Asebter amenzawi

Aselway Bouteflika :akala n tsemmeskelt n tdamsa, ur yettwazgal ara

BGAYET – Yenna-d uselway n Tegduda, Abdelaziz Bouteflika, ass n ssebt, dakken akala ur nettwazgal ara n tsemmeskelt n tdamsa ad yeldi i tdamsa taɣelnawt iberdan imaynuten ‘’i lfayda n uɣref-nneɣ i umi nebɣa ad yilin yedduri seg yibeddilen d-iḍerrun deg wulzuz n upiṭrul.

Iswan n ucegger aneggaru n tmenḍawt, gar-asen, asetrer n ’’yilugan n tenbaḍt, n tugdut akked tlelli akken ad mmezgen akked ukala n tsemmeskelt n tdamsa, aya ad yeldi i tdamsa taɣelnawt iberdan imaynuten i lfayda n uɣref-nneɣ i umi nebɣa ad yilin yedduri seg yibeddilen d-iḍerrun deg wulzuz n upiṭrul’’, i d-yenna uselway n Tegduda deg yiwen n yizen i d-yeɣra s yisem-is deg Bgayet uneɣlaf n Yiḍles, Azeddine Mihoubi deg tlemmiẓt n Wass aɣelnaw n Umǧahed, ass n usfugel daɣen n umulli uslig n Unṭag n Ugafa n Qṣenṭina (20 ɣuct 1955) akked temlilit n Ssumam (20 ɣuct 1956).

‘’Akken ad nessiweḍ, yessefk fell-aɣ ad nebnu tadamsa tanḍant yettḥarafen, ara izemren ad tawi amḍiq-is gar tdamsiwin n tmra-nniḍen deg tallit-a n usemḍel’’, i yerna yenna-d.