Asebter amenzawi
Yettwenɣ yiwen n uremmaɣ deg Ǧiǧel (tamḥaddit)
LEZZAYER TAMANEɣT – Yettwenɣ yiwen n uremmaɣ (irhabi) deg yiwen n wekmin ass n ljemɛa deg temnaḍt n Tyana deg Lmileyya (Ǧiǧel), tendi-t yiwet n tsensert n Tredsa Taɣelnawt Taɣerfant, am wakken ay d-tettwalqeḍ yiwet n tmegḥelt taymanit n ṣṣenf n Kalachnikov d lɛula n leslaḥ, ɣef wakken ay d-yenna yiwen n welɣu (bayan) n weɣlif n temḥaddit taɣelnawt.
« Deg ukatar n yimenɣi mgal tremmiɣt (irhab), tenɣa yiwet n tsensert n Tredsa (ǧayc) Taɣelnawt Taɣerfant, ass n 8 Yulyu 2016, yiwen n uremmaɣ deg yiwen n wekmin deg temnaḍt n Tyana, deg Lmileyya, deg twilayt n Ǧiǧel (Tamnaḍt Taserdasant Tis 5), am wakken ay d-telqeḍ yiwet n tmegḥelt taymanit n ṣṣenf n Kalachnikov d tesmekta (kammiyya) n lɛula n leslaḥ », ɣef wakken ay d-yenna welɣu-a.
Deg Leɣwaṭ (Tamnaḍt Taserdasant Tis 4), deg temnaḍt n Wad Mzi, « telqeḍ-d yiwet n tsensert n yiɣallen yeddukklen n tɣellist timegḥelt niḍen n ṣṣenf-a ».
Seg yidis niḍen, deg ukatar n yimenɣi mgal tejrimt yettwassuddsen, « teḍḍef yiwet n tsensert n Tredsa Taɣelnawt Taɣerfant 4 n yemdanen deg Tbeskert (Tamnaḍt Taserdasant Tis 4) 606 n tqerɛunin n tissitin yemgerraden ».
Ma deg Wad Suf (Tamnaḍt Taserdasant Tis 4), Suq Ahṛas, Tbessa, Ṭṭaref (Tamnaḍt Taserdasant Tis 5) d Tmenɣest (Tamnaḍt Taserdasant Tis 6), « sxeṣrent tsensar n yiɣallen n tɣellist yeddukklen, deg temhal yemgerraden, ccɣel n usserwel n 18 032 n yilitren n userɣu ».
