Asebter amenzawi

Yedda Hichem Logbi ɣer teɣlamt n Ittihad n Teskendrit (Maṣer)

LQAHIRA– Yestenya ulemmas amenṭag adzayri, Hichem Logbi leɛqed d teɣlamt n Ittihad n Teskendit (Maṣer) ɣef wakken ay d-tenna teɣlamt-a deg tɣemsa tadigant (maḥalliyya).

Yella Logbi yetturar deg MC Wehṛan (Tamɣunt 1ut n Lezzayer) deg tsemhuyt (mawsim) yezrin, maca ḥebsen-as yemḍebbren n teɣlamt-a leɛqed-nnes deffir telɣuɣa tadzayrit, ula ma mazal aseggas akken ad ifak leɛqed-nnes d Wehṛan.

D tikkelt tamezwarut aydeg ara yurar umarir-a n 26 n yiseggasen deg wezɣar. Uqbel waya, yurar yagi deg USM Lḥeṛṛac, ES Sḍif d USM Belɛebbas.

Uqbel ma yedda ɣer teɣlamt-a tamaṣrit, yella yetteddu ad yestenyi leɛqed n DRB Taǧnant, maca ur d-yelli wemsefham gar-as d teɣlamt-a.