ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵓⴳⴰⵔ ⵏ 100 ⵏ ⵢⴻⵎⴷⴰⵏⴻⵏ ⴰⵢ ⵢⵓⴹⵏⴻⵏ ⵙⴻⴳ ⵜⵓⵞⵞⵉⵜ ⴷⴻⴳ ⵢⴻⵙⴱⵉⵟⴰⵔⴻⵏ ⵏ ⵎⵓⵙⵜⴰⵒⵀⴰ-ⵒⴰⵛⵀⴰ ⴷ ⴱⴰⴱ ⵍⵡⴰⴷ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – 110 ⵏ ⵢⴻⵎⴷⴰⵏⴻⵏ ⴰⵢ ⵢⵓⴹⵏⴻⵏ ⵙⴻⴳ ⵜⵓⵞⵞⵉⵜ, ⴰⵎ ⵡⴰⴽⴽⴻⵏ ⴰⵢ ⵊⴻⵔⵃⴻⵏ 130 ⵏ ⵢⴻⵎⴷⴰⵏⴻⵏ ⵏⵉⴹⴻⵏ ⵙⴻⴳ ⵢⵉⵙⴻⵀⵡⴰ (ⵃⴰⵡⴰⴷⵉⵜ) ⵏ ⵡⴻⴱⵔⵉⴷ ⴷ ⵡⴻⵜⵄⴻⴷⴷⵉ ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵅⴻⴱⴱⵔⴻⵏ ⵢⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⵏ ⵢⴻⵙⴱⵉⵟⴰⵔⴻⵏ ⵏ ⵎⵓⵙⵜⴰⵒⵀⴰ-ⵒⴰⵛⵀⴰ ⴷ ⵎⵧⵀⴰⵎⴻⴷ-ⵍⴰⵎⵉⵏⴻ-ⴷⴻⴱⴰⴳⵀⵉⵏⴻ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ) ⴷⴻⴳ ⵡⴰⵙⵙ ⵡⵉⵙ ⵙⵉⵏ ⵏ ⵍⵄⵉⴷ ⵜⴰⵎⴻⵥⵢⴰⵏⵜ.
ⴰⵎⴹⴰⵏ ⵏ ⵡⵉⴷ ⴰⵢ ⵢⵓⴹⵏⴻⵏ ⵙⴻⴳ ⵜⵓⵞⵞⵉⵜ ⴷ ⵡⵉⴷ ⵢⴻⵏⴹⴻⵔⵔⴻⵏ ⵙⴻⴳ ⵢⵉⵙⴻⵀⵡⴰ ⵏ ⵡⴻⴱⵔⵉⴷ ⵢⴻⵔⵏⴰ ⴷⴻⴳ ⵙⵉⵏ-ⴰ ⵏ ⵡⵓⵙⵙⴰⵏ ⵏ ⵍⵄⵉⴷ ⵜⴰⵎⴻⵥⵢⴰⵏⵜ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵢⵉⵖⴻⴼ ⵏ ⵓⵎⴻⵥⵍⵓ ⵏ ⵜⴻⵖⵍⵓⵍⵜ ⴷⴻⴳ ⵡⴻⵙⴱⵉⵟⴰⵔ ⵏ ⵎⵓⵙⵜⴰⵒⵀⴰ-ⵒⴰⵛⵀⴰ.
ⵖⴻⴼ ⵍⴻⵃⵙⴰⴱ ⵏ ⵓⵎⴰⵙⴰⵢ-ⴰ, ⵎⴻⴷⴷⴻⵏ ⵢⵓⴹⵏⴻⵏ ⵙⴻⴳ ⵜⵓⵞⵞⵉⵜ ⵞⵞⴰⵏ ⴰⴽⴰⵏⴰⴼ ⵏ ⵡⴻⴽⵙⵓⵎ ⵏⴻⵖ ⵓⵞⵞⵉ ⵥⵥⴰⵢⴻⵏ ⵖⴻⴼ ⵜⵄⴻⴱⴱⵓⴹⵜ ⴰⵎ ⵡⴰⴽⴽⴻⵏ ⴰⵢ ⵙⵡⴰⵏ ⵉⵥⴻⵎ (ⵄⴰⵚⵉⵔ).
ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⵓⴳⴰⵔ ⵏ 250 ⵏ ⵢⴻⵎⴷⴰⵏⴻⵏ ⴰⵢ ⵢⴻⴽⴽⴰⵏ ⵖⴻⴼ ⵓⵎⴻⵥⵍⵓ ⵏ ⵜⵓⵄⵊⵉⵍⵉⵏ ⵙⴻⴳ ⵡⴰⵙⵙ ⴰⵎⴻⵣⵡⴰⵔⵓ ⵏ ⵍⵄⵉⴷ, ⴳⴰⵔ-ⴰⵙⴻⵏ 175 ⵏ ⵢⴻⵎⴷⴰⵏⴻⵏ ⴰⵢ ⵢⴻⵏⴹⴻⵔⵔⴻⵏ ⵙⴻⴳ ⵢⵉⵙⴻⵀⵡⴰ ⵏ ⵡⴻⴱⵔⵉⴷ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵍⵍⴰⵏⵜ-ⴷ ⴷⴰⵖ ⵍⵉⵃⴰⵍⴰⵜ ⴰⵢⴷⴻⴳ ⵜⵄⴻⴷⴷⴰⵏ ⵖⴻⴼ ⵎⴻⴷⴷⴻⵏ.
ⵏⵏⴰⵏ-ⴷ ⴷⴰⵖ ⴽⵔⴰ ⵏ ⵢⴻⵎⵙⵓⵊⵊⵉⵢⴻⵏ ⵏ ⵓⵎⴻⵥⵍⵓ ⵏ ⵓⵛⴻⵍⵍⴻⵃ ⴷⴰⴽⴽⴻⵏ ⵢⴻⵔⵏⴰ ⵡⴻⵎⴹⴰⵏ ⵏ ⵡⵉⴷ ⵢⴻⵏⴹⴻⵔⵔⴻⵏ ⵙⴻⴳ ⵢⵉⵙⴻⵀⵡⴰ ⴷ ⵡⴻⵜⵄⴻⴷⴷⵉ ⵙ ⵍⴻⵙⵍⴰⵃ ⴰⵎⴻⵍⵍⴰⵍ.
ⵎⴰ ⴷ ⵉⵖⴻⴼ ⵏ ⵜⴻⵖⵍⴰⵎⵜ ⵏ ⵢⴻⵎⵙⵓⵊⵊⵉⵢⴻⵏ ⴷ ⵢⴻⴼⵔⴻⵎⵍⵉⵢⴻⵏ ⵏ ⵜⴻⵖⵍⵓⵍⵜ ⵏ ⵡⴻⵙⴱⵉⵟⴰⵔ ⵏ ⵍⴰⵎⵉⵏⴻ-ⴷⴻⴱⴰⴳⵀⵉⵏⴻ, ⵢⴻⵏⵏⴰ-ⴷ ⴷⴰⴽⴽⴻⵏ « ⴰⴽⴽ ⵜⵉⵖⵍⴰⵎⵉⵏ ⴰⵢ ⴷ-ⵢⴻⵜⵜⵡⴰⵙⴱⴻⴳⵙⴻⵏ ⵉ ⵙⵉⵏ-ⴰ ⵏ ⵡⵓⵙⵙⴰⵏ ⵏ ⵍⵄⵉⴷ ⵍⴰ ⵅⴻⴷⴷⵎⴻⵏ ⴰⵅⴻⴷⴷⵉⵎ-ⵏⵙⴻⵏ ⴰⵎ ⵍⴻⵄⵡⴰⵢⴻⴷ ⵢⴻⵔⵏⵓ ⴷⴻⴳ ⵜⴻⴳⵏⵉⵜ ⵢⴻⵍⵀⴰⵏ ».
