ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⴻⵏⵏⵓⵖ ⵎⴳⴰⵍ ⵏ ⵢⵉⵔⴻⵎⵎⴰⵖⴻⵏ : ⵀⵓⴷⴷⴻⵏ ⵙⵏⴰⵜ ⵍⵎⵉⵏⴰⵜ ⵢⴻⵜⵜⵡⴰⵅⴻⴷⴷⵎⴻⵏ ⵙ ⵓⴼⵓⵙ ⴷⴻⴳ ⴱⵓⵎⴻⵔⴷⴰⵙ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⵀⵓⴷⴷ ⵙⵏⴰⵜ ⵍⵎⵉⵏⴰⵜ ⵢⴻⵜⵜⵡⴰⵅⴻⴷⴷⵎⴻⵏ ⵙ ⵓⴼⵓⵙ, ⴰⵙⵙ ⵏ ⵜⵜⵍⴰⵜⴰ, ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ (ⴰⵏⵒ), ⴷⴻⴳ ⵢⵉⵡⴻⵜ ⵏ ⵜⴻⵎⵣⴻⵍⵜ ⵏ ⵓⵏⴰⴷⵉ ⴷⴻⴳ ⵜⴻⵥⴳⵉ ⵏ ⵙⵉⴷⴻⵄⵍⵉ ⴱⵓⵏⴰⴱ, ⵜⴰⵡⵉⵍⴰⵢⵜ ⵏ ⴱⵓⵎⴻⵔⴷⴰⵙ, ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵉⵔⴻⵎⵎⴰⵖⴻⵏ, ⵉ ⴷ-ⵢⴻⵏⵏⴰ ⴰⵙⵙ ⵏ ⵍⴰⵔⴻⴱⵄⴰ ⵢⵉⵡⴻⵏ ⵏ ⵡⴻⵍⵖⵓ ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ (ⵎⴷⵏ).

ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵉⵔⴻⵎⵎⴰⵖⴻⵏ, ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ (ⴰⵏⵒ) ⵜⵓⴼⴰ ⵙⴰⴽⵉⵏ ⵜⵀⵓⴷⴷ, ⴰⵙⵙ ⵏ 09 ⵖⵓⵛⵜ 2016, ⵙⵏⴰⵜ (2) ⵍⵎⵉⵏⴰⵜ ⵢⴻⵜⵜⵡⴰⵅⴻⴷⴷⵎⴻⵏ ⵙ ⵓⴼⵓⵙ ⴷⴻⴳ ⵢⵉⵡⴻⵜ ⵏ ⵜⴻⵎⵣⴻⵍⵜ ⵏ ⵓⵏⴰⴷⵉ ⴷⴻⴳ ⵜⴻⵥⴳⵉ ⵏ ⵙⵉⴷⴻⵄⵍⵉ ⴱⵓⵏⴰⴱ, ⵜⴰⵡⵉⵍⴰⵢⵜ ⵏ ⴱⵓⵎⴻⵔⴷⴰⵙ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏ ⵜⴰⵎⴻⵣⵡⴰⵔⵓⵜ)’’, ⵉ ⴷ-ⵢⴻⵙⵙⴻⵣⵎⴻⵍ ⵡⴻⵍⵖⵓ.

ⵙⴻⴳ ⵢⵉⴷⵉⵙ-ⵏⵏⵉⴹⴻⵏ, ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵜⵉⵏⵏⵖⵉ ⵜⵓⴷⴷⵉⵙⵜ, ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ (ⴰⵏⵒ), ⵙ ⵜⵓⵇⵇⵏⴰ ⴰⴽⴽⴻⴷ ⵢⵉⴼⴻⵔⴷⵉⵙⴻⵏ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ, ‘’ⵟⵟⴼⴻⵏ ⵙⵉⵏ (2) ⵢⴻⵎⵙⴻⵜⵜⵉⵢⴻⵏ ⴷⴻⴳ ⵡⴻⵀⵔⴰⵏ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 2) ⴽⴽⵙⴻⵏ-ⴰⵙⴻⵏ ⵙⴻⵎⵎⵓⵙ ⵏ ⵜⴻⵎⵔⴰⵡⵉⵏ (50) ⵏ ⵢⵉⴽⵉⵍⵓⴳⵔⴰⵎⴻⵏ ⵏ ⵍⴽⵉⴼ ⴰⴽⴽⴻⴷ ⴽⵔⴰⴹⴻⵜ (3) ⵏ ⵜⴽⴻⵔⵔⵓⵙⵉⵏ’’.

ⴷⴻⴳ ⴱⴻⵛⵛⴰⵔ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 3), ⵢⵉⵡⴻⵜ ⵏ ⵜⵙⴻⵏⵙⵉⵔⵜ-ⵏⵏⵉⴹⴻⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ (ⴰⵏⵒ) ‘’ⵟⵟⴼⴻⵏ ⴽⵔⴰⴹ (3) ⵢⴻⵎⵙⴻⵜⵜⵉⵢⴻⵏ, ⵙ ⵜⵓⵇⵇⵏⴰ ⴰⴽⴽⴻⴷ ⵢⵉⴼⴻⵔⴷⵉⵙⴻⵏ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ, ⴽⴽⵙⴻⵏ-ⴰⵙⴻⵏ ⴽⵔⴰⴹ ⵏ ⵜⴻⵎⵔⴰⵡⵉⵏ (30) ⵏ ⵢⵉⴽⵉⵍⵓⴳⵔⴰⵎⴻⵏ ⵏ ⵍⴽⵉⴼ, ⵙⵏⴰⵜ (2) ⵏ ⵜⴽⴻⵔⵔⵓⵙⵉⵏ ⴰⴽⴽⴻⴷ 168.000 ⵏ ⵢⵉⴷⵉⵏⴰⵔⴻⵏ’’.