Asebter amenzawi

Ṭṭfen kuẓ yimnaɣen deg Tɣerdayt ksen-asen snat temkeḥlin n ṣṣyada

LEZZAYER TAMANEɣT – Yiwet n tsensirt tucrikt n Tredsa taɣelnawt taɣerfant (ANP), teṭṭef ass n lexmis deg Kerricba (Taɣerdayt) kuẓ n yimnaɣen deg tkerrust, tufa ɣur-sen snat temkeḥlin n ṣṣyada akked ddeqs n yikerṭucen, i d-yenna yiwen n welɣu n uɣlif n Temḥaddit taɣelnawt.

Deg ukatar n umennuɣ mgal tinnɣi tuddist, teṭṭef yiwet n tsensirt tucrikt n Tredsa taɣelnawt taɣerfant (ANP), ass n 7 yulyu 2016 deg yidis n Kerricba degTɣerdayt (Tamnaḍt taserdasant tis 4), kuẓ (4) n yimnaɣen deg tkerrust, tufa ɣur-sen snat temkeḥlin n ṣṣyada, ddeqs n yikerṭucen akked snat tseksawin, i d-tenna teɣbalut-nni.

Deg Tlemsan (Tamnaḍt taserdasant tis 2), iferdisen n Temsetla taɣelnawt ‘’sgerwen-d 34,5 n yikilugramen n lkif’’, i d-yenna welɣu, yerna yenna-d daɣen, deg Tmenɣast (Tamnaḍt taserdasant tis 4), yiwet n tsensirt n Tredsa taɣelnawt taɣerfant (ANP) ‘’teṭṭef mraw d yiwen (11) n yiminigen uffiren i d-yekkan seg tmura tifriqiyin.