ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵜⵜⵡⴻⵏⵖ ⵢⵉⵡⴻⵏ ⵏ ⵓⵔⴻⵎⵎⴰⵖ ⴷⴻⴳ ⴵⵉⴵⴻⵍ (ⵜⴰⵎⵃⴰⴷⴷⵉⵜ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵜⵜⵡⴻⵏⵖ ⵢⵉⵡⴻⵏ ⵏ ⵓⵔⴻⵎⵎⴰⵖ (ⵉⵔⵀⴰⴱⵉ) ⴷⴻⴳ ⵢⵉⵡⴻⵏ ⵏ ⵡⴻⴽⵎⵉⵏ ⴰⵙⵙ ⵏ ⵍⵊⴻⵎⵄⴰ ⴷⴻⴳ ⵜⴻⵎⵏⴰⴹⵜ ⵏ ⵜⵢⴰⵏⴰ ⴷⴻⴳ ⵍⵎⵉⵍⴻⵢⵢⴰ (ⴵⵉⴵⴻⵍ), ⵜⴻⵏⴷⵉ-ⵜ ⵢⵉⵡⴻⵜ ⵏ ⵜⵙⴻⵏⵙⴻⵔⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵜⵜⵡⴰⵍⵇⴻⴹ ⵢⵉⵡⴻⵜ ⵏ ⵜⵎⴻⴳⵃⴻⵍⵜ ⵜⴰⵢⵎⴰⵏⵉⵜ ⵏ ⵚⵚⴻⵏⴼ ⵏ ⴽⴰⵍⴰⵛⵀⵏⵉⴽⵧⵠ ⴷ ⵍⵄⵓⵍⴰ ⵏ ⵍⴻⵙⵍⴰⵃ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ) ⵏ ⵡⴻⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.

« ⴷⴻⴳ ⵓⴽⴰⵜⴰⵔ ⵏ ⵢⵉⵎⴻⵏⵖⵉ ⵎⴳⴰⵍ ⵜⵔⴻⵎⵎⵉⵖⵜ (ⵉⵔⵀⴰⴱ), ⵜⴻⵏⵖⴰ ⵢⵉⵡⴻⵜ ⵏ ⵜⵙⴻⵏⵙⴻⵔⵜ ⵏ ⵜⵔⴻⴷⵙⴰ (ⴵⴰⵢⵛ) ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ, ⴰⵙⵙ ⵏ 8 ⵢⵓⵍⵢⵓ 2016, ⵢⵉⵡⴻⵏ ⵏ ⵓⵔⴻⵎⵎⴰⵖ ⴷⴻⴳ ⵢⵉⵡⴻⵏ ⵏ ⵡⴻⴽⵎⵉⵏ ⴷⴻⴳ ⵜⴻⵎⵏⴰⴹⵜ ⵏ ⵜⵢⴰⵏⴰ, ⴷⴻⴳ ⵍⵎⵉⵍⴻⵢⵢⴰ, ⴷⴻⴳ ⵜⵡⵉⵍⴰⵢⵜ ⵏ ⴵⵉⴵⴻⵍ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 5), ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵍⵇⴻⴹ ⵢⵉⵡⴻⵜ ⵏ ⵜⵎⴻⴳⵃⴻⵍⵜ ⵜⴰⵢⵎⴰⵏⵉⵜ ⵏ ⵚⵚⴻⵏⴼ ⵏ ⴽⴰⵍⴰⵛⵀⵏⵉⴽⵧⵠ ⴷ ⵜⴻⵙⵎⴻⴽⵜⴰ (ⴽⴰⵎⵎⵉⵢⵢⴰ) ⵏ ⵍⵄⵓⵍⴰ ⵏ ⵍⴻⵙⵍⴰⵃ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⴰ.

ⴷⴻⴳ ⵍⴻⵖⵡⴰⵟ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 4), ⴷⴻⴳ ⵜⴻⵎⵏⴰⴹⵜ ⵏ ⵡⴰⴷ ⵎⵣⵉ, « ⵜⴻⵍⵇⴻⴹ-ⴷ ⵢⵉⵡⴻⵜ ⵏ ⵜⵙⴻⵏⵙⴻⵔⵜ ⵏ ⵢⵉⵖⴰⵍⵍⴻⵏ ⵢⴻⴷⴷⵓⴽⴽⵍⴻⵏ ⵏ ⵜⵖⴻⵍⵍⵉⵙⵜ ⵜⵉⵎⴻⴳⵃⴻⵍⵜ ⵏⵉⴹⴻⵏ ⵏ ⵚⵚⴻⵏⴼ-ⴰ ».

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷⴻⴳ ⵓⴽⴰⵜⴰⵔ ⵏ ⵢⵉⵎⴻⵏⵖⵉ ⵎⴳⴰⵍ ⵜⴻⵊⵔⵉⵎⵜ ⵢⴻⵜⵜⵡⴰⵙⵙⵓⴷⴷⵙⴻⵏ, « ⵜⴻⴹⴹⴻⴼ ⵢⵉⵡⴻⵜ ⵏ ⵜⵙⴻⵏⵙⴻⵔⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ 4 ⵏ ⵢⴻⵎⴷⴰⵏⴻⵏ ⴷⴻⴳ ⵜⴱⴻⵙⴽⴻⵔⵜ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 4) 606 ⵏ ⵜⵇⴻⵔⵄⵓⵏⵉⵏ ⵏ ⵜⵉⵙⵙⵉⵜⵉⵏ ⵢⴻⵎⴳⴻⵔⵔⴰⴷⴻⵏ ».

ⵎⴰ ⴷⴻⴳ ⵡⴰⴷ ⵙⵓⴼ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 4), ⵙⵓⵇ ⴰⵀⵕⴰⵙ, ⵜⴱⴻⵙⵙⴰ, ⵟⵟⴰⵔⴻⴼ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 5) ⴷ ⵜⵎⴻⵏⵖⴻⵙⵜ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 6), « ⵙⵅⴻⵚⵔⴻⵏⵜ ⵜⵙⴻⵏⵙⴰⵔ ⵏ ⵢⵉⵖⴰⵍⵍⴻⵏ ⵏ ⵜⵖⴻⵍⵍⵉⵙⵜ ⵢⴻⴷⴷⵓⴽⴽⵍⴻⵏ, ⴷⴻⴳ ⵜⴻⵎⵀⴰⵍ ⵢⴻⵎⴳⴻⵔⵔⴰⴷⴻⵏ, ⵛⵛⵖⴻⵍ ⵏ ⵓⵙⵙⴻⵔⵡⴻⵍ ⵏ 18 032 ⵏ ⵢⵉⵍⵉⵜⵔⴻⵏ ⵏ ⵓⵙⴻⵔⵖⵓ ».