Asebter amenzawi

Taggara n yimuhal n tesdawit n unebdu n Tirni n Polisario : d aswir unnig n uɣnas

BUMERDAS – Imuhal n tezrigt tis 7 n tesdawit n unebdu n yikataren n Terni n Polisario akked Tegduda taɛrabt taṣeḥrawit tamagdayt (RASD) kfan ass n letniyen seg d-zzewren aswir unnig n uɣnas n yikataren iṣeḥrawiyen i lfayda n tmentilt (qaḍiya).

Aselway n tesdawit n unebdu tis 7 n Tirni n Polisario, Mohamed Lamine Bouhali, yezzireg-d anǧaḥ n tezrigt-a, i d-yeṭṭfen 15 wussan deg Bumerdas, yettwali dakken ‘’aswir unnig n uɣnas i d-sbegnen yimekkiyen’’ anamek-is ‘’beɣɣu n yikataren n Tegduda taɛrabt taṣeḥrawit tamagdayt’’ i lfayda n tmentilt taṣeḥrawit.

Ɣef leḥsab amasay aṣeḥrawi, tazrigt-a yersen ddaw usentel ‘’tifrat d Awanek aṣeḥrawi imzireg’’ yenǧeḥ almend n ’’uɛiwen ameqqran’’ n yiduba izzayriyen deg uswir unnig, akked d yiduba idiganen n twilayt n Bumerdas.

Izul ‘’tamlilt (ddur) tamezruyant n Lezzayer i lfayda n tmentilt tuɣdimt taṣeḥrawit.