ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵟⵟⴼⴻⵏ ⵢⵉⵖⴰⵍⵍⴻⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ ⵎⵔⴰⵡ ⴷ ⵢⵉⵡⴻⵏ ⵏ ⵢⵉⵎⵙⴻⵜⵜⵉⵢⴻⵏ ⴷⴻⴳ ⵄⵉⵏ ⴳⴻⵣⵣⴰⵎ ⴰⴽⴽⴻⴷ ⵜⵎⴻⵏⵖⴰⵙⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ - ⵟⵟⴼⴻⵏⵜ ⵜⵙⴻⵏⵙⵉⵔⵉⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ, ⴰⵙⵙ ⵏ ⵍⴻⵜⵏⵉⵢⴻⵏ, ⵙⴻⵎⵎⵓⵙ (5) ⵏ ⵢⵉⵎⵙⴻⵜⵜⵉⵢⴻⵏ ⴷⴻⴳ ⵄⵉⵏ ⴳⴻⵣⵣⴰⵎ ⴰⴽⴽⴻⴷ ⵙⴹⵉⵙ-ⵏⵏⵉⴹⴻⵏ ⴷⴻⴳ ⵜⵎⴻⵏⵖⴰⵙⵜ ⵙⴰⴽⵉⵏ ⴽⴽⵙⴻⵏ-ⴰⵙⴻⵏ ⵉⴼⴰⵔⵉⵙⴻⵏ ⵢⴻⵔⵣⴰⵏ ⴰⵙⴻⵜⵜⵉ, ⵉ ⴷ-ⵢⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⵢⵉⵡⴻⵏ ⵏ ⵡⴻⵍⵖⵓ ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.

‘’ⴷⴻⴳ ⵓⴽⴰⵜⴰⵔ ⵏ ⵓⵙⵖⵉⵍⵍⴻⵙ ⵏ ⵜⵍⵉⵙⴰ ⵏ ⵜⵎⵓⵔⵜ ⴰⴽⴽⴻⴷ ⵓⵎⴻⵏⵏⵓⵖ ⵎⴳⴰⵍ ⵜⵉⵏⵏⵖⵉ ⵜⵓⴷⴷⵉⵙⵜ, ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ ⵜⴻⵟⵟⴻⴼ ⵙⴻⵎⵎⵓⵙ (5) ⵏ ⵢⵉⵎⵙⴻⵜⵜⵉⵢⴻⵏ ⵙ ⵉⴷⵉⵙ ⵏ ⵜⵍⵉⵙⴰ ⵏ ⵜⵎⵓⵔⵜ ⴷⴻⴳ ⵄⵉⵏ ⴳⴻⵣⵣⴰⵎ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 6) ⴰⵙⵙ ⵏ 15 ⵖⵓⵛⵜ 2016 ⵜⴻⵔⵏⴰ ⵜⴻⴽⴽⴻⵙ-ⴰⵙⴻⵏ ⵢⵉⵡⴻⵏ ⵏ ⵓⴽⴰⵎⵢⵓⵏ ⵉ ⴷ-ⵉⵄⴻⴱⴱⴰⵏ ⵓⴳⴰⵔ ⵏ (40.000) ⵏ ⵢⵉⵍⵉⵜⵔⴻⵏ ⵏ ⵢⵉⵙⴻⵔⵖⴰⵢⴻⵏ ⴰⴽⴽⴻⴷ ⵙⵏⴰⵜ (2) ⵜⴽⴻⵔⵔⵓⵙⵉⵏ, ⵄⴻⴱⴱⴰⵏⵜ-ⴷ (12,7) ⵏ ⵢⵉⵇⴻⵏⵟⴰⵔⴻⵏ ⵏ ⵜⴳⴻⵍⵍⴰ ⵢⴻⵔⵣⴰⵏ ⴰⵙⴻⵜⵜⵉ, ⴰⴽⴽⴻⴷ ⵙⵏⴰⵜ (2) ⵏ ⵜⵉⵍⵉⴼⵓⵏⴰⵜ ⵏ ⵓⴳⴻⵏⵙⴰ’’, ⵉ ⴷ-ⵢⴻⵙⵙⴻⴷⴷⵉ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.

ⴷ ⴻⴳ ⵜⵎⴻⵏⵖⴰⵙⵜ, ⵜⴻⵟⵟⴻⴼ ⵜⵙⴻⵏⵙⵉⵔⵜ-ⵏⵏⵉⴹⴻⵏ ⵙⴹⵉⵙ (6) ⵏ ⵢⵉⵎⵙⴻⵜⵜⵉⵢⴻⵏ ⵜⴻⴽⴽⴻⵙ-ⴰⵙⴻⵏ ⵙⵏⴰⵜ (2) ⵜⴽⴻⵔⵔⵓⵙⵉⵏ ⴰⴽⴽⴻⴷ ⵎⵔⴰⵡ ⴷ ⵜⵥⴰ (19) ⵏ ⵜⵎⴰⵛⵉⵏⵉⵏ ⵢⴻⵜⵜⵏⴰⴷⵉⵏ ⵓⵣⵣⴰⵍ.