Asebter amenzawi

Amennuɣ mgal n yiremmaɣen : hudden snat lminat yettwaxeddmen s ufus deg Bumerdas

LEZZAYER TAMANEɣT – Thudd snat lminat yettwaxeddmen s ufus, ass n ttlata, yiwet n tsensirt n Tredsa taɣelnawt taɣerfant (ANP), deg yiwet n temzelt n unadi deg teẓgi n Sideɛli Bunab, Tawilayt n Bumerdas, deg ukatar n umennuɣ mgal iremmaɣen, i d-yenna ass n larebɛa yiwen n welɣu n uɣlif n Temḥaddit taɣelnawt (MDN).

Deg ukatar n umennuɣ mgal iremmaɣen, yiwet n tsensirt n Tredsa taɣelnawt taɣerfant (ANP) tufa sakin thudd, ass n 09 ɣuct 2016, snat (2) lminat yettwaxeddmen s ufus deg yiwet n temzelt n unadi deg teẓgi n Sideɛli Bunab, Tawilayt n Bumerdas (Tamnaḍt taserdasan tamezwarut)’’, i d-yessezmel welɣu.

Seg yidis-nniḍen, deg ukatar n umennuɣ mgal tinnɣi tuddist, yiwet n tsensirt n Tredsa taɣelnawt taɣerfant (ANP), s tuqqna akked yiferdisen n Temsetla taɣelnawt, ‘’ṭṭfen sin (2) yemsettiyen deg Wehran (Tamnaḍt taserdasant tis 2) kksen-asen semmus n temrawin (50) n yikilugramen n lkif akked kraḍet (3) n tkerrusin’’.

Deg Beccar (Tamnaḍt taserdasant tis 3), yiwet n tsensirt-nniḍen n Tredsa taɣelnawt taɣerfant (ANP) ‘’ṭṭfen kraḍ (3) yemsettiyen, s tuqqna akked yiferdisen n Tɣellist taɣelnawt, kksen-asen kraḍ n temrawin (30) n yikilugramen n lkif, snat (2) n tkerrusin akked 168.000 n yidinaren’’.