Asebter amenzawi

Sɛida : Tazeqqa n ssinima "Dounyazed" ad teldi tiwwura-s seg medlent ktaḍet n temrawin n yiseggasen aya

SƐIDA – Tazeqqa n ssinima "Dounyazad" n tiɣremt n Sɛida, ad teldi tiwwura-s deg taggara n wayyur n ctember i d-iteddun i wid iran isura, i d-tesseddin tmehla tadigant n yidles.

Adeg-a adelsan, i umi sekkren tiwwura-s ugar n 30 n yiseggasen aya, ṣegmen-t, teddun ad kfun yimuhal n usetrer-is. Tettenqam-d s 93 n yimelyunen n yidinaren, akka i d-yesseddi uɣella n umeẓlu n tedbelt, n usɣiwes akked usileɣ deg Tmehla n yidles.

Tazmert n uɛebbi n tzeqqa tessaweḍ ɣer 400 n yimeḍqan. Ad as-ssalin allalen n usenẓer umḍinen, ma d allalen iqburen ad asen-anfen akken llan, acku sya d afella ad zemren ad sneẓren tiṣekkiwin ur nelli d tumdinin imi d nitenti i yeṭṭuqten deg tedrut n yisura yellan deg tmurt-nneɣ.

Iswi n usetrer akked ulday n tzeqqa-a n ssinima d allus n usnezwi n yidles yerzan ssinima, amsuɣal n ugdud akked tẓuri tis 7 rnu-as aseddu n yidles deg twilayt-a, i d-smektan.