Asebter amenzawi
Ugar n 100 n yemdanen ay yuḍnen seg tuččit deg yesbiṭaren n Mustapha-Pacha d Bab Lwad
LEZZAYER TAMANEɣT – 110 n yemdanen ay yuḍnen seg tuččit, am wakken ay jerḥen 130 n yemdanen niḍen seg yisehwa (ḥawadit) n webrid d wetɛeddi ɣef wakken ay aɣ-d-xebbren yimasayen (mas’ulin) n yesbiṭaren n Mustapha-Pacha d Mohamed-Lamine-Debaghine (Lezzayer Tamaneɣt) deg wass wis sin n lɛid tameẓyant.
Amḍan n wid ay yuḍnen seg tuččit d wid yenḍerren seg yisehwa n webrid yerna deg sin-a n wussan n lɛid tameẓyant, ɣef wakken ay aɣ-d-yenna yiɣef n umeẓlu n teɣlult deg wesbiṭar n Mustapha-Pacha.
ɣef leḥsab n umasay-a, medden yuḍnen seg tuččit ččan akanaf n weksum neɣ učči ẓẓayen ɣef tɛebbuḍt am wakken ay swan iẓem (ɛaṣir).
Yenna-d daɣ dakken ugar n 250 n yemdanen ay yekkan ɣef umeẓlu n tuɛjilin seg wass amezwaru n lɛid, gar-asen 175 n yemdanen ay yenḍerren seg yisehwa n webrid, am wakken ay d-yerna dakken llant-d daɣ liḥalat aydeg tɛeddan ɣef medden.
Nnan-d daɣ kra n yemsujjiyen n umeẓlu n ucelleḥ dakken yerna wemḍan n wid yenḍerren seg yisehwa d wetɛeddi s leslaḥ amellal.
Ma d iɣef n teɣlamt n yemsujjiyen d yefremliyen n teɣlult n wesbiṭar n Lamine-Debaghine, yenna-d dakken « akk tiɣlamin ay d-yettwasbegsen i sin-a n wussan n lɛid la xeddmen axeddim-nsen am leɛwayed yernu deg tegnit yelhan ».
