Asebter amenzawi

Yermes Mass Sellal agensas uzzig n Umaray amatu n Yiɣlanen Yedduklen, aɣella Tuɣdaḍt n Tuddsa deg Mali

LEZZAYER TAMANEɣT – Aneɣlaf Amezwaru, Abdelmalek Sellal, yermes ass n lexmis deg tiɣremt n lezzayer agensas uzzig n umaray amatu n Yiɣlanen Yedduklen, aɣella n Tuɣdaḍt n Tuddsa n yiɣlanen yedduklen (ONU) deg Mali (Minusma), Mahamat Salah Annadif, i d-yenna yiwen n welɣu n yimeẓla n uneɣlaf Amezwaru.

Deg temlilit, ‘’yella-d umbiddel n tmuɣliwin ɣef liḥala yellan deg temnaḍt-nneɣ akked teswast n useḍru n Umtawa n tiɣremt n Lezzayer’’, i d-yesseddi welɣu.

I sin yeḥricen ‘’ulsen-d i beɣɣu n Lezzayer akked Yiɣlanen Yedduklen akken ad ɛiwnen ussisen n unabaḍ amali akked yeḥricen-nniḍen imaliyen akken ad ssiwḍen ɣer yiwet n liḥala irekden ara yanfen i temnaḍt-a ad tuɣal ɣer usnefli adamsan akked unmettan’’, i d-tezzireg teɣbalut-nni

Tellad temlilit s tihawt n uneɣlaf n Uwanek, aneɣlaf n yiweẓla (tiɣasiwin) n berra akked Umedhel agraɣlan, Ramtane Lamamra.