Asebter amenzawi

Amagrad n Politico ‘’mačči d tamuɣli’’ n Tdukli Turufit deg wayen yerzan Lezzayer

BRUXELLES – Assaɣen yellan gar Tdukli turufit (UE) akked Lezzayer ‘’ǧehden yerna d imezgiyen’’, i d-nnan ass n larebɛa iweẓla idiplumasiyen n Tdukli, rnan nnan-d dakken amagrad n uɣmis asertan amarikani Politico i d-izergen ass n lexmis yezrin ‘’mačči d tamuɣli’’ n Tdukli Turufit deg wayen yerzan Lezzayer.

‘’Amagrad n Politico ur telli d tamuɣli n Tdukli Turufit, ur telli d tasertit i tesɛa ɣer Lezzayer’’, i d-yenna i Tnegga n APS, Nabila Massrali, yiwen seg yimutlayen n yiweẓla urufiyen i tigawt n berra (SEAE).

Assaɣen yellan gar Tdukli Turufit akked Lezzayer ǧehden, dɣa deg taɣult n teẓwert (ṭṭaqa)’’, i yerna yenna-d, yeskaddeb tilɣa i d-yewwi Politico i d-yuddren yiwet n teɣbalut turufit tuffirt i d-yennan dakken Tadukli Turufit tettraǧu abeddel n unhil deg Lezzayer’’ rnu daɣen atqelleq ɣef ’’usbak asertan’’ yellan deg tmurt.