Asebter amenzawi
Tisemsilt: ajmaɛ n wugar n 700 n tculliḍin n yidammen deg wayyur n Remḍan
TISEMSILT– Ugar n 700 n tculliḍin n yidammen ay d-yettwajemɛen deg wayyur n Remḍan i wammas n tukci n yidammen n twilayt n Tsemsilt, ɣef wakken ay aɣ-d-yenna unemhal-nnes (mudir).
Iwekked-d Uduktur Ali Djoudi dakken yella wenqas deg wejmaɛ n yidammen ɣef leḥsab n Remḍan n yilindi aydeg ugar n 800 n tculliḍin ay d-yettwaleqḍen, yernu yenna-d dakken yella-d waya ɣef lǧal n ṣṣber ur la ṣebbren yemṣeddqen n yidammen ay d-yeccetkan ɣef wakud n tmeṛjiwt, ladɣa deffir tẓallit n ttṛawiḥ.
Amur ameqran seg tculliḍin n yidammen ttwaleqḍent-d sdat tmesgidiwin. Talemmast n leɛmeṛ n yemṣeddqen tettezzi gar 25 d 35 n yiseggasen, ɣef wakken ay aɣ-d-nnan.
ɣef leḥsab n wammas n twilayt n tukci n yidammen, llant-d 10 temhal (ɛamaliyyat) n tukci n yidammen yernu d tiddukliwin talsanin ay tent-igan.
Yebda-d wammas-a tamhelt n wesḥulfu s wemɛawen d tmehliwin (mudiriyyat) n tdawsa d tɣawsiwin n ddin, tiddukliwin d ṛṛaydu tamnaḍant n Tsemselt, i lmend n usseqneɛ n medden akken ad d-ṣeddqen idammen, yernu ttwaferqent tneḍfusin am wakken ay d-sɛeddan idellilen deg ṛṛadyu i lmend n tḥemla-a.
Ttwasbegsen-d daɣ limamat akken ad d-gren tiɣri i medden, am wakken ay ttekkant tiddukliwin n ddin d yiseqquma n yegmamen (aḥya’) akken ad gen tiḥemliwin n tukci n yidammen deg temdinin d tɣiwanin n tmurt s wemɛawen d yeɣsuren n tdawsa tuqribt.
