Asebter amenzawi

Timetti taɣarimt tazzayrit twekked-d tamsetlelt-is akked tmentilt taṣeḥrawit

BUMERDAS - Timetti taɣarim tazzayrit twekked-d, ass n ttlata, tamsetlelt-is akked tmentilt taṣeḥrawit tuɣdimt, aya deg beddu n tezrigt tis 7 n tesdawit n unebdu n yikataren n Tirni n Polisario akked Tegduda taɛrabt taṣeḥrawit tamagdayt (RASD).

Yenna-d deg yinaw-is, Saïd Ayachi, aselway n tesqamut taɣelnawt tazzayrit n temsetlelt akked uɣref aṣeḥrawi (CNASPS), iwekked-d deg tesdawit M'hamed Bougara n Bumerdas, asuddes n tesdawit n unebdu yekka-d seg tmetti tazzayrit, yesseḍra-t-id beɣɣu n uselway n Tegduda, Mass Abdelaziz Bouteflika i iɛawnen tamentilt taṣeḥrawit seg-mi yebda ṭṭrad, aya almend n yimenzayen n 1 wember.

Izul daɣen, tamlilt n yiduba izzayriyen almend n unǧaḥ tenǧeḥ tesdawit n unebdu, d anra n udiwenni akked umbiddel gar yikataren n ukabar n Polisario, yerna yesseddi-d dakken tikkin n yisdawanen izzayriyen d timernit i umennuɣ n uɣref aṣeḥrawi ɣef uzref-is i yes-s tesṭeɛref Tuddsa n Yiɣlanen Yedduklen (ONU) akked daɣen Tiddukla n Turuft (UE), Tiddukla n Tefriqt (UA) akked waṭas n tmura.