ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵀⵓⴷⴷⴻⵏ ⵢⵉⵖⴰⵍⵍⴻⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⴽⵔⴰⴹ ⵜⵏⴰⴼⴼⴰⵔⵉⵏ ⵏ ⵢⵉⵔⴻⵎⵎⴰⵖⴻⵏ ⴷⴻⴳ ⴵⵉⴵⴻⵍ ⴰⴽⴽⴻⴷ ⴱⵓⵎⴻⵔⴷⴰⵙ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵀⵓⴷⴷⴻⵏⵜ ⵜⵙⴻⵏⵙⵉⵔⵉⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⴵⵉⴵⴻⵍ ⴰⴽⴽⴻⴷ ⴱⵓⵎⴻⵔⴷⴰⵙ, ⴽⵔⴰⴹ ⵏ ⵜⵏⴰⴼⴼⴰⵔⵉⵏ ⵏ ⵢⵉⵔⴻⵎⵎⴰⵖⴻⵏ ⵉⴷⴻⴳ ⵓⴼⴰⵏ ⵍⴱⵓⵎⴱⴰⵜ ⵢⴻⵜⵜⵡⴰⵅⴻⴷⵎⴻⵏ ⵙ ⵓⴼⵓⵙ, ⵢⵉⵡⴻⵏ (1) ⵏ ⵓⴽⴰⵔⵟⵓⵛ ⵏ ⵔⵒⴳ-7 ⴰⴽⴽⴻⴷ ⵢⵉⴼⴻⵅⵙⴰⵢⴻⵏ, ⵉ ⴷ-ⵢⴻⵏⵏⴰ ⴰⵙⵙ ⵏ ⵍⴰⵔⴻⴱⵄⴰ ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ. ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵏ ⵢⵉⵔⴻⵎⵎⴰⵖⴻⵏ, ⵜⵉⵙⴻⵏⵙⵉⵔⵉⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ ⵓⴼⴰⵏⵜ ⵙⴰⴽⵉⵏ ⵀⵓⴷⴷⴻⵏⵜ ⴽⵔⴰⴹ ⵜⵏⴰⴼⴼⴰⵔⵉⵏ ⵏ ⵢⵉⵔⴻⵎⵎⴰⵖⴻⵏ ⴷⴻⴳ ⴵⵉⴵⴻⵍ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 5) ⴰⴽⴽⴻⴷ ⴱⵓⵎⴻⵔⴷⴰⵙ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⴰⵎⴻⵣⵡⴰⵔⵓⵜ), ⵓⴼⴰⵏ ⴷⴻⴳ-ⵙⴻⵏⵜ ⵙⵏⴰⵜ (2) ⵍⴱⵓⵎⴱⴰⵜ ⵢⴻⵜⵜⵡⴰⵅⴻⴷⵎⴻⵏ ⵙ ⵓⴼⵓⵙ, ⵢⵉⵡⴻⵏ (1) ⵏ ⵓⴽⴰⵔⵟⵓⵛ ⵏ ⵔⵒⴳ-7 ⴰⴽⴽⴻⴷ ⵢⵉⴼⴻⵅⵙⴰⵢⴻⵏ’’, ⵉ ⵢⴻⵙⵙⴻⴷⴷⵉ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.

ⵙⴻⴳ ⵢⵉⴷⵉⵙ-ⵏⵏⵉⴹⴻⵏ, ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵜⵉⵏⵏⵖⵉ ⵜⵓⴷⴷⵉⵙⵜ, ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ ‘’ⵜⴻⵟⵟⴻⴼ ⵙⴰⴽⵉⵏ ⵜⴻⴽⴽⴻⵙ ⵎⵔⴰⵡ ⴷ ⴽⵓⵥ (14) ⵏ ⵢⵉⴽⵉⵍⵓⴳⵔⴰⵎⴻⵏ ⵏ ⵍⴽⵉⴼ ⴷⴻⴳ ⵡⴻⵔⵔⴻⴳⵍⴰ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 4). ⴷⴻⴳ ⵜⵉⵏⵣⴰⵡⴰⵜⵉⵏ ⴰⴽⴽⴻⴷ ⵄⵉⵏ ⴳⴻⵣⵣⴰⵎ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 6), ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ ‘’ⵜⴻⵟⵟⴻⴼ ⵢⵉⵡⴻⵏ (1) ⵏ ⵓⵎⵙⴻⵜⵜⵉ ⴰⴽⴽⴻⴷ ⵙⵏⴰⵜ (2) ⵜⴽⴻⵔⵔⵓⵙⵉⵏ ⵉⵄⴻⴱⴱⴰⵏ ⵢⵉⵡⴻⵏ ⴷ ⵓⵣⴳⴻⵏ (1,5) ⵏ ⵢⵉⵟⵓⵏⴻⵏ ⵏ ⵜⴳⴻⵍⵍⴰ, ⵙⵉⵏ (2) ⵏ ⵢⵉⴽⵉⵍⵓⴳⵔⴰⵎⴻⵏ ⵏ ⵢⵉⴼⴻⵅⵙⴰⵢⴻⵏ ⴰⴽⴽⴻⴷ ⵡⴰⵍⵍⴰⵍⴻⵏ ⵏ ⵓⵙⵟⴻⵔⴹⴻⵇ, ⴰⴽⴽⴻⴷ ⵢⵉⵡⴻⵏ (1) ⵏ ⵓⴽⴰⵎⵢⵓⵏ ⵉⵄⴻⴱⴱⴰⵏ (2700) ⵏ ⵢⵉⴼⴻⵔⴷⵉⵙⴻⵏ ⵏ ⵡⴻⵅⵅⴰⵎ".