Asebter amenzawi

Aneɣlaf n Yimǧuhad yerza s adeg amezruyan anda i d-teḍra temlilit n Ssumam

BGAYET – Aneɣlaf n Yimǧuhad Tayeb Zitouni yerza ass n ssebt ɣer udeg amezruyan anda i d-teḍra temlilit n Ssumam deg Yifri Uzellagen deg Bgayet deg ukatar n usfugel n wass aɣelnaw n umǧahed akked umulli uslig 20 ɣuct 1955 akked 20 ɣuct 1956.

Irufeq-it uneɣlaf n Yidles Azzedine Mihoubi, Amaray amatu n Tuddsa taɣelnawt n yimǧuhad, Said Abadou akked yinesɣuma n twacult tagrawlant n temnaḍt, yeẓẓunẓa uneɣlaf yiwen n udeg n usmekti n umulli uslig n wass aɣelnaw n umǧahed sakin yezzaken-d isebdaden n yimesnilen n tegrawla i yekkin deg temlilit n Ssumam(Krim Belkacem, Zighoud Youcef, Abane Ramdane, Larbi Ben M’hidi, Lakhdar Bentobal akked Amar Ouamrane).

Aneɣlaf n Yimǧuhad yerna icar asenfar n tuggna s aẓeṭṭa n wurrig agaman i lfayda n yimezdaɣ n taddart n Yifri akked userreḥ n wurrig (lgaz) i yimezdaɣ n tudrin n Didun akked Tiburirin deg Wuzellagen.