ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ ⴷⵉⵎⴰ ⵜⴻⵅⴷⴻⵎ ⵖⴻⴼ ⵓⵙⵙⴻⵊⵀⴻⴷ ⵏ ⵡⴻⵎⵄⴰⵡⴻⵏ ⴰⴳⵔⴰⵖⵍⴰⵏ ⵎⴳⴰⵍ ⵜⵔⴻⵎⵎⵉⵖⵜ
ⵡⴰⵛⵉⵏⵜⵏ– ⵍⴻⵣⵣⴰⵢⴻⵔ ⴷⵉⵎⴰ ⵜⴻⵅⴷⴻⵎ ⵉ ⵍⵎⴻⵏⴷ ⵏ ⵓⵙⵙⴻⵊⵀⴻⴷ ⵏ ⵡⴻⵎⵄⴰⵡⴻⵏ ⴰⴳⵔⴰⵖⵍⴰⵏ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵜⵔⴻⵎⵎⵉⵖⵜ ⴷ ⵓⵙⵙⴻⵊⵀⴻⴷ ⵏ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵉ ⵡⴻⵎⵃⴰⵇ ⵏ ⵜⴻⵊⵔⵉⵎⵜ ⵢⴻⵜⵜⵡⴰⵙⵙⵓⴷⴷⵙⴻⵏ ⴷ ⵜⵔⴻⵎⵎⵉⵖⵜ ⵉⵣⴻⴳⵔⴻⵏ ⵉ ⵜⵍⵉⵙⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵏⴻⵡ ⵢⵧⵔⴽ, ⵜⵎⴰⴳⵍⴰ (ⵡⴰⴼⴷ) ⵜⴰⴷⵣⴰⵢⵔⵉⵜ ⴷⴻⴳ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
ⵓⵙⵙⵉⵙⴻⵏ ⴰⵢ ⵜⴳⴰ ⵍⴻⵣⵣⴰⵢⴻⵔ ⴷⴻⴳ ⵡⴻⵏⵔⴰⵔ ⵏ ⵢⵉⵎⴻⵏⵖⵉ ⵎⴳⴰⵍ ⵜⵔⴻⵎⵎⵉⵖⵜ (ⵉⵔⵀⴰⴱ) « ⴷⵉⵎⴰ ⵜⵜⵡⴰⵡⴻⵀⵀⴰⵏ ⵖⴻⵔ ⵡⴻⵎⵄⴰⵡⴻⵏ ⴰⵎⵏⴰⴹⴰⵏ ⴷ ⵡⴻⴳⵔⴰⵖⵍⴰⵏ, ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⵓⵇⴱⴻⵍ ⴰⴽⴽ ⴰⴷ ⴷ-ⵉⵍⵉⵏ ⵍⴻⵛⵖⴰⵍ ⵉⵎⴻⵇⵔⴰⵏⴻⵏ ⵏ ⵜⵔⴻⵎⵎⵉⵖⵜ ⵜⴰⴳⵔⴰⵖⵍⴰⵏⵜ ⴷⴻⴳ ⵓⵎⴰⴹⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ ⵜⵙⴻⵖⵔⵓⵜ (ⵜⴰⵚⵔⵉⵃ) ⵏ ⵍⴻⵣⵣⵢⴰⵢⴻⵔ ⵖⴻⴼ ⵜⵙⵓⴷⴷⴻⵙⵜ ⵜⴰⵏⵎⴰⴹⴰⵍⵜ ⵎⴳⴰⵍ ⵜⵔⴻⵎⵎⵉⵖⵜ, ⴰⵢ ⴷ-ⵜⴻⵖⵔⴰ ⵜⵎⴰⴳⵍⴰ ⵜⴰⴷⵣⴰⵢⵔⵉⵜ ⴷⴻⴳ ⵡⴻⴳⵔⴰⵡ ⴰⵎⴰⵜⵓ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ ⵏ ⵓⵙⵙⴻⴽⵢⴻⴷ ⵏ ⵜⵙⵓⴷⴷⴻⵙⵜ-ⴰ.
ⵜⴻⵅⴷⴻⵎ ⵍⴻⵣⵣⴰⵢⴻⵔ, ⵙⴻⴳ ⵜⴰⵣⵡⴰⵔⴰ, ⵉ ⵍⵎⴻⵏⴷ ⵏ ⵓⵙⵙⴻⵊⵀⴻⴷ ⵏ ⵡⵓⵙⵙⵉⵙⴻⵏ ⵏ ⵢⵉⵎⴻⵏⵖⵉ ⵎⴳⴰⵍ ⵜⵔⴻⵎⵎⵉⵖⵜ ⴷⴻⴳ ⵜⴻⴼⵔⵉⵇⵜ ⵙ ⵓⵜⵜⴻⴽⴽⵉ ⴷⴻⴳ ⵓⵙⵙⴻⴱⴷⴻⴷ ⵏ ⵡⴰⵛⵃⴰⵍ ⵏ ⵡⴰⵍⵍⴰⵍⴻⵏ ⵉⴳⵔⴰⵖⵍⴰⵏⴻⵏ ⴰⵢ ⵍⴰ ⵢⴻⵜⵜⵓⵔⴰⵔⴻⵏ ⴷⴷⵓⵕ ⴷ ⴰⵎⴻⵇⵔⴰⵏ ⴷⴻⴳ ⵓⵙⵙⴻⵍⵀⵓ ⵏ ⵜⵎⴻⵍⵍⵉⵍⵜ (ⵏⴰⴵⴰⵄⴰ) ⵏ ⵢⵉⵎⴻⵏⵖⵉ ⵎⴳⴰⵍ ⵜⵔⴻⵎⵎⵉⵖⵜ ⴷⴻⴳ ⵓⵎⴻⵏⵥⴰⵡ-ⴰ (ⵇⴰⵔⵔⴰ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵙⴻⵖⵔⵓⵜ-ⵏⵏⵉ.
ⵎⴰ ⴷⴻⴳ ⵜⴻⵎⵏⴰⴹⵜ ⵏ ⵙⵙⴰⵃⴻⵍ, ⴰⵢ ⵢⴻⵃⵡⴰⵊⴻⵏ ⴰⵙⵙⴻⵎⵢⵓⴷⴷⴻⵙ (ⵜⴰⵏⵙⵉⵇ) ⴷ ⵓⵙⵙⴻⵊⵀⴻⴷ ⵏ ⵜⵣⴻⵎⵎⴰⵔ ⵏ ⵜⵎⵓⵔⴰ ⵉ ⵢⵉⵎⴻⵏⵖⵉ ⵎⴳⴰⵍ ⵜⵔⴻⵎⵎⵉⵖⵜ, ⵜⴻⵜⵜⴻⴽⴽⴰ ⵍⴻⵣⵣⴰⵢⴻⵔ ⴷⴻⴳ ⵓⵅⴻⴷⴷⵉⵎ ⵓⵛⵔⵉⴽ ⵏ ⵡⴻⵎⵄⴰⵡⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ ⵜⵙⴻⵖⵔⵓⵜ-ⴰ.
