ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⵄⵉⴷⴰ : ⵜⴰⵣⴻⵇⵇⴰ ⵏ ⵙⵙⵉⵏⵉⵎⴰ "ⴷⵧⵓⵏⵢⴰⵣⴻⴷ" ⴰⴷ ⵜⴻⵍⴷⵉ ⵜⵉⵡⵡⵓⵔⴰ-ⵙ ⵙⴻⴳ ⵎⴻⴷⵍⴻⵏⵜ ⴽⵜⴰⴹⴻⵜ ⵏ ⵜⴻⵎⵔⴰⵡⵉⵏ ⵏ ⵢⵉⵙⴻⴳⴳⴰⵙⴻⵏ ⴰⵢⴰ

ⵙⵄⵉⴷⴰ – ⵜⴰⵣⴻⵇⵇⴰ ⵏ ⵙⵙⵉⵏⵉⵎⴰ "ⴷⵧⵓⵏⵢⴰⵣⴰⴷ" ⵏ ⵜⵉⵖⵔⴻⵎⵜ ⵏ ⵙⵄⵉⴷⴰ, ⴰⴷ ⵜⴻⵍⴷⵉ ⵜⵉⵡⵡⵓⵔⴰ-ⵙ ⴷⴻⴳ ⵜⴰⴳⴳⴰⵔⴰ ⵏ ⵡⴰⵢⵢⵓⵔ ⵏ ⵛⵜⴻⵎⴱⴻⵔ ⵉ ⴷ-ⵉⵜⴻⴷⴷⵓⵏ ⵉ ⵡⵉⴷ ⵉⵔⴰⵏ ⵉⵙⵓⵔⴰ, ⵉ ⴷ-ⵜⴻⵙⵙⴻⴷⴷⵉⵏ ⵜⵎⴻⵀⵍⴰ ⵜⴰⴷⵉⴳⴰⵏⵜ ⵏ ⵢⵉⴷⵍⴻⵙ.

ⴰⴷⴻⴳ-ⴰ ⴰⴷⴻⵍⵙⴰⵏ, ⵉ ⵓⵎⵉ ⵙⴻⴽⴽⵔⴻⵏ ⵜⵉⵡⵡⵓⵔⴰ-ⵙ ⵓⴳⴰⵔ ⵏ 30 ⵏ ⵢⵉⵙⴻⴳⴳⴰⵙⴻⵏ ⴰⵢⴰ, ⵚⴻⴳⵎⴻⵏ-ⵜ, ⵜⴻⴷⴷⵓⵏ ⴰⴷ ⴽⴼⵓⵏ ⵢⵉⵎⵓⵀⴰⵍ ⵏ ⵓⵙⴻⵜⵔⴻⵔ-ⵉⵙ. ⵜⴻⵜⵜⴻⵏⵇⴰⵎ-ⴷ ⵙ 93 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵔⴻⵏ, ⴰⴽⴽⴰ ⵉ ⴷ-ⵢⴻⵙⵙⴻⴷⴷⵉ ⵓⵖⴻⵍⵍⴰ ⵏ ⵓⵎⴻⵥⵍⵓ ⵏ ⵜⴻⴷⴱⴻⵍⵜ, ⵏ ⵓⵙⵖⵉⵡⴻⵙ ⴰⴽⴽⴻⴷ ⵓⵙⵉⵍⴻⵖ ⴷⴻⴳ ⵜⵎⴻⵀⵍⴰ ⵏ ⵢⵉⴷⵍⴻⵙ.

ⵜⴰⵣⵎⴻⵔⵜ ⵏ ⵓⵄⴻⴱⴱⵉ ⵏ ⵜⵣⴻⵇⵇⴰ ⵜⴻⵙⵙⴰⵡⴻⴹ ⵖⴻⵔ 400 ⵏ ⵢⵉⵎⴻⴹⵇⴰⵏ. ⴰⴷ ⴰⵙ-ⵙⵙⴰⵍⵉⵏ ⴰⵍⵍⴰⵍⴻⵏ ⵏ ⵓⵙⴻⵏⵥⴻⵔ ⵓⵎⴹⵉⵏⴻⵏ, ⵎⴰ ⴷ ⴰⵍⵍⴰⵍⴻⵏ ⵉⵇⴱⵓⵔⴻⵏ ⴰⴷ ⴰⵙⴻⵏ-ⴰⵏⴼⴻⵏ ⴰⴽⴽⴻⵏ ⵍⵍⴰⵏ, ⴰⵛⴽⵓ ⵙⵢⴰ ⴷ ⴰⴼⴻⵍⵍⴰ ⴰⴷ ⵣⴻⵎⵔⴻⵏ ⴰⴷ ⵙⵏⴻⵥⵔⴻⵏ ⵜⵉⵚⴻⴽⴽⵉⵡⵉⵏ ⵓⵔ ⵏⴻⵍⵍⵉ ⴷ ⵜⵓⵎⴷⵉⵏⵉⵏ ⵉⵎⵉ ⴷ ⵏⵉⵜⴻⵏⵜⵉ ⵉ ⵢⴻⵟⵟⵓⵇⵜⴻⵏ ⴷⴻⴳ ⵜⴻⴷⵔⵓⵜ ⵏ ⵢⵉⵙⵓⵔⴰ ⵢⴻⵍⵍⴰⵏ ⴷⴻⴳ ⵜⵎⵓⵔⵜ-ⵏⵏⴻⵖ.

ⵉⵙⵡⵉ ⵏ ⵓⵙⴻⵜⵔⴻⵔ ⴰⴽⴽⴻⴷ ⵓⵍⴷⴰⵢ ⵏ ⵜⵣⴻⵇⵇⴰ-ⴰ ⵏ ⵙⵙⵉⵏⵉⵎⴰ ⴷ ⴰⵍⵍⵓⵙ ⵏ ⵓⵙⵏⴻⵣⵡⵉ ⵏ ⵢⵉⴷⵍⴻⵙ ⵢⴻⵔⵣⴰⵏ ⵙⵙⵉⵏⵉⵎⴰ, ⴰⵎⵙⵓⵖⴰⵍ ⵏ ⵓⴳⴷⵓⴷ ⴰⴽⴽⴻⴷ ⵜⵥⵓⵔⵉ ⵜⵉⵙ 7 ⵔⵏⵓ-ⴰⵙ ⴰⵙⴻⴷⴷⵓ ⵏ ⵢⵉⴷⵍⴻⵙ ⴷⴻⴳ ⵜⵡⵉⵍⴰⵢⵜ-ⴰ, ⵉ ⴷ-ⵙⵎⴻⴽⵜⴰⵏ.