ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵖⵍⵉⴼ ⵓⵡⴰⵏⴻⴽ ⵏ ⵎⴰⵔⵉⴽⴰⵏ ⵢⴻⵛⴽⴻⵕ ⵜⵉⵍⴻⵍⵍⵉ ⵏ ⵜⴻⴼⵔⵉⵜ ⴷⵉ ⵍⴻⵣⵣⴰⵢⴻⵔ
ⵡⴰⵛⵉⵏⵜⵓⵏ- ⴰⵖⵍⵉⴼ ⵓⵡⴰⵏⴻⴽ ⴰⵎⴰⵔⵉⴽⴰⵏⵉ ⵢⴻⵛⴽⴻⵕ, ⴰⵙⵙ ⵏ ⵍⴰⵕⴻⴱⵄⴰ, ⴰⵢⴻⵏ ⴰⴽⴽ ⵜⵅⴻⴷⴷⴻⵎ ⵍⴻⵣⵣⴰⵢⴻⵔ ⴰⴽⴽⴻⵏ ⴰⴷ ⵢⵉⵍⵉ ⵍⴰⵇⴷⴻⵕ ⵏ ⵜⵍⴻⵍⵍⵉⵢⵉⵏ ⵜⵉⵙⴻⵕⴹⴰⵜⵉⵏ (ⴷⴷⵉⵏ), ⵙ ⵓⵙⵎⴻⴽⵜⵉ ⵏ ⵡⴰⵢⴻⵏ ⴷ-ⵢⴻⵔⵙⴻⵏ ⴷⵉ ⵜⵎⴻⵏⴷⴰⵡⵜ ⴰⴽⴽ ⴷ ⵢⵉⵚⵓⴹⴰⴼ ⵢⴻⵜⵜⵡⴰⵇⴻⴱⵍⴻⵏ ⵢⴻⵜⵜⵃⴰⴷⴰⵔⴻⵏ ⵖⴻⴼ ⵜⵉⵍⴻⵍⵍⵉ ⵏ ⵜⴻⴼⵔⵉⵜ ⴷⵉ ⵜⵎⵓⵔⵜ.
ⴷⴻⴳ ⵓⵏⴻⵇⵇⵉⵙ-ⵉⵏⴻⵙ ⵢⴻⵔⵣⴰⵏ ⵜⵉⵍⴻⵍⵍⵉⵢⵉⵏ ⵏ ⵜⵍⵓⴼⴰ ⵏ ⴷⴷⵉⵏ ⴷⴻⴳ ⵓⵎⴰⴹⴰⵍ ⴷⵉ 2015, ⴰⵖⵍⵉⴼ ⵓⵡⴰⵏⴻⴽ ⴰⵎⴰⵔⵉⴽⴰⵏⵉ ⵉⵡⴻⴽⴽⴻⴷ-ⴷ ⴱⴻⵍⵍⵉ ⵜⴰⵎⴻⵏⴷⴰⵡⵜ ⵜⴰⵣⵣⴰⵢⵔⵉⵜ ⵜⴻⵜⵜⵃⴰⴷⴰⵔ ⵖⴻⴼ ⵜⵍⴻⵍⵍⵉ ⵏ ⵜⴻⴼⵔⵉⵜ ⴰⴽⴽ ⴷ ⵢⵉⵚⵓⴹⴰⴼ ⵢⴻⵜⵜⵇⴰⴷⴰⵔⴻⵏ ⵢⴰⵍ ⵢⵉⵡⴻⵏ ⴷⵉ ⴷⴷⵉⵏ-ⵉⵙ ⴰⴽⴽⴻⵏ ⴰⴷ ⵜ-ⵢⴻⴷⴷⴻⵔ ⴷⵉ ⵍⵉⵙⴻⵔ ⴰⵢⴻⵏ ⴹⴻⵎⵎⵏⴻⵏ ⵍⴻⵇⵡⴰⵏⴻⵏ ⵏ ⵜⵎⵓⵔⵜ.
ⵍⴰⵖⵍⵉⴼ ⵏ ⴷⴷⴻⵡⵍⴰ ⵢⴻⵙⵙⴻⴼⵀⴻⵎ-ⴷ ⴷⴻⴳ ⵡⴰⵢⴰⴳⵉ, ⴱⴻⵍⵍⵉ ⵍⴻⵇⵡⴰⵏⴻⵏ ⵏ ⵜⵎⵓⵔⵜ ⵓⵔ ⵜⵜⵄⴻⵎⵎⵉⴷⴻⵏ ⵉ ⵢⴰⵍ ⵢⵉⵡⴻⵏ ⴰⴽⴽⴻⵏ ⴰⴷ ⴷ-ⵢⴻⵡⵡⴻⵜ ⴷⵉ ⵏⵏⴰⴱⵉⵢⵉⵏ ⵏⴻⵖ ⴷⵉ ⴷⴷⵉⵢⴰⵏⴰⵜ.
ⴰⵏⴻⵇⵇⵉⵙ-ⴰⴳⵉ ⵉⴱⴻⴳⴳⴻⵏ-ⴷ ⴷⴰⵖⴻⵏ ⵍⴻⴱⵖⵉ ⵓⵏⴰⴱⴰⴹ ⴰⵣⵣⴰⵢⵔⵉ ⵉⴱⴻⴷⴷⴻⵏ ⵎⴳⴰⵍ ⵉⵙⴰⵍⴰⴼⵉⵢⴻⵏ ⵉⵎⴻⵟⵟⵓⵔⴼⴰ ⵙ ⵓⵙⵎⴻⴽⵜⵉ ⵏ ⵍⴰⵕⵢⵓⵢ ⵢⴻⴽⴽⴰⵜⴻⵏ ⴷⵉ ⵢⴰⵍ ⴰⴹⴻⵕⵕⴻⴼ ⵏ ⴷⴷⵉⵏ ⴰⴽⴽ ⴷ ⵜⵉⵢⵉⵜⴰ ⵏ ⵜⵅⴰⵣⴰⴱⵉⵢⵉⵏ ⴷ-ⵉⴹⴻⵕⵕⵓⵏ ⵙ ⵢⵉⵙⴻⵎ ⵏ ⵜⵏⴻⵙⵍⴻⵎⵜ.
