ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⵉⵍⴰ: ⴰⵅⴻⴷⴷⵉⵎ ⵉ ⵡⴻⵃⵔⴰⵣ ⵏ ⵜⵡⴻⵏⵏⴰⴹⵜ ⵜⴰⵎⴷⵉⵏⴰⵏⵜ ⵢⴻⵍⵀⴰⵏ

ⵎⵉⵍⴰ, – 7 ⵏ ⵡⴰⵢⵢⵓⵔⴻⵏ ⴷⴻⴼⴼⵉⵔ ⵎⴰ ⵙⵏⵓⵍⴼⴰⵏ-ⴷ ⴰⵎⵎⴰⵙ ⵏ ⵡⴻⵎⴹⴰⵍ ⴰⵜⵡⵉⵍⴰⵏ ⵏ ⵜⵓⵔⵙⴰⴹ ⵓⵎⵉ ⵙⴻⵎⵎⴰⵏ ⵎⵉⵍⴰ-ⵏⴻⵜ, ⵢⵓⵖⴰⵍ ⵡⴻⵎⴽⴰⵏ-ⴰ ⵙ ⵡⴰⵣⴰⵍ-ⵏⵏⴻⵙ ⴷⴻⴳ ⵡⴻⵃⵔⴰⵣ ⵏ ⵜⵡⴻⵏⵏⴰⴹⵜ ⵏ ⵜⴻⵎⴷⵉⵏⵜ-ⴰ.

ⴰⵎⴽⴰⵏ-ⴰ ⴳⴰⵏ-ⵜ-ⵉⴷ ⴷⴻⴳ ⵓⴽⴰⵜⴰⵔ ⵏ ⵡⴰⵀⵉⵍ ⵏ ⵜⵉⴳⴰⵡⵜ ⵏ ⵜⴻⵙⵎⵉⵍⵜ ⵜⴰⵜⵡⵉⵍⴰⵏⵜ ⵏ ⵎⵉⵍⴰ, ⵢⴻⵔⵏⵓ ⵛⵛⵖⴻⵍ-ⵏⵏⴻⵙ ⴷ ⴰⵙⵙⴻⵍⵀⵓ ⵏ ⵜⵓⴷⴻⵔⵜ ⴷⴻⴳ ⵜⴻⵎⴷⵉⵏⵜ ⵏ ⵎⵉⵍⴰ. ⵜⴰⵕⵎⵉⵙⵜ (ⵛⴰⵔⵉⴽⴰ) ⵏ ⵎⵉⵍⴰ-ⵏⴻⵜ ⵜⴻⵍⵀⴰ-ⴷ ⵙ ⵡⴻⵊⵎⴰⵄ ⵏ ⵜⵓⵔⵙⴰⴹ ⵢⴻⵔⵏⵓ ⵜⴻⵙⵄⴰ ⵉⴱⵉⴷⵓⵏⴻⵏ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⴻⵎⴷⵉⵏⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴰⵡⵓⵔ (ⵎⵓⵡⴰⴹⴹⴰⴼ) ⴰⵍⵍⴰⵧⵓⴰ ⵢⴻⵙⵄⴰⵏ 35 ⵏ ⵢⵉⵙⴻⴳⴳⴰⵙⴻⵏ.

ⴰⵔⴳⴰⵣ-ⴰ ⵉⵣⴻⴷⵖⴻⵏ ⴷⴻⴳ ⵜⴰⵎⴰ ⵜⵓⵏⵏⵉⴳⵜ ⵏ ⵜⴻⵎⴷⵉⵏⵜ ⵏ ⵎⵉⵍⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⵉⵎⵉⵔ-ⴰ, ⵓⵖⴰⵍⴻⵏⵜ ⵜⵓⵔⵙⴰⴹ ⵜⵜⵡⴰⵍⵇⴰⴹⴻⵏⵜ ⵢⴻⵔⵏⵓ ⵉⴱⵉⴷⵓⵏⴻⵏ ⵏ ⵡⴻⵊⵎⴰⵄ ⵜⵜⵉⵍⵉⵏ ⴷ ⵉⵍⵎⴰⵡⴻⵏ.

ⴷⴻⴳ ⵡⴰⵢⵢⵓⵔ ⵏ ⵔⴻⵎⴹⴰⵏ, ⵍⵍⴰⵏ ⵜⵜⵄⴻⴷⴷⵉⵏ-ⴷ ⵢⵉⴽⴰⵎⵢⵓⵏⴻⵏ ⵏ ⵎⵉⵍⴰ-ⵏⴻⵜ ⵛⵡⵉⵟ ⵓⵇⴱⴻⵍ ⵍⵎⴻⵖⵔⴻⴱ, ⵢⴻⵔⵏⵓ ⵃⴻⴱⴱⵙⴻⵏ ⴰⵅⴻⴷⴷⵉⵎ ⵖⴻⴼ ⵜⵉⵣⵉ ⵏ ⵜⵉⵙ 11:00 ⵏ ⵜⵚⴻⴱⵃⵉⵜ ⵏ ⵓⵣⴻⴽⴽⴰ-ⵏⵏⵉ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⵜⴻⵕⵎⵉⵙⵜ-ⴰ ⴰⵢ ⴷ-ⵢⴻⵏⵏⵓⵍⴼⴰⵏ ⵙ ⵍⴻⵄⵇⴻⴷ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴳⴰⵔ ⵜⵖⵉⵡⴰⵏⵜ ⵏ ⵎⵉⵍⴰ ⴷ ⵡⴰⵎⵎⴰⵙ ⵏ ⵡⴻⵎⴹⴰⵍ ⴰⵜⵡⵉⵍⴰⵏ.

ⵖⴻⴼ ⵍⴻⵃⵙⴰⴱ ⵏ ⵜⴰⵀⴰⵔ ⵣⴻⵏⵜⵧⵓⵜ, ⵢⴻⵍⵍⴰⵏ ⴷ ⴰⵎⴰⵙⴰⵢ (ⵎⴰⵙ’ⵓⵍ) ⴷⴻⴳ ⵎⵉⵍⴰ-ⵏⴻⵜ, ⵜⴰⵕⵎⵉⵙⵜ-ⴰ ⵜⴻⵙⵄⴰ 11 ⵏ ⵜⴼⴻⵔⵇⵜⵉⵏ ⵏ 45 ⵏ ⵢⵉⵅⴻⴷⴷⴰⵎⴻⵏ, ⴰⵎ ⵡⴰⴽⴽⴻⵏ ⴰⵢ ⵜⴻⵙⵄⴰ 38 ⵏ ⵢⵉⵏⴻⴼⵔⴰⴹⴻⵏ.

ⵜⴻⵙⵄⴰ ⴷⴰⵖ ⵢⵉⵡⴻⵜ ⵏ ⵜⴼⴻⵔⵇⴻⵜ ⵜⵓⵣⵣⵉⴳⵜ ⴰⵢ ⵉⵍⴻⵇⵇⴹⴻⵏ ⵜⵓⵔⵙⴰⴹ ⴷⴻⴳ ⵡⴰⴽⵓⴷ ⵢⴻⵍⵍⴰⵏ ⴱⴻⵕⵕⴰ ⵉ ⵡⴰⴽⵓⴷ ⵏ ⵓⵄⴻⴷⴷⵉ ⵏ ⵢⵉⴽⴰⵎⵢⵓⵏⴻⵏ ⵏ ⵜⴻⵕⵎⵉⵙⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵎⴰⵙⵙ ⵣⴻⵏⵜⵧⵓⵜ.