ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵎⴻⵥⴷⵉⵜ ⴰⵔⵉⴰⵏⴻ ⵜⵙⴻⵔⵙ ⴷⴻⴳ ⵓⵃⴱⵓ ⵙⵉⵏ ⵉⴳⴻⵏⵙⴰⵜⴻⵏ ⵏ ⵜⵉⵍⵉⵖⵡⴰⵍⵜ ⵉ ⵉⵏⵜⴻⵍⵙⴰⵜ

ⴽⵓⵔⵓ(ⴼⵔⴰⵏⵙⴰ) – ⴰⵎⵛⵉⵔ ⵓⵔⵓⴼⵉ ⴰⵔⵉⴰⵏⴻ 5 ⵢⴻⵏⴵⴻⵃ ⴰⵙⵙ ⵏ ⵍⴰⵔⴻⴱⵄⴰ ⵜⵓⵖⴷⴰⴹⵜ-ⵉⵙ (ⵎⴰⵀⴰⵎⵎⴰ) ⵜⵉⵙ ⴽⵓⵥ (4) ⵏ ⵓⵙⴻⴳⴳⴰⵙ, ⴷ ⵜⵉⵙ 73 ⵙ ⵓⵎⴰⵜⴰ, ⵙ ⵓⵙⴻⵔⵙⵉ ⵖⴻⴼ ⵓⵃⴱⵓ ⵏ ⵙⵉⵏ ⵏ ⵢⵉⴳⴻⵏⵙⴰⵜⴻⵏ ⵏ ⵜⵉⵍⵉⵖⵡⴰⵍⵜ ⵏ ⵓⴷⴻⴼⵔⵉⵔ (ⵎⴰⴵⵎⵓⵄⴰ) ⵉⵏⵜⴻⵍⵙⴰⵜ.

ⵜⵇⴻⵍⵍⴻⵄ ⵜⵎⴻⵥⴷⵉⵜ ⵖⴻⴼ ⵓⵙⵔⴰⴳ (ⵙⵙⴰⵄⴰ) 19 :16 ⵜⴰⴷⵉⴳⴰⵏⵜ (22 :16 ⴳⵎⵜ), ⵙⴻⴳ ⵡⴰⵎⵎⴰⵙ ⴰⵍⵍⵓⵏⴰⵏ ⵏ ⴽⵧⵓⵔⵧⵓ ⴷⴻⴳ ⴳⵓⵢⴰⵏⴻ ⵜⴰⴼⵔⴰⵏⵙⵉⵜ, ⵉ ⴷ-ⵜⴻⵙⵙⴻⴷⴷⵉ ⵜⴻⵕⵎⵉⵙⵜ ⴰⵔⵉⴰⵏⴻ ⵙⵒⴰⵛⴻ ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ.

ⴰⴳⴻⵏⵙⴰ ⵉⵏⵜⴻⵍⵙⴰⵜ 33 ⴰⴷ ⵢⴻⴼⴽ ⵉ ⵜⵓⵔⵓⴼⵜ, ⴰⴳⵎⵓⴹ ⴰⵍⴻⵎⵎⴰⵙ, ⵜⴰⴼⵔⵉⵇⵜ ⴰⴽⴽⴻⴷ ⴰⵙⵢⴰ ⵜⴰⵍⵡⵉⵜⴰⵏⵜ, ⴽⵔⴰ ⴰⵔⴰ ⴽⴽⴻⵏ 15 ⵏ ⵢⵉⵙⴻⴳⴳⴰⵙⴻⵏ, ⵉⵎⴻⵥⵍⴰ ⵙ ⵓⴽⵜⵓⵎ ⴰⵎⴻⵇⵇⵔⴰⵏ ⵉ ⵜⴻⵎⵣⵉⵍⵉⵏ (ⵄⴰⵎⴰⵍⵉⵢⴰⵜ) ⵏ ⵜⵉⵍⵉⵖⵡⴰⵍⵜ, ⵏ ⵜⴻⵕⵎⵉⵙⵉⵏ, ⵏ ⵜⴻⵙⵏⴰⴼⴼⵓⴳⵜ ⴰⴽⴽⴻⴷ ⵢⵉⵎⵉⴷⵢⴰⵜⴻⵏ-ⵏⵏⵉⴹⴻⵏ.

ⵎⴰ ⴷ ⴰⴳⴻⵏⵙⴰ ⵉⵏⵜⴻⵍⵙⴰⵜ 36, ⵢⴻⵙⵙⵓⵎⴻⵔ-ⴷ ⴽⵔⴰ ⴰⵔⴰ ⴽⴽⴻⵏ 15 ⵏ ⵢⵉⵙⴻⴳⴳⴰⵙⴻⵏ, ⵓⵍⴰ ⴷ ⵏⴻⵜⵜⴰ ⵉⵎⴻⵥⵍⴰ ⵏ ⵜⴻⵖⵡⴰⵍⵜ ⵉ ⵜⴻⵕⵎⵉⵙⵜ ⵏ ⵜⴻⴼⵔⵉⵇⵜ ⵜⴰⵏⵥⵓⵍⴰⵏⵜ ⵎⵓⵍⵜⵉⵛⵀⵧⵉⵛⴻ, ⴷ ⵜⴰⵖⴻⵔⵖⴻⵔⵜ ⵜⴰⴳⴻⵊⴷⴰⵏⵜ ⵏ ⵜⵏⴻⵣⵡⵉⵜ ⵙⵔⵉⴷ ⵙ ⵓⴳⴻⵏⵙⴰ ⴷⴻⴳ ⵜⴻⴼⵔⵉⵇⵜ ⵏ ⵓⵏⵥⵓⵍ.

ⵜⵓⵖⴹⴰⴷⵜ ⵏ ⵡⴰⵙⵙ ⵏ ⵍⴰⵔⴻⴱⵄⴰ ⴷ ⵜⴰⵎⴻⵣⵡⴰⵔⵓⵜ ⵙⴻⴳ ⵎⵉ ⵜⴻⴱⴷⴰ ⵜⴻⵕⵎⵉⵙⵜ ⴰⵉⵔⴱⵓⵙ ⵙⴰⴼⵔⴰⵏ ⵍⴰⵓⵏⵛⵀⴻⵔⵙ (ⴰⵙⵍ) ⵜⴻⵜⵜⴻⴷⴷⵓ, ⵜⴰⵕⵎⵉⵙⵜ-ⴰ ⴷ ⵜⵓⵛⵔⵉⴽ 50-50 ⴰⴽⴽⴻⴷ ⵜⴻⵕⵎⵉⵙⵜ ⴰⵉⵔⴱⵓⵙ ⴳⵔⵧⵓⵒ ⴰⴽⴽⴻⴷ ⵙⴰⴼⵔⴰⵏ, ⴽⴽⵉⵏⵜ ⴷⴻⴳ ⵓⵙⴻⵖⵏⴻⵡ ⵏ ⵜⵎⴻⵥⴷⵉⵜ ⴰⵔⵉⴰⵏⴻ 6 ⵉ ⵜⴻⵇⴱⴻⵍ, ⴰⵢⵢⵓⵔ ⵢⴻⵣⵔⵉⵏ, ⵜⴻⵙⵇⴰⵎⵓⵜ ⵜⵓⵔⵓⴼⵉⵜ.