Asebter amenzawi

Yessefk ad ilint ugar n tezrawin ɣef Umezruy n Lezzayer yerzan akk talliyin

ƐENNABA – Amaray amatu n Usqamu unnig n Timmuzɣa, Si El Hachemi Assad yeɣra-d ass n ssebt deg Ɛennaba, inagmayen akked yimazzayen akken ad gen ugar n tezrawin ɣef Umezruy n Lezzayer yerzan akk talliyin.

Alday n yimuhal n temlilit tussnant tagraɣlant ɣef ugellid amaziɣ Yugurten, ddaw uzwel ‘’Yugurten iqubel Ṛum’’, deg umezgun amnaḍan Azzedine Midjoubi, Amaray Amatu nUsqamu unnig n Timmuzɣa iderrer-d dakken tizrawin ɣef Umezruy n temnaḍt yugar i d-uran yimuzzag akked yinagmayen ijenṭaḍ, yenna-d daɣen yessefk ad tili ‘’tmuɣli tazzayrit) ara d yezziknen, Amezruy n tmurt.

Mass Assad i d-yesmektan dakken timlilit-a tussnant tagraɣlant teɣli-d akked usfugel n wass aɣelnaw n Umǧahed, yenna-d daɣen timlilit-a tefser-d azal n uzbu akked uḥuddu ɣef wakal n tmurt i sɛan yigelliden imaziɣen amedya n Masensen akked Yugurten, iderrer-d daɣen dakken amedya-nsen d taɣbalut iseg d-yeswa umgaru n Uslelli aɣelnaw.