Asebter amenzawi

Tamezgida n Lezzayer tamuqqṛant : Di taggara useggas ad kfun lecɣal imeqqṛanen

Lezzayer Tamanaɣt : Yenna-d uneɣlaf n lebni akk d temdint, Abdelmadjid Tebboune, ass n ssebt di Lezzayer tamanaɣt d akken ad kfun lecɣal imeqqṛanen usenfar n tmezgida tamuqqṛant n Lezzayer uqbel taggara useggas.

Lawan n temlilit d yimawlan isallen d-yellan ɣer yidis n tirza-yagi usefqed, yenna-d Mas Tebboune d akken yethenna s tikli yelhan n lecɣal yessawḍen 85%. Ayen yeṭṭfen lwelha n uneɣlaf lawan n tirza d lecɣal n tqubbett tamezwarut ma d tis snat yellan d tamuqqṛant ugar n tmezwarut ad tili di taggara n waggur n nubambeṛ. Ad d-mmezgen lecɣal-is akk d ulebbes n tzeqqa n tẓallit.