Asebter amenzawi

Hudden yiɣallen n Tredsa taɣelnawt kraḍ tnaffarin n yiremmaɣen deg Ǧiǧel akked Bumerdas

LEZZAYER TAMANEɣT – Huddent tsensirin n Tredsa taɣelnawt taɣerfant, ass n ttlata deg Ǧiǧel akked Bumerdas, kraḍ n tnaffarin n yiremmaɣen ideg ufan lbumbat yettwaxedmen s ufus, yiwen (1) n ukarṭuc n RPG-7 akked yifexsayen, i d-yenna ass n larebɛa deg yiwen n welɣu uɣlif n Temḥaddit taɣelnawt. Deg ukatar n umennuɣ mgal n yiremmaɣen, tisensirin n Tredsa taɣelnawt taɣerfant ufant sakin huddent kraḍ tnaffarin n yiremmaɣen deg Ǧiǧel (Tamnaḍt taserdasant tis 5) akked Bumerdas (Tamnaḍt taserdasant tamezwarut), ufan deg-sent snat (2) lbumbat yettwaxedmen s ufus, yiwen (1) n ukarṭuc n RPG-7 akked yifexsayen’’, i yesseddi uɣlif n Temḥaddit taɣelnawt.

Seg yidis-nniḍen, deg ukatar n umennuɣ mgal tinnɣi tuddist, yiwet n tsensirt n Tredsa taɣelnawt taɣerfant ‘’teṭṭef sakin tekkes mraw d kuẓ (14) n yikilugramen n lkif deg Werregla (Tamnaḍt taserdasant tis 4). Deg Tinzawatin akked Ɛin Gezzam (Tamnaḍt taserdasant tis 6), yiwet n tsensirt n Tredsa taɣelnawt taɣerfant ‘’teṭṭef yiwen (1) n umsetti akked snat (2) tkerrusin iɛebban yiwen d uzgen (1,5) n yiṭunen n tgella, sin (2) n yikilugramen n yifexsayen akked wallalen n usṭerḍeq, akked yiwen (1) n ukamyun iɛebban (2700) n yiferdisen n wexxam".