ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⴹⵉⴼ: ⵜⵓⴽⵛⵉ ⵏ ⵍⴻⵕⵢⵓⵢ ⵏ ⵓⵃⴰⵣⵉ ⵏ ⵜⵏⴻⵣⴷⵓⵖⵜ ⵉ 758 ⵏ ⵢⵉⵎⴻⵙⴼⴰⵢⴷⵉⵢⴻⵏ ⴷ ⵡⴻⴼⵔⴰⵇ ⵏ 100 ⵏ ⵜⵏⴻⵣⴷⵓⵖⵉⵏ

ⵙⴹⵉⴼ– ⵜⵜⵓⵏⴻⴼⴽⴻⵏ 758 ⵏ ⵍⴻⵕⵢⵓⵢ ⵏ ⵓⵃⴰⵣⵉ ⵏ ⵜⵏⴻⵣⴷⵓⵖⵜ ⵜⴰⵏⴰⴳⴷⵓⴷⵜ ⵙ ⵍⴻⴽⵔⴰ (ⵍⵒⵍ), ⴰⵎ ⵡⴰⴽⴽⴻⵏ ⴰⵢ ⵜⵜⵡⴰⴼⴻⵔⵇⴻⵏⵜ 100 ⵏ ⵜⵙⵓⵔⴰ ⵉ ⵢⵉⵎⴰⵡⵍⴰⵏ-ⵏⵙⴻⵏⵜ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵙⴹⵉⴼ.

ⵢⴻⵍⵍⴰ-ⴷ ⵡⴻⴼⵔⴰⵇ-ⴰ ⴷⴻⴳ ⵢⵉⵡⴻⵜ ⵏ ⵜⴼⵓⴳⵍⴰ ⵉ ⵍⵎⴻⵏⴷ ⵏ ⵓⵎⵎⴻⴽⵜⵉ ⵏ ⵓⵎⵓⵍⵍⵉ ⵡⵉⵙ 54 ⵏ ⵓⵣⴰⵔⵓⴳ (ⵉⵙⵜⵉⵇⵍⴰⵍ) ⵏ ⵍⴷⵣⴰⵢⴻⵔ ⴷ ⵜⵎⴻⵖⵔⴰ ⵏ ⵢⵉⵍⴻⵎⵥⵉⵢⴻⵏ ⴷⴻⴳ ⵡⴻⵅⵅⴰⵎ ⵏ ⵢⴻⴷⵍⴻⵙ ⵏ ⵀⵧⵓⴰⵔⵉ-ⴱⵧⵓⵎⴻⴷⵉⴻⵏⴻ ⴷⴻⴳ ⵜⴻⵎⴷⵉⵏⵜ ⵏ ⵙⴹⵉⴼ.

ⵜⴰⴼⵓⴳⵍⴰ-ⴰ ⵢⴻⵙⵙⴻⵍⵡⵉ-ⵜⵜ ⵉⵖⴻⴼ ⵏ ⵡⴻⵙⵍⴻⴽⵎⴰⵏ ⴰⴷⵉⴳⴰⵏ, ⵢⴻⵔⵏⵓ ⵜⵜⵓⵏⴻⴼⴽⴻⵏ ⴷⴻⴳ-ⵙ, ⵙ ⵜⵉⵏ ⵏ ⵓⵣⴰⵎⵓⵍ, 60 ⵏ ⵍⴻⵕⵢⵓⵢ ⵏ ⵓⵃⴰⵣⵉ ⵏ ⵜⵏⴻⵣⴷⵓⵖⵜ ⵉ ⵢⵉⵎⴰⵡⵍⴰⵏ-ⵏⵙⴻⵏ, ⵙⴻⴳ ⴳⴰⵔ 758 ⵏ ⵡⵉⵢⴰⴹ, ⴰⵎ ⵡⴰⴽⴽⴻⵏ ⴰⵢ ⵜⵜⵓⵏⴻⴼⴽⴻⵏⵜ, ⵙ ⵜⵉⵏ ⵏ ⵓⵣⴰⵎⵓⵍ ⴷⴰⵖ, 10 ⵏ ⵜⵙⵓⵔⴰ ⵉ ⵢⵉⵎⴰⵡⵍⴰⵏ-ⵏⵙⴻⵏⵜ ⵙⴻⴳ ⴳⴰⵔ 100 ⵏ ⵢⵉⵎⴻⵙⴼⴰⵢⴷⵉⵢⴻⵏ ⵏⵉⴹⴻⵏ ⵓⵎⵉ ⴰⵔⴰ ⵜⵜⵓⵏⴻⴼⴽⴻⵏⵜ ⵜⵙⵓⵔⴰ ⴷⴻⴳ ⵡⵓⵙⵙⴰⵏ ⴰⵢ ⴷ-ⵢⴻⵜⵜⴻⴷⴷⵓⵏ.

ⵢⴻⵏⵏⴰ-ⴷ ⵓⵏⴻⵎⵀⴰⵍ ⵏ ⵓⴷⵉⵡⴰⵏ ⵏ ⵡⴻⵙⵎⴰⵍ ⴷ ⵓⵙⵙⴻⴼⵔⴻⴽ ⴰⵚⵓⴽⴰⵏ (ⵧⵒⴳⵉ), ⴼⴰⴷⴻⵍ ⴰⵙⵙⴰⴷⵉ, ⴷⴰⴽⴽⴻⵏ ⴰⵃⵔⵉⵛ-ⴰ ⵏ ⵜⵏⴻⵣⴷⵓⵖⵉⵏ ⴷ ⴰⵎⵓⵔ ⵙⴻⴳ ⵢⵉⵡⴻⵏ ⵏ ⵡⴰⵀⵉⵍ ⵏ 4.010 ⵏ ⵜⵏⴻⵣⴷⵓⵖⵉⵏ ⵏ ⵚⵚⴻⵏⴼ-ⴰ ⴰⵢ ⵢⴻⵜⵜⵡⴰⴱⵏⴰⵏ ⴷⴻⴳ ⵓⴽⴰⵜⴰⵔ ⵏ ⵡⴰⵀⵉⵍ ⵏ ⵜⵏⴻⵣⴷⵓⵖⵜ ⵏ 2010-2014.

ⴷⴻⴳ ⵡⴻⵣⴳⴻⵏ ⴰⵎⴻⵣⵡⴰⵔⵓ ⵏ ⵔⴻⵎⴹⴰⵏ, ⵜⵜⵡⴰⴼⴻⵔⵇⴻⵏⵜ 1.500 ⵏ ⵜⵏⴻⵣⴷⵓⵖⵉⵏ ⵜⵉⵏⴰⴳⴷⵓⴷⵉⵏ ⵙ ⵍⴻⴽⵔⴰ ⴷⴻⴳ 15 ⵏ ⵜⵖⵉⵡⴰⵏⵉⵏ ⵏ ⵜⵡⵉⵍⴰⵢⵜ ⵏ ⵙⴹⵉⴼ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵓⵎⴰⵙⴰⵢ-ⴰ ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ 600 ⵏ ⵍⴻⵕⵢⵓⵢ ⵏ ⵓⵃⴰⵣⵉ ⵏ ⵜⵏⴻⵣⴷⵓⵖⵜ ⴰⵔⴰ ⵢⴻⵜⵜⵡⴰⴼⴻⵔⵇⴻⵏ ⴷⴻⴳ ⵜⴻⵎⴷⵉⵏⵜ ⵏ ⵙⴹⵉⴼ ⴷⴻⴳ ⵡⴰⵢⵢⵓⵔⴻⵏ ⴰⵢ ⴷ-ⵢⴻⵜⵜⴻⴷⴷⵓⵏ.