏⵏⴰⵢⴻⵏ ⵢⵉⴷⵉⵔ ⴷ ⵛⵛⵉⵅ ⵙⵉⴷⵉ ⴱⴻⵎⵧⵍ ⴷⴻⴳ ⵜⴼⴰⵙⴽⴰ ⵜⵉⵙ 13 ⵏ ⵜⵎⵉⵜⴰⵔ ⴰⵔⴰ ⴷ-ⵢⵉⵍⵉⵏ ⴳⴰⵔ 13 ⴷ 16 ⵢⵓⵍⵢⵓ ⴷⴻⴳ ⵓⴳⴰⴷⵉⵔ (ⴰⵏⵥⵓⵍ ⵏ ⵎⴻⵕⵕⵓⴽ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⴻⵎⵙⵓⴷⴷⵙⴻⵏ ⵏ ⵜⴼⴰⵙⴽⴰ-ⴰ.

ⵢⵉⴷⵉⵔ ⴷ ⵛⵛⵉⵅ ⵙⵉⴷⵉ ⴱⴻⵎⵧⵍ ⴰⴷ ⴳⴻⵏ ⵉⴱⴰⵔⴰⵣⴻⵏ ⵖⴻⵔ ⵢⵉⴷⵉⵙ ⵏ ⵡⴰⵣⴰⵍ ⵏ 40 ⵏ ⵢⵉⵏⴰⵥⵓⵔⴻⵏ ⵙⴻⴳ ⵜⵎⵓⵔⴰ ⵢⴻⵎⴳⴻⵔⵔⴰⴷⴻⵏ ⵏ ⵜⴻⴼⵔⵇⵉⵜ, ⵜⵓⵕⵓⴼⵜ ⴷ ⵜⴻⵎⵔⵉⴽⵜ, ⴳⴰⵔ-ⴰⵙⴻⵏ ⵜⴰⵛⴻⵏⵏⴰⵢⵜ ⵜⴰⵎⴻⵕⵕⵓⴽⵉⵜ ⵄⵉⵛⴰ ⵜⴰⵛⵉⵏⵡⵉⵜ ⴷ ⵓⵛⴻⵏⵏⴰⵢ ⴰⵎⴰⵚⵔⵉ ⵜⵀⴰⵎⴻⵔ ⵀⵧⵓⵙⵏⵢ.

ⵢⵉⴷⵉⵔ ⵢⴻⵏⵏⵓⵎ ⵢⴻⵜⵜⴻⴽⴽⴰⵢ ⴷⴻⴳ ⵜⴼⴰⵙⴽⴰ-ⴰ ⵢⴻⵔⵏⵓ ⵢⴻⵙⵄⴰ ⴰⵟⴰⵙ ⵙⴻⴳ ⵡⵉⴷ ⴰⵢ ⵜ-ⵉⵃⴻⵎⵎⵍⴻⵏ ⴷⴻⴳ ⵎⴻⵕⵕⵓⴽ ⴰⵏⴷⴰ ⴰⵢ ⵢⴻⵡⵡⵉ, ⵙⴻⴳ ⵎⴻⵍⵎⵉ ⴽⴰⵏ, ⴰⵔⵔⴰⵣ ⵏ « ⵓⵕⴰⴱⴰⴱ ⵏ ⵡⵓⵔⴻⵖ ».

ⴷⴻⴳ 2011, ⵢⴻⵜⵜⴻⴽⴽⴰ ⵓⵛⴻⵏⵏⴰⵢ-ⴰ ⵎⴻⵛⵀⵓⵕⴻⵏ ⵙ ⵜⴻⵣⵍⵉⵜ ⵏ « ⴱⴰⴱⴰ ⵉⵏⵓⴱⴰ » ⴷⴻⴳ ⵜⴼⴰⵙⴽⴰ ⵜⵉⵙ 10 ⵏ ⵎⴰⵡⴰⵣⵉⵏ ⴷⴻⴳ ⵜⴻⵎⴷⵉⵏⵜ ⵏ ⵔⵔⴱⴰⵟ.

