Asebter amenzawi

Uraren ulambiyen-2016/ Tatlitit (1500 m) : Taoufik Makhloufi yerbaḥ tazalɣi n lfeṭṭa

RIO DE JANEIRO- Anaddal azzayri Taoufik Makhloufi yerbaḥ tazalɣi n lfeṭṭa di tazzla n 1500 m n wuraren ulambiyen -2016 s wakud n 3:50.11 ass n ssebt tameddit di Rio de Janeiro.

Makhloufi, ixeṣṛen azwel amezwaru ulambi i yerbaḥ deg uraren ulambiyen n 2012 di Londres, yezwar-it, d ayen yeswahmen akk medden, amarikani Matthew Centrowitz yewwin tazalɣi n wuṛeɣ s wakud n 3:50.00 ma d tazalɣi n nḥas tuɣal i uzinlundi Nicholas Willis (3 :50.24).

Tagi d tazalɣi tis snat i Makhloufi di Rio, mbaɛd mi yella yerbaḥ yiwet di 800 m ass n letniyen yezrin.