ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⴻⵏⵏⵓⵖ ⵎⴳⴰⵍ ⵏ ⵢⵉⵔⴻⵎⵎⴰⵖⴻⵏ: ⵀⵓⴷⴷⴻⵏ ⵙⴻⵎⵎⵓⵙ ⵢⴻⵎⵔⵓⴷⴻⵏ ⵢⴻⵜⵜⵡⴰⵅⴻⴷⴷⵎⴻⵏ ⵙ ⵓⴼⵓⵙ ⴰⴽⴽⴻⴷ ⴽⵔⴰⴹ ⵍⴱⵓⵎⴱⴰⵜ ⴷⴻⴳ ⴱⵓⵎⴻⵔⴷⴰⵙ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵀⵓⴷⴷⴻⵏ, ⵢⵉⵖⴰⵍⵍⴻⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ (ⴰⵏⵒ), ⵙⴻⵎⵎⵓⵙ ⵢⴻⵎⵔⵓⴷⴻⵏ (ⵍⴻⵎⴷⴰⴼⴻⵄ) ⵢⴻⵜⵜⵡⴰⵅⴻⴷⴷⵎⴻⵏ ⵙ ⵓⴼⵓⵙ ⴰⴽⴽⴻⴷ ⴽⵔⴰⴹ ⵍⴱⵓⵎⴱⴰⵜ ⴷⴻⴳ ⵢⵉⵡⴻⵜ ⵏ ⵜⴻⵎⵣⴻⵍⵜ (ⵄⴰⵎⴰⵍⵉⵢⴰ) ⵏ ⵓⵏⴰⴷⵉ ⴷⴻⴳ ⴱⵓⵎⴻⵔⴷⴰⵙ, ⵉ ⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷⴷ ⵢⵉⵡⴻⵏ ⵏ ⵡⴻⵍⵖⵓ ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.

ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵏ ⵢⵉⵔⴻⵎⵎⴰⵖⴻⵏ, ⴷⴻⴳ ⵜⴻⵎⵣⴻⵍⵜ ⵏ ⵓⵏⴰⴷⵉ ⵉ ⴳⴰⵏ ⵢⵉⵖⴰⵍⵍⴻⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ (ⴰⵏⵒ) ⴷⴻⴳ ⵜⴻⵥⴳⵉ ⵏ ⵙⵉⴷⴻⵄⵍⵉ ⴱⵓⵏⴰⴱ, ⵜⴰⵡⵉⵍⴰⵢⵜ ⵏ ⴱⵓⵎⴻⵔⴷⴰⵙ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⴰⵎⴻⵣⵡⴰⵔⵓⵜ), ⵓⴼⴰⵏ ⵙⴰⴽⵉⵏ ⵀⵓⴷⴷⴻⵏ, ⴰⵙⵙ ⵏ 13 ⵖⵓⵛⵜ 2016, ⵙⴻⵎⵎⵓⵙ (5) ⵢⴻⵎⵔⵓⴷⴻⵏ ⵢⴻⵜⵜⵡⴰⵅⴻⴷⴷⵎⴻⵏ ⵙ ⵓⴼⵓⵙ ⴰⴽⴽⴻⴷ ⴽⵔⴰⴹ (3) ⵍⴱⵓⵎⴱⴰⵜ’’, ⵉ ⴷⵢⴻⵙⵙⴻⴷⴷⵉ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.

ⵙⴻⴳ ⵢⵉⴷⵉⵙ-ⵏⵏⵉⴹⴻⵏ, ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵏ ⵜⵉⵏⵏⵖⵉ ⵜⵓⴷⴷⵉⵙⵜ, ⵉⴼⴻⵔⴷⵉⵙⴻⵏ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ ‘’ⵟⵟⴼⴻⵏ ⴷⴻⴳ ⵢⵉⵖⵉⵍ ⵉⵣⵣⴰⵏ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 2), ⵢⵉⵡⴻⵏ (1) ⵏ ⵓⵎⵙⴻⵜⵜⵉ ⴷⴻⴳ ⵢⵉⵡⴻⵜ (1) ⵏ ⵜⴽⴻⵔⵔⵓⵙⵜ, ⵓⴼⴰⵏ ⵖⵓⵔ-ⵙ ⵙⴰⴽⵉⵏ ⴽⴽⵙⴻⵏ-ⴰⵙ ⵙⵏⴰⵜ ⵜⴻⵎⵔⴰⵡⵉⵏ ⴷ ⵓⵣⴳⴻⵏ (25,5) ⵏ ⵢⵉⴽⵉⵍⵓⴳⵔⴰⵎⴻⵏ ⵏ ⵍⴽⵉⴼ.

ⵔⵏⵓ ⴷⴰⵖⴻⵏ, ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ, ⵉⵛⵓⴷⴷⴻⵏ ⵙ ⴰⵃⵔⵉⵛ ⴰⵎⴻⵣⵍⴰⵏ ⵏ ⵜⵉⵏⴷⵓⴼ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 3), ‘’ⵜⴻⵟⵟⴻⴼ ⵙⴰⴽⵉⵏ ⵜⴻⴽⴽⴻⵙ ⵎⵔⴰⵡ ⴷ ⴽⵓⵥ ⴷ ⵓⵣⴳⴻⵏ (14,5) ⵏ ⵢⵉⴽⵉⵍⵓⴳⵔⴰⵎⴻⵏ ⵏ ⵍⴽⵉⴼ ⵢⴻⵍⵍⴰⵏ ⴼⴼⵔⴻⵏ ⴷⴻⴳ ⵜⴽⴻⵔⵔⵓⵙⵜ’’, ⵉ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⵏⵏⵉ.