ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵣⴻⵔⴼⴰⵏ ⵏ ⵓⵎⴻⵙⴽⴰⵔ: ⵉⵅⴻⵍⵍⴻⵚ ⵓⴷⵉⵡⴰⵏ 367 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵉⵅⴻⵍⵍⴻⵚ ⵓⴷⵉⵡⴰⵏ ⴰⵖⴻⵍⵏⴰⵡ ⵏ ⵢⵉⵣⴻⵔⴼⴰⵏ ⵏ ⵓⵎⴻⵙⴽⴰⵔ ⴷ ⵢⵉⵣⴻⵔⴼⴰⵏ ⵉⵛⵓⴱⴰⵏ (ⵧⵏⴷⴰ) 367 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⴷⴻⴳ ⵓⴽⴰⵜⴰⵔ ⵏ ⵡⴻⴼⵔⴰⵇ ⵏ ⵢⵉⵣⴻⵔⴼⴰⵏ ⵏ ⵓⵏⴻⵇⵇⴻⵍ ⵏ ⵢⵉⵅⴻⴷⴷⵉⵎⴻⵏ ⵏ ⵢⵉⵎⴻⵙⴽⴰⵔⴻⵏ ⵉⴷⵣⴰⵢⵔⵉⵢⴻⵏ ⴷ ⵢⵉⵡⴻⵔⴷⴰⵏⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⴷⵉⵡⴰⵏ ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ).
ⴰⴼⵔⴰⵇ-ⴰ ⵏ ⵢⴻⴷⵔⵉⵎⴻⵏ (ⵉ ⵢⵉⵅⴻⴷⴷⵉⵎⴻⵏ ⵏ ⵜⵎⴻⵙⵍⵉⵡⵜ ⴷ ⵜⵎⴻⵥⵔⵉⵡⵜ) ⵉ ⵓⵙⴻⴳⴳⴰⵙ ⵏ 2015 ⵉⵃⵓⵣⴰ-ⴷ 1382 ⵏ ⵢⵉⵎⴻⵙⴽⴰⵔⴻⵏ, ⴳⴰⵔ-ⴰⵙⴻⵏ 128 ⵏ ⵢⵉⵡⴻⵔⴷⴰⵏⵉⵢⴻⵏ, ⵢⴻⵔⵏⵓ ⵉⵅⴻⴷⴷⵉⵎⴻⵏ-ⵏⵙⴻⵏ ⵍⴰ ⵜⴻⵏ-ⵜⵜⵖⴻⵍⵍⵉⵜⴻⵏⵜ ⵜⵔⴻⴳⵡⴰ ⵏ ⵕⵕⴰⴷⵢⵓ ⴷ ⵜⵍⵉⵥⵔⵉ ⴷⴻⴳ ⵍⴷⵣⴰⵢⴻⵔ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ.
ⵉⴷⵔⵉⵎⴻⵏ-ⴰ ⴽⴽⴰⵏ-ⴷ ⵙⴻⴳ ⵡⴰⵢⴻⵏ ⴰⵢ ⴷ-ⵅⴻⵍⵍⵚⴻⵏ ⵢⴻⵎⵖⴻⵍⵍⵜⴻⵏ ⵉⵏⴰⴳⴷⵓⴷⴻⵏ ⵖⴻⴼ ⵢⵉⵅⴻⴷⴷⵉⵎⴻⵏ-ⴰ ⴰⵢ ⵢⴻⵜⵜⵡⴰⵃⴻⵔⵣⴻⵏ ⵖⴻⵔ ⵓⴷⵉⵡⴰⵏ.
ⴰⵣⴰⵍ ⵏ 800 ⵏ ⵢⵉⵏⴰⵥⵓⵔⴻⵏ ⴰⵔⴰ ⴷ-ⵉⵃⴰⵣ ⵡⴻⴼⵔⴰⵇ ⵏⵉⴹⴻⵏ ⵏ ⵢⴻⴷⵔⵉⵎⴻⵏ ⵙⴻⴳ-ⴰ ⵖⴻⵔ ⵙⴷⴰⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⴷⵉⵡⴰⵏ.
ⵎⴰ ⴷ ⵉⵅⴻⴷⴷⵉⵎⴻⵏ ⵏ ⵡⴻⵏⵔⴰⵔ ⴰⵏⴰⴳⴷⵓⴷ ⵙⵙⴰⴷⴼⴻⵏ-ⴷ 44 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵉ ⵓⴷⵉⵡⴰⵏ ⴰⵖⴻⵍⵏⴰⵡ ⵏ ⵢⵉⵣⴻⵔⴼⴰⵏ ⵏ ⵓⵎⴻⵙⴽⴰⵔ.
ⴷⴻⴳ 2014, ⵉⵅⴻⵍⵍⴻⵚ ⵓⴷⵉⵡⴰⵏ 600 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵉ 3127 ⵏ ⵢⵉⵏⴰⵥⵓⵔⴻⵏ ⴷⴻⴳ ⵢⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ ⵏ ⵜⵥⵓⵔⵉ.
