ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵀⴻⵏⵏⴰ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴰⵎⵜⵉⵍ-ⵉⵙ ⴰⵜⵛⴰⴷⵉ ⴰⵍⵎⴻⵏⴷ ⵏ ⵜⵎⴻⵖⵔⴰ ⵜⴰⵖⴻⵍⵏⴰⵡⵜ ⵏ ⵜⵎⵓⵔⵜ-ⵉⵙ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵢⵓⵣⴻⵏ ⵢⵉⵡⴻⵏ ⵏ ⵢⵉⵣⴻⵏ ⵏ ⵓⵀⴻⵏⵏⵉ ⵉ ⵓⵎⵜⵉⵍ-ⵉⵙ ⴰⵞⴰⴷⵉ, ⵉⴷⵔⵉⵙⵙ ⴷⴻⴱⵢ ⵉⵜⵏⵧ, ⴰⵍⵎⴻⴷ ⵏ ⵜⵎⴻⵖⵔⴰ ⵜⴰⵖⴻⵍⵏⴰⵡⵜ ⵏ ⵜⵎⵓⵔⵜ-ⵉⵙ, ⵉⴷⴻⴳ ‘’ⵢⴻⴼⵔⴻⵃ’’ ⵙ ⵡⴰⵙⵙⴰⵖⴻⵏ ⵏ ⵜⴻⴳⵎⴰⵜ ⵢⴻⵍⵍⴰⵏ ⴳⴰⵔ ⵍⴻⵣⵣⴰⵢⴻⵔ ⴰⴽⴽⴻⴷ ⵜⵛⴰⴷ.

’ⴰⵙⴼⵓⴳⴻⵍ ⵏ ⵜⴻⴳⴷⵓⴷⴰ ⵏ ⵜⵛⴰⴷ ⵏ ⵜⵎⴻⵖⵔⴰ-ⵙ ⵜⴰⵖⴻⵍⵏⴰⵡⵜ ⴷ ⵜⴰⴳⵏⵉⵜ ⵉⴳⴻⵔⵣⴻⵏ ⴰⵔⴰ ⴼⴰⵔⵚⴻⵖ ⴰⴽⴽⴻⵏ ⴰⴷ ⴰⴽ-ⵉⵏ-ⵉⵏⵉⵖ, ⵙ ⵢⵉⵙⴻⵎ ⵏ ⵓⵖⵔⴻⴼ ⴰⴽⴽⴻⴷ ⵓⵏⴰⴱⴰⴹ ⴰⵣⵣⴰⵢⵔⵉ ⴰⴽⴽⴻⴷ ⵢⵉⵙⴻⵎ-ⵉⵡ, ⴰⵀⴻⵏⵏⵉ-ⵏⵏⴻⵖ ⴰⵃⵎⴰⵢⴰⵏ ⴰⴽⴽⴻⴷ ⵓⵙⵉⵔⴻⵎ-ⵉⵡ ⵏ ⵍⴼⴻⵔⵃ ⴰⴽⴽⴻⴷ ⵜⴷⴰⵡⵙⴰ ⵢⴻⵍⵀⴰⵏ ⵉ ⴽⴻⵞⵞ, ⵏ ⵓⴼⴰⵔⴰ ⴰⴽⴽⴻⴷ ⵜⴻⵏⴽⴻⵍⵡⵉⵜ ⵉ ⴳⵎⴰⵜ-ⵏⴻⵖ ⴰⵖⵔⴻⴼ ⴰⵜⵛⴰⴷⵉ’’, ⵉ ⵢⵓⵔⴰ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴷⴻⴳ ⵢⵉⵣⴻⵏ-ⵉⵙ.

’ⴱⵖⵉⵖ ⴰⴷ ⴼⴰⵔⵚⴻⵖ ⵜⴰⴳⵏⵉⵜ-ⴰ ⵢⴻⵍⵀⴰⵏ ⴰⴽⴽⴻⵏ ⴰⴷ ⴰⵍⵙⴻⵖ ⵉ ⵜⵖⴰⵔⴰ ⵢⴻⵍⵀⴰⵏ ⵏ ⵡⴰⵙⵙⴰⵖⴻⵏ ⵏ ⵜⴻⴳⵎⴰⵜ, ⵏ ⵜⴻⵎⵙⴻⵜⵍⴻⵍⵜ ⴰⴽⴽⴻⴷ ⵓⵎⴻⴷⵀⴻⵍ ⵢⴻⵍⵍⴰⵏ ⴳⴰⵔ ⵙⵏⴰⵜ ⵜⵎⵓⵔⴰ-ⵏⵏⴻⵖ’’, ⵉ ⴷ-ⵉⴷⴻⵔⵔⴻⵔ ⵓⵖⴻⵍⵍⴰ ⵏ ⵓⵡⴰⵏⴻⴽ.

’ⵔⵉⵖ ⴷⴰⵖⴻⵏ, ⴰⴷ ⴰⴽ-ⵉⵏ-ⴰⵍⵙⴻⵖ ⴱⴻⵖⵖⵓ-ⵉⵏⵓ ⵏ ⵓⴽⴻⵎⵎⴻⵍ ⵏ ⵍⵎⴻⴵⵀⵓⴷ-ⵏⵏⴻⵖ ⵓⵛⵔⵉⴽ ⴰⴽⴽⴻⵏ ⴰⴷ ⵢⵉⵍⵉ ⵓⵙⵎⵍ ⵉⵎⴻⵣⴳⵉ ⵏ ⵍⴼⴰⵢⴷⴰ ⵢⴻⵔⵣⴰⵏ ⵜⴰⴼⵔⵉⵇⵜ, ⵙ ⵓⵎⴰⵜⴰ, ⴰⴽⴽⴻⴷ ⵜⴻⵎⵏⴰⴹⵜ-ⵏⵏⴻⵖ, ⴰⴱⴻⵄⴷⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵙⵏⴻⵍⵉⵜ ⴰⴽⴽⴻⴷ ⵜⴻⵍⵡⵉⵜ, ⵜⴰⵖⴻⵍⵍⵉⵙⵜ ⴰⴽⴽⴻⴷ ⵓⵔⴽⴰⴷ’’, ⵉ ⵢⴻⵔⵏⴰ ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ.