Asebter amenzawi

Aselway Bouteflika yesterḥem ɣef tkatut n yimeɣrasen n Tegrawla deg tenṭelt n Lɛalya

LEZZAYER TAMANEɣT – Aselway n Tegduda, Abdelaziz Bouteflika, yesterḥem ass n ttlata tanzayt deg umkuẓ n yimeɣrasen deg tenṭelt n Lɛalya (Tamaneɣt) ɣef tkatut n yimeɣrasen n Tegrawla n 1 Wember almend n umulli wis 54 n uzarug.

Seg d-iɛedda ɣef Tiḍaf tagdudant i as-yerran iseɣ, isers uselway Bouteflika tameqqunt n yijeǧǧigen sakin ɣran-d Taldayt seg uqran imqeddes i tkatut n yimeɣrasen n Tegrawla.

Ḥedren deg tfugla-a uselway Useqqamu n weɣlan, Abdelkader Bensalah, aselway n Ugraw aɣelnaw aɣerfan (APN), Mohamed Larbi Ould Khelifa, aneɣlaf Amezwaru, Abdelmalek Sellal, aselway n Useqqamu amenḍawan, Mourad Medelci, aneɣlaf n Uwanek, anemhal n tselwit n Tegduda, Ahmed Ouyahia, aneɣlaf n Uwanek, asemtar uzzig n uselway n Tegduda, Tayeb Belaiz, aneɣlaf n Uwanek, aneɣlaf n yiweẓla n berra akked Umedhel agraɣlan, Ramtane Lamamra, anmazul n neɣlaf n Temḥaddit taɣelnawt, aɣella n yifesyanen n Tredsa taɣelnaw taɣerfant, aneɣlaf n tfekka n Tredsa, Ahmed Gaïd Salah, amaray amatu n Tuddsa taɣelnawt n yimǧuhad, Said Abadou, akked yiɛeggalen n unabaḍ.