Asebter amenzawi

Timeẓdit Ariane tsers deg uḥbu sin igensaten n tiliɣwalt i Intelsat

KURU(Fransa) – Amcir urufi Ariane 5 yenǧeḥ ass n larebɛa tuɣdaḍt-is (mahamma) tis kuẓ (4) n useggas, d tis 73 s umata, s usersi ɣef uḥbu n sin n yigensaten n tiliɣwalt n udefrir (maǧmuɛa) Intelsat.

Tqelleɛ tmeẓdit ɣef usrag (ssaɛa) 19 :16 tadigant (22 :16 GMT), seg wammas allunan n Kourou deg Guyane tafransit, i d-tesseddi teṛmist Ariane space deg yiwen n welɣu.

Agensa Intelsat 33 ad yefk i Turuft, Agmuḍ Alemmas, Tafriqt akked Asya Talwitant, kra ara kken 15 n yiseggasen, imeẓla s uktum ameqqran i temzilin (ɛamaliyat) n tiliɣwalt, n teṛmisin, n tesnaffugt akked yimidyaten-nniḍen.

Ma d agensa Intelsat 36, yessumer-d kra ara kken 15 n yiseggasen, ula d netta imeẓla n teɣwalt i teṛmist n tefriqt tanẓulant Multichoice, d taɣerɣert tagejdant n tnezwit srid s ugensa deg Tefriqt n unẓul.

Tuɣḍadt n wass n larebɛa d tamezwarut seg mi tebda teṛmist Airbus Safran Launchers (ASL) tetteddu, taṛmist-a d tucrik 50-50 akked teṛmist Airbus Group akked Safran, kkint deg useɣnew n tmeẓdit Ariane 6 i teqbel, ayyur yezrin, Tesqamut turufit.