ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

94 ⵏ ⵜⵜⴰⵡⵉⵍⴰⵜ ⵉⴳⴻⵜⵎⴻⵥⵍⴰ ⵏ ⵜⴻⵖⵡⴰⵍⵜ ⴰⵢ ⵢⴻⵔⵙⴻⵏ ⴷⴻⴳ ⵎⴻⵙⵜⵖⴰⵏⴻⵎ ⵙⴻⴳ 2011

ⵎⴻⵙⵜⵖⴰⵏⴻⵎ– 94 ⵏ ⵢⴻⵙⴳⵓⵍⴰⴼ (ⵜⴰⴵⵀⵉⵣⴰⵜ) ⵏ ⵎⵙⴰⵏ (ⵜⵉⴽⴻⵔⵔⵉⵙⵜ ⵏ ⵡⴰⴷⴰⴼ ⴰⴳⴻⵜⵎⴻⵥⵍⵓ) ⴰⵢ ⵙⵙⴻⵔⵙⴻⵏ ⴷⴻⴳ ⵎⴻⵙⵜⵖⴰⵏⴻⵎ ⵙⴻⴳ 2011, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⵜⴻⵎⴽⴻⵍⵍⴻⴼⵜ ⵙ ⵓⵙⵙⴻⵍⵖⵓ (ⵉⵄⵍⴰⵎ) ⵏ ⵜⵎⴻⵀⵍⴰ ⵏ ⵜⵡⵉⵍⴰⵢⵜ ⵏ ⴰⵍⴳⴻⵔⵉⴻ ⵜⴻⵍⴻⵛⵧⵎ.

ⵉⵙⴳⵓⵍⴰⴼ-ⴰ ⵙⵄⴰⵏ ⵜⴰⵣⵎⴻⵔⵜ ⵏ 49.000 ⵏ ⵢⵉⵣⵉⵔⵉⴳⴻⵏ (ⵅⵓⵟⵓⵟ) ⵏ ⵓⵙⴰⵡⴰⵍ, ⵉⵏⵜⴻⵔⵏⴻⵜ ⴷ ⵜⵍⵉⵥⵔⵉ, ⵙ ⵡⴻⴽⵜⵓⵎ ⵏ 8 ⵏ ⵢⵉⵎⵉⴳⴰⴱⵉⵜⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵎⴰⵙⵙⴰ ⵔⴰⵛⵀⵉⴷⴰ ⴼⴻⴽⵉⵔ, ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⵛⵛⵖⴻⵍ-ⴰ ⴷ ⴰⵃⵔⵉⵛ ⵙⴻⴳ ⵓⵙⵙⴻⵜⵔⴻⵔ ⴷ ⵡⴻⵙⵏⴻⴼⵍⵉ ⵏ ⵡⴻⵃⵔⵉⵛ ⵏ ⵜⴻⵙⵏⴰⵜⵡⵉⵍⵉⵏ ⵏ ⵓⵙⵙⴻⵍⵖⵓ ⴷ ⵜⴻⵖⵡⴰⵍⵜ ⴰⵢ ⴷ-ⵉⵃⵓⵣⴰⵏ ⴰⴽⴽ ⵜⵉⵖⵉⵡⴰⵏⵉⵏ ⵏ ⵜⵡⵉⵍⴰⵢⵜ.