ⴷⴻⴳ ⵡⴰⵍⴱⵓⵎ-ⵏⵏⴻⵙ ⴰⵏⴻⴳⴳⴰⵔⵓ, « ⴰⴷⵔⴰⵔ-ⵉⵏⵓ » ⴰⵢ ⴷ-ⵢⴻⴼⴼⵖⴻⵏ ⴷⴻⴳ 2013, ⵀⴰⵎⵉⴷ ⵛⵀⴻⵔⵉⴻⵜ ⵢⴻⵜⵜⵡⴰⵙⵙⵏⴻⵏ ⵙ ⵢⵉⵙⴻⵎ ⵏ « ⵢⵉⴷⵉⵔ » ⵜⵓⵖⴰⵍ-ⵉⵜ-ⵉⴷ ⵛⵛⵉⵄⴰ ⴷ ⵜⴰⵎⴻⵇⵔⴰⵏⵜ, ⵓⵍⴰ ⵎⴰ ⵖⴻⵔ-ⵙ ⵓⴳⴰⵔ ⵏ 30 ⵏ ⵢⵉⵙⴻⴳⴳⴰⵙⴻⵏ ⴰⵢⴰ ⵙⴻⴳ ⵡⴰⵙⵎⵉ ⵓⵔ ⵉⴳⵉ ⴰⴱⴰⵔⴰⵣ ⴷⴻⴳ ⵍⴷⵣⴰⵢⴻⵔ.

ⴷⴻⴳ ⵡⴰⵍⴱⵓⵎ-ⵏⵏⴻⵙ ⴰⵢ ⴷ-ⵢⴻⵜⵜⴻⴷⴷⵓⵏ ⴰⵔⴰ ⴷ-ⵢⴻⴼⴼⵖⴻⵏ ⴰⵙⴻⴳⴳⴰⵙ-ⴰ, ⵢⵉⴷⵉⵔ ⴰⴷ ⵢⴻⵛⵏⵓ ⴷ ⵢⵉⵛⴻⵏⵏⴰⵢⴻⵏ ⵉⴼⵕⴻⵏⵙⵉⵙⴻⵏ ⵛⵀⴰⵔⵍⴻⵙ ⴰⵣⵏⴰⵠⵧⵓⵔ ⴷ ⴼⵔⴰⵏⵛⵉⵙ ⵛⴰⴱⵔⴻⵍ.

ⵎⴰ ⴷ ⵛⵛⵉⵅ ⵙⵉⴷⵉ ⴱⴻⵎⵧⵍ (ⵢⴻⵡⵡⵉⵏ ⵉⵙⴻⵎ ⵏ ⵜⴻⴳⵔⴰⵡⵜ ⵏ ⵔⵧⵛⴽ ⴰⵢ ⴷ-ⵢⴻⵙⵙⴻⴱⴷⴻⴷ ⴷⴻⴳ 1992), ⵢⴻⵜⵜⵡⴰⵙⵙⴻⵏ ⵙ ⵢⵉⵖⴰⵏⵉⴱⴻⵏ-ⵏⵏⴻⵙ ⵏ ⵔⵧⵛⴽ, ⴰⴳⵏⴰⵡⵉ, ⵛⵛⴻⵄⴱⵉ ⴷ ⵓⵥⴰⵡⴰⵏ ⴰⵇⴱⴰⵢⵍⵉ.

ⴰⵏⴰⵥⵓⵔ ⵀⵧⵛⵉⵏⴻ ⴱⵧⵓⴽⴻⵍⵍⴰ, ⵢⴻⵜⵜⵡⴰⵙⵙⵏⴻⵏ ⵙ ⵢⵉⵙⴻⵎ ⵏ ⵙⵉⴷⵉ ⴱⴻⵎⵧⵍ, ⵢⴻⴱⴷⴰ-ⴷ ⴰⵎⴻⵛⵡⴰⵕ-ⵏⵏⴻⵙ ⴷⴻⴳ 1990, ⵢⴻⵔⵏⵓ ⵉⵛⴻⵏⵏⵓ, ⵙ ⵓⵎⴰⵜⴰ, ⵖⴻⴼ ⵓⵏⵏⴻⵊⵍⵉ, ⵜⴰⵔⴻⴱⴱⴰⵡⵜ (ⴱⴰⵟⴰⵍⴰ), ⵜⵉⵍⴻⵇⵇⴰ (ⴼⵓⵇⵔ) ⴷ ⵜⵙⴻⵔⵜⵉⵜ.