Asebter amenzawi

Ccinwa tefser-d takerrust akked tkabsunt-is ara yesnarmen amtiweg n Meɣres deg useggas n 2020

PIKIN – tezreg-d Ccinwa ass n ttlata tugniwin n tkerrust akked tkabsunt i tettheyyi tmurt ad tt-tazen ɣef umtiweg azeggaɣ, sya ɣer semmus (5) n yiseggasen.

Tessaram Ccinwa ad tazen yiwen n uɣerrabu allunan ɣef weḥbu n Meɣres, sakin ad iṣub ɣer wakal n umtiweg akken ad isers yiwet n tkerrust deg wayyur n yullyu neɣ ɣuct 2020, i d-yenna Zhang Rongqiao, d aɣella amseɣnew n tuɣdaḍt ɣer Meɣres,

ɣef wakken i d-yenna Ye Peijian, yiwen seg yimazzayen icinwiyen seɛan azal ameqqran deg tesnaffugt, rnu-yas, d win t-cawaren deg wayen yerzan ahil, ad ciren tuɣdaḍt n useggas 2020 deg yiwet n tmeẓdit n uɛebbi Tikli Ɣezzifen-5 seg wammas n uciri allunan n Wenchang, deg unẓul n temnaḍt n Hainan.

Ad yebḍu umcir (lanceur) akked umeḥbu-s (orbiteur) deg taggara n usikel (voyage) n wazal n sa (7) wayyuren sakin ad yers deg turrut (latitude) taddayt deg uḥric yellan deg ugafa n Meɣres, d adeg n umtiweg ideg ara texdem tkerrust inadiyen-is.

Tugniwin i d-zzaknen deg usarag n tɣamsa ass n ttlata, nwala deg-sent yiwet n tkerrust yesɛan ṭam (8) n rrudat, akked kuẓ (4) n yigalisen ifukanen, rnan-as sin (2) n yigalisen ma nquren-itt ɣer tkerrust uznen ɣer wayyur.

Taẓeyt-is tessaweḍ ɣer 200 n yikilugramen, tettwaɣnew-d akken ad teddu kraḍ (3) wayyuren n Meɣres, ɣef wakken i d-yenna Sun Zezhou, aɣella amseɣnew n tkabsunt-a.

Ad yili deg tkerrust-nni, yiwet n tkumart n unadi akked yiwen n uradar ara izemren ad yesleḍ akal, tawennaḍt akked tignewt n Meɣres, ad yernu ad iwali amek llan waman akked ugris yellan deg umtiweg akked temṣuka-s.

Caren ass n ttlata tazizzelt i wegdud akken ad fken isem akked ulugu i tuɣdaḍt n 2020.