ⴷⴻⴳ ⵡⴻⵣⴳⴻⵏ ⴰⵎⴻⵣⵡⴰⵔⵓ ⵏ ⵓⵙⴻⴳⴳⴰⵙ-ⴰ, 24 ⵏ ⵢⴻⵙⴳⵓⵍⴰⴼ ⵏ ⵎⵙⴰⵏ ⵏ 15.750 ⵏ ⵢⵉⵣⵉⵔⵉⴳⴻⵏ ⴰⵢ ⵙⵙⴻⵔⵙⴻⵏ ⴷⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵡⵉⵍⴰⵢⵜ, ⴳⴰⵔ-ⴰⵙⴻⵏⵜ ⵄⵉⵏ ⵜⴰⴷⵍⴻⵙ ⴷ ⵢⴻⴳⵎⴰⵎⴻⵏ (ⴰⵃⵢⴰ’) ⵏ « ⵛⴰⵙⵜⵧⵔⵙ », « ⴱⴻⵏⵢⴰⵀⵉⴰ » ⴷ « ⵜⴻⵊⴷⵉⵜ » ⴷⴻⴳ ⵜⴻⵎⴷⵉⵏⵜ ⵏ ⵎⴻⵙⵜⵖⴰⵏⴻⵎ.

ⵙⴻⴳ ⵢⵉⴷⵉⵙ ⵏⵉⴹⴻⵏ, 21 ⵏ ⵜⴻⵖⵙⴰⵔ (ⵎⴰⵃⴰⵟⵟⴰⵜ) ⵏ ⵜⵙⵓⵜⴰ ⵜⵉⵙ 4 ⴰⵢ ⵢⴻⴱⴷⴰⵏ ⴰⵅⴻⴷⴷⵉⵎ ⵙⴻⴳ 2014, ⴳⴰⵔ-ⴰⵙⴻⵏⵜ 4 ⵏ ⵜⴻⵖⵙⴰⵔ ⴷⴻⴳ ⵡⴻⵣⴳⴻⵏ ⴰⵎⴻⵣⵡⴰⵔⵓ ⵏ ⵓⵙⴻⴳⴳⴰⵙ-ⴰ ⴷⴻⴳ ⵜⵖⵉⵡⴰⵏⵉⵏ ⵏ ⵜⵡⵉⵍⴰⵢⵜ, ⵢⴻⵔⵏⵓ ⴷ ⴰⵢⴰ ⴰⵢ ⴷ-ⵢⴻⴼⴽⴰⵏ 15.000 ⵏ ⵢⵉⵣⵉⵔⵉⴳⴻⵏ, ⵖⴻⴼ ⵍⴻⵃⵙⴰⴱ ⵏ ⵜⵎⴰⵙⴰⵢⵜ-ⴰ (ⵎⴰⵙ’ⵓⵍⴰ).

ⵜⴻⵔⵥⴻⵎ ⵢⵉⵡⴻⵜ ⵏ ⵜⵏⴻⴳⴳⴰ (ⵡⴰⴽⴰⵍⴰ) ⵜⴰⵎⵙⴻⵏⵣⵉⵜ ⵏ « ⴰⵍⴳⴻⵔⵉⴻ ⵜⴻⵍⴻⵛⵧⵎ » ⴷⴻⴳ ⵡⴰⵢⵢⵓⵔ ⵏ ⵔⴻⵎⴹⴰⵏ ⴷⴻⴳ ⵅⴻⵔⵔⵓⴱⴰ, ⴷⴻⴳ ⵡⴻⴳⵎⵓⴹ (ⵛⴰⵔⵇ) ⵏ ⵜⴻⵎⴷⵉⵏⵜ ⵏ ⵎⴻⵙⵜⵖⴰⵏⴻⵎ, ⴷ ⵜⵉⵏ ⴰⵔⴰ ⴷ-ⵢⵉⵍⵉⵏ ⵉ ⵍⵎⴻⵏⴷⴰⴷ ⵉ 2.500 ⵏ ⵢⴻⵎⵏⴻⵣⴷ, ⵢⴻⵔⵏⵓ ⴷ ⴰⵢⴰ ⴰⵔⴰ ⵢⴻⵙⵏⴻⵇⵙⴻⵏ ⵍⵃⴻⵕⵙ ⵖⴻⴼ ⵜⵏⴻⴳⴳⴰ ⵜⴰⴳⴻⵊⴷⴰⵏⵜ ⵏ ⵜⵍⴻⵎⵎⴰⵙⵜ ⵏ ⵜⴻⵎⴷⵉⵏⵜ